پاکستان میں 80فیصد پولیو کیسز موجود ہیں ، عالمی ادارہ صحت

اسلام آباد(اُردو پوائنٹ اخبار تازہ ترین۔17 اکتوبر۔2014ء) عالمی ادارہ صحت ڈبلیو ایچ او نے کہا ہے کہ پاکستان پولیو پر قابو پانے میں ناکام رہا ہے اور ملک میں ابھی بھی پولیو کے 80فیصد کیسز موجود ہیں ۔ ورلڈ ہیلتھ آرگنائزیشن نے اپنی جاری رپورٹ میں کہا ہے کہ پاکستان عالمی سطح پر پولیو کے خاتمے کے ہدف کے حصول میں سب سے بڑا واحد خطرہ ہے ۔ رپورٹ میں کہا گیا ہے کہ رواں سال پاکستان میں پولیو کے 206 نئے کیسز رپورٹ کئے گئے ہیں رپورٹ میں کہا گیا ہے کہ شمالی اور جنوبی وزیرستان میں بچوں تک پولیو ویکسنیشن کی رسائی میں ناکامی مہم پر پابندی اور پولیو ورکرز کو مارنے کے باعث اس مہم کو کامیاب بنانے میں ناکامی ہوئی ہے ۔