مغربی افریقہ میں ایبولا وائرس سے ساڑھے 4 ہزار سے زائد افراد مرگئے

کیپ ٹاؤن(اُردو پوائنٹ اخبارتاز ترین ۔9 1اکتوبر 2014ء)ایبولا وائرس نے مغربی افریقہ میں ساڑھے چار ہزار افراد مارے دیئے میڈیا کے مطابق مغربی افریقہ کے ممالک لائبیریا، سیریالون اور گنی میں ایبولا وائرس نے مقامی آبادیوں کو بری طرح متاثر کیا ہے اور اب تک ساڑھے چار ہزار افراد ایبولا کے بے رحم پنجوں کا شکار ہوکر موت کے منہ میں جاچکے ہیں  10 ہزار سے زائد متاثر ہیں۔

(جاری ہے)

مقامی آبادیوں نے جب علاقے سے نقل مکانی کی تو انہوں نے وائرس کے خوف سے ہلاک افراد کے یتیم اور بے سہارا بچوں کو ہمراہ لے جانے سے انکار کردیا اور اب تشویش ناک بات یہ ہے کہ ان بے یار و مددگار بچوں کی دیکھ بھال کرنے والا کوئی نہیں ۔ اسٹریٹ چلڈرن نامی خیراتی ادارے اور رضاکار تنظیموں کا کہنا ہے کہ ایسے بچوں کی تعداد 5 ہزار کے قریب ہے جن کی دیکھ بھال ان کی بحالی اور مقامی لوگوں کو ان یتیم بچوں کو دوبارہ اپنانے پر ا?مادہ کرنے میں مہینوں لگ سکتے ہیں۔

Your Thoughts and Comments