بند کریں
صحت صحت کی خبریں ایبولا سے ہلاکتیں پانچ ہزار کے قریب ہے عالمی ادارہ صحت

صحت خبریں

وقت اشاعت: 27/10/2014 - 12:31:50 وقت اشاعت: 26/10/2014 - 19:26:47 وقت اشاعت: 26/10/2014 - 16:23:18 وقت اشاعت: 26/10/2014 - 15:46:35 وقت اشاعت: 26/10/2014 - 15:38:45 وقت اشاعت: 26/10/2014 - 12:51:16 وقت اشاعت: 25/10/2014 - 23:58:32 وقت اشاعت: 25/10/2014 - 23:26:37 وقت اشاعت: 25/10/2014 - 22:59:17 وقت اشاعت: 25/10/2014 - 21:56:17 وقت اشاعت: 25/10/2014 - 21:43:02

ایبولا سے ہلاکتیں پانچ ہزار کے قریب ہے عالمی ادارہ صحت

نیویارک (اُردو پوائنٹ اخبارتاز ترین ۔ 26اکتوبر 2014ء)عالمی ادارہ صحت (ڈبلیو ایچ او) نے کہا ہے کہ ایبولا وائرس سے مرنے والے افراد کی تعداد پانچ ہزار کے نزدیک جاپہنچی جس میں تیزی سے اضافہ ہونے لگا عالمی ادارے کی جانب سے جاری کیے جانے والے اعداد و شمار کے مطابق وائرس اب تک 4922 افراد کی جان لے چکا ہے جن میں سے بیشتر مغربی افریقہ کے تین ملکوں گنی، لائبیریا اور سیرالیون میں ہلاک ہوئے ہیں۔

عالمی ادارہ صحت کا کہنا ہے کہ ایبولا سے ہونے والی کل ہلاکتوں میں سے 4912 افراد وائرس سے سب سے زیادہ متاثر ہونے والے ان تین ملکوں میں ہلاک ہوئے ہیں۔ڈبلیو ایچ او کے مطابق دنیا کے آٹھ ملکوں میں وائرس کے اب تک 10141 تصدیق شدہ مریض سامنے آچکے ہیں۔عالمی ادارے کے مطابق یہ اعداد و شمار جمعرات تک کے ہیں اور عین ممکن ہے کہ وائرس سے مرنے والوں کی تعداد ہفتے کو پانچ ہزار سے تجاوز کرگئی ہو۔

ڈبلیو ایچ اونے یہ خدشہ بھی ظاہر کیا کہ ایبولا سے مرنے والے افراد کی درست تعداد بیان کی گئی تعداد سے گنی میں ڈیڑھ گنا، لائبیریا میں ڈھائی گنا اور سیرا لیون میں دو گنا زیادہ ہوسکتی ہے۔طبی ماہرین کے مطابق غربت کا شکار ان ملکوں میں وائرس سے متاثرہ کئی افراد اسپتالوں اور طبی مراکز تک پہنچنے سے قبل ہی یا تو دم توڑ جاتے ہیں یا ان کے رشتے دار ان کا دیسی علاج کرنے کی کوشش میں گھروں ہی پر رکھتے ہیں اور حکام کو ان کے مرض کی اطلاع نہیں دیتے۔ایبولا کا اگلا نشانہ افریقی ملک آئیوری کوسٹ بن سکتا ہے جہاں حکام نے خطے کے دیگر ملکوں میں وائرس کی موجودگی کے بعد ملک کے داخلی اور خارجی راستوں کی نگرانی سخت کردی ہے۔

26/10/2014 - 12:51:16 :وقت اشاعت