- Home
- Health
- Health News
- وزیر اعلی نے نئی زندگی دی ، رعشہ کے مرض کا علاج نہ کراتے تو پوری زندگی محتاج بن کر گزارنا پڑتی
وزیر اعلی نے نئی زندگی دی ، رعشہ کے مرض کا علاج نہ کراتے تو پوری زندگی محتاج بن کر گزارنا پڑتی
تین سال پہلے حادثے کے بعد اپنے ہاتھ سے پانی پینے کے قابل بھی نہیں رہا تھا ،اب برسرروزگا ہوں، بے شمار لوگوں نے علاج کے لئے بھارت یا امریکہ جا کر علاج کرانے کا مشورہ دیا مگر وسائل نہ تھے ، صحت یابی کے بعد مریدے کے رہائشی شکیل احمد اور اس کے اہل خانہ نے شکرانہ کے نوافل ادا کئے ، پاکستان میں پہلی دفعہ ڈی بی ایس (Deep Brain Stimulation) کے ذریعے دماغ کے اندر توانائی پہنچا کر رعشہ اور پٹھوں کے کھچاوٴ کی بیماری کا کامیاب آپریشن کیا گیا، وطن عزیز میں طبی شعبے میں جوہر قابل کی کمی نہیں: پرنسپل پی جی ایم آئی و جنرل ہسپتال پروفیسر انجم حبیب وہرہ کی گفتگو
بدھ 3 دسمبر 2014 18:25
لاہور(اُردو پوائنٹ تاز ترین اخبار۔ 03 دسمبر 2014ء) وزیر اعلی محمد شہباز شریف نے نئی زندگی دی اگر وہ خصوصی آپریشن کے ذریعے میرے رعشہ کے مرض کا علاج نہ کراتے تو پوری زندگی مفلوج اور محتاج بن کر گزارنا پڑتی - جس پر میں خدا کے حضور سر بسجود ہوں اور پرنسپل پی جی ایم آئی پروفیسر انجم حبیب وہرہ اور پروفیسر ڈاکٹر خالد محمود کا بھی شکر گزار ہوں - جنہوں نے ڈی بی ایس کے ذریعے میرا آپریشن کر کے ملک کے طبی شعبہ میں ایک نئی تاریخ رقم کی ہے - ان خیالات کا اظہار لاہور جنرل ہسپتال میں ڈی بی ایس آپریشن کے ذریعے رعشہ اور پٹھوں کی کچھاؤ کی بیماری سے صحت یاب ہونے والے مریدکے کے رہائشی شکیل احمد نے ہسپتال میں میڈیا سے گفتگو کرتے ہوئے کیا - محمد شکیل طبی معائنہ کے لئے بدھ کے روز ایل جی ایچ آیا تھا اس موقع پر اس کی والدہ بشیراں بی بی اور بھائی طارق علی بھی اس کے ہمراہ تھے - انہوں نے ہسپتال میں شکرانہ کے نوافل ادا کئے اور کہا کہ انہیں بے شمار لوگوں نے بھارت یا امریکہ جا کر علاج کرانے کا مشورہ دیا تھا مگر اس کے پاس وسائل نہ تھے - ان حالات میں خادم پنجاب محمد شہباز شریف کی ہدایت پر پروفیسر خالد محمود نے ان کا آپریشن کر کے ان کو نئی زندگی دی - شکیل احمد کی والدہ نے بتایا کہ تین سال پہلے حادثے کے بعد میرا بیٹا اپنے ہاتھ سے پانی پینے کے قابل بھی نہ رہا تھا اور دوسروں پر بوجھ بن کر رہ گیا تھا مگر آپریشن کے بعد اب وہ برسرروزگار ہو چکا ہے -اس موقع پر پرنسپل پوسٹ گریجوایٹ میڈیکل انسٹی و امیر الدین میڈیکل کالج پروفیسر انجم حبیب وہرہ نے کہا کہ پاکستان میں پہلی دفعہ ڈی بی ایس (Deep Brain Stimulation) کے ذریعے دماغ کے اندر توانائی پہنچا کر رعشہ اور پٹھوں کے کھچاوٴ کی بیماری کا کامیاب آپریشن کیا گیا، وطن عزیز میں طبی شعبہ میں جوہر قابل کی کمی نہیں اگر وزیر اعلی پنجاب محمد شہباز شریف کی طرح اس ٹیلنٹ کی حوصلہ افزائی کی جائے اور صحت کے شعبہ کو وافر فنڈز مہیا کئے جائیں تو یہ شعبہ بہت ترقی کرے گا -انہوں نے اس عزم کا اظہار کیا کہ لاہور جنرل ہسپتال کو اسٹیٹ آف دی آرٹ شفا خانہ بنا دیا جائے گا جہاں شہریوں کو بہترین طبی سہولیات میسر ہوں گی -
Browse Latest Health News in Urdu
ڈریپ نے معدے کے علاج کی دوا کا ایک بیچ غیر معیاری قرار دے دیا
ڈاؤ یونیورسٹی نے کتے کے کاٹے کی ویکسین اینٹی ریبیز ویکسین" ڈاؤ ریب" تیار کرلی
پاکستان میں مقامی طور پر انسولین کی پیداوار شروع کرنے کا مطالبہ
موٹاپے کے سبب کم عمر لڑکیوں میں جوڑوں کی تکلیف کا انکشاف
سائنسدانوں نے پاکستان میں کوویڈ-19 کے انفیکشن سے کم نقصانات ہونےکی وجوہات ظاہرکردیں
پاکستان میں پہلی بارایک جگر کی دو مریضوں میں پیوندکاری اورلبلبے کی ٹرانسپلانٹ کا کامیاب تجربہ
6 گھنٹے سے کم کی نیند ذیا بیطس کے اضافی خطرات کا سبب قرار
ہومیو پیتھک طریقہ علاج سے ہزاروں مریض بغیر آپریشن کے شفا یاب ہو رہے ہیں ، صدرڈاکٹرخادم حسین کھیڑا
’’ پنز‘‘مفت ادویات کی فراہمی میں صوبے کے سرکاری ہسپتالوں میں پہلے نمبر پرآگیا
ہارٹ اٹیک کے مریضوں کیلئے پہلا گھنٹہ انتہائی اہم ہوتا ہے،بروقت علاج سے زندگی بچائی جاسکتی ہیں، ایم ..
میو ہسپتال میں گردوں کی پتھریوں کیلئے جدید طریقہ علاج پی سی این ایل اپنا لیا گیا
دوگھنٹے سے زیادہ سمارٹ فون اور ڈیوائسزکا استعمال آپ کو توجہ کی کمی‘ جینیاتی عارضے اور مسلسل ذہنی خلفشار ..
سول ہسپتال میں جدید طبی سہولیات کی فراہمی کا عزم، ڈی سی جہلم نے جدید ترین آپریشن تھیٹر کا افتتاح کر دیا
پنجاب میں 24 گھنٹوں کے دوران نمونیا سے مزید 5 بچے دم توڑ گئے
پاکستان میں ایک کروڑستر لاکھ سے زائد لوگ گردوں کے امراض میں مبتلا ہیں
سرکاری ہسپتالوں میں سی ٹی سکین سروسزکی آؤٹ سورسنگ کے معاہدے پردستخط
2050 تک ذیابیطس کے مریضوں کی تعداد ایک ارب 30 کروڑتک پہنچ سکتی ہے
پاکستان بھر میں آج کل لوگوں کے بیمار ہونے کا سبب بننے والے مرض کی نشاندہی کر دی گئی
وزن کو کنٹرول کرنے کیلئے زیتون کا تیل انتہائی موثر ہے،ڈاکٹر محمد احمد سندھو
برطانیہ ،چھینک روکنے کی کوشش پرنوجوان کی سانس کی نالی پھٹ گئی
30 سال میں امراض قلب سے اموات 60 فیصد بڑھ گئیں
شادی کے بعد ہائی بلڈ پریشر کا خطرہ بڑھ جاتا ہے، تحقیق
24 گھنٹے کے دوران صوبے بھر میں 64نئے مریضوں میں ڈینگی کی تصدیق
کراچی ٹائون پلاننگ سے محروم ملک کا سب سے بڑا شہر