سندھ سے آنے والے مسافر بچوں کو پولیو قطرے پلانے کے لئے کوٹ سبزل میں پولیو چیک پوسٹ قائم،

لاہور کے سیوریج واٹر میں پولیو وائرس کی لوکل ٹرانسمشن نہیں بلکہ اس کا جینٹک لنک پشاور سے ہے‘ خواجہ سلمان رفیق

جمعہ 5 دسمبر 2014 23:34

لاہور(اُردو پوائنٹ اخبار تازہ ترین۔5دسمبر 2014ء ) مشیر وزیر اعلی پنجاب برائے صحت خواجہ سلمان رفیق نے لاہور کے سیوریج کے پانی کے نمونوں میں چار مقامات پر پولیو وائرس کی نشاندہی کے حوالے سے کہا ہے کہ محکمہ صحت پنجاب وزیر اعلی محمد شہباز شریف کی ہدایت کے مطابق پولیو کے خاتمہ کے لئے مسلسل جدوجہد کر رہی ہے وار ٹھوس حکمت عملی اور اقدامات کی وجہ سے لاہور کا اینوائرمنٹل سیمپل پازیٹو ہونے کے باوجود پولیو کا کوئی کیس رپورٹ نہیں ہوا ۔

انہوں نے کہا کہ سیوریج کے پانی میں جو پولیو وائرس پایا گیا ہے وہ جنیٹک کے اعتبار سے پشاور میں پائے جانے والے وائرس سے مشابہ ہے ۔ انہوں نے کہا کہ لاہور میں پولیو وائرس کی لوکل ٹرانسمیشن نہیں ہے ۔ خواجہ سلمان رفیق نے مزید کہا کہ اب تک پورے ملک میں پولیو کے 276 کیس رپورٹ ہو چکے ہیں جن میں سے صرف 3 پنجاب میں رپورٹ ہوئے جن میں سے چکوال اور بھکر میں ہونے والے دو پولیو کیسوں کے وائرس کا جنیٹک لنک ڈی آئی خان اور وزیرستان سے تھا - خواجہ سلمان رفیق نے کہا کہ پنجاب کی آبادی تینوں صوبوں کی مجموعی آبادی سے زیادہ ہے اور پانچ سال تک کی عمر کے 2 کروڑ 75 لاکھ بچے ہیں ۔

(جاری ہے)

انہوں نے کہا کہ پنجاب کے بڑے شہروں خصوصاً لاہو رمیں روزگار کی تلاش اور عزیز اقارب سے ملنے کے لئے بڑے پیمانے پر لوگوں کی دوسرے صوبوں سے آمدورفت رہتی ہے اور صوبہ کے پی کے اور دیگر علاقوں میں ہزاروں بچے پولیو ویکسئین کے قطروں سے محروم ہیں ۔ خواجہ سلمان رفیق نے کہا کہ طبی ماہرین کے مطابق پولیو وائرس کی وبا سے متاثرہ علاقوں میں بالغ عمر کے لوگ بھی پولیو وائرس کا کیرئیر ہوسکتے ہیں - مشیر صحت نے کہا کہ لاہور میں گزشتہ 3 ماہ سے 74 ہائی رسک یونین کونسلوں میں انسداد پولیو مہم چلائی جا رہی ہے اور 8 دسمبر سے ایک مرتبہ پھر انسداد پولیو کی قومی مہم کا آغاز کیا جا رہا ہے ۔

انہوں نے کہا کہ پولیو وائرس کا لوٹرانسمیشن سیزن شروع ہو چکا ہے اور حکومت کی کوشش ہے کہ اس موقع سے فائدہ اٹھاتے ہوئے پولیو وائرس کا قلع قمع کر دیا جائے ۔ دریں اثناء مشیر صحت خواجہ سلمان رفیق نے دیگر صوبوں سے پنجاب آنے والے مسافر بچوں کو پولیو قطرے پلانے کے پروگرام کے تحت کوٹ سبزل رحیم یار خان میں سندھ سے آنے والے ٹریفک روٹ پر پولیو چیک پوسٹ کا جمعہ کے دن افتتاح کیا اور موقع پھربچوں کوقطرے بھی پلائے۔

یہ چیک پوسٹ روٹری کلب کی جانب سے فراہم کردہ کنٹینرز میں قائم کی جا رہی ہیں ۔ قبل ازیں اٹک پل ، پیر ودھائی بس سٹینڈ راولپنڈی اور بادامی باغ لاری اڈا میں بھی ایسی ہی پولیو چیک پوسٹیں قائم گئی ہیں تاکہ بسوں میں سفر کرنے والے بچوں کو پولیو ویکسئین کے قطرے پلائے جا سکے ۔ کوٹ سبزل رحیم یار خان میں پولیو چیک پوسٹ کی افتتاحی تقریب میں ڈائریکٹر جنرل ہیلتھ پنجاب ڈاکٹر زاہد پرویز ، ڈی سی او رحیم خان ، عالمی ادارہ صحت ، یونیسف ، بل گیٹس فاؤنڈیشن اور روٹری کلب کے نمائندوں اور افسران نے شرکت کی ۔

Browse Latest Health News in Urdu

ہومیو پیتھک طریقہ علاج  سے ہزاروں مریض بغیر آپریشن کے شفا یاب ہو رہے ہیں ، صدرڈاکٹرخادم حسین کھیڑا

ہومیو پیتھک طریقہ علاج سے ہزاروں مریض بغیر آپریشن کے شفا یاب ہو رہے ہیں ، صدرڈاکٹرخادم حسین کھیڑا

’’ پنز‘‘مفت ادویات کی فراہمی میں صوبے کے سرکاری ہسپتالوں میں پہلے نمبر پرآگیا

’’ پنز‘‘مفت ادویات کی فراہمی میں صوبے کے سرکاری ہسپتالوں میں پہلے نمبر پرآگیا

ہارٹ اٹیک کے مریضوں کیلئے پہلا گھنٹہ انتہائی اہم ہوتا ہے،بروقت علاج سے  زندگی بچائی جاسکتی ہیں، ایم ..

ہارٹ اٹیک کے مریضوں کیلئے پہلا گھنٹہ انتہائی اہم ہوتا ہے،بروقت علاج سے زندگی بچائی جاسکتی ہیں، ایم ..

میو ہسپتال میں گردوں کی پتھریوں کیلئے جدید طریقہ علاج پی سی این ایل اپنا لیا گیا

میو ہسپتال میں گردوں کی پتھریوں کیلئے جدید طریقہ علاج پی سی این ایل اپنا لیا گیا

دوگھنٹے سے زیادہ سمارٹ فون اور ڈیوائسزکا استعمال آپ کو توجہ کی کمی‘ جینیاتی عارضے اور مسلسل ذہنی خلفشار ..

دوگھنٹے سے زیادہ سمارٹ فون اور ڈیوائسزکا استعمال آپ کو توجہ کی کمی‘ جینیاتی عارضے اور مسلسل ذہنی خلفشار ..

سول ہسپتال میں جدید طبی سہولیات کی فراہمی کا عزم، ڈی سی جہلم نے جدید ترین آپریشن تھیٹر کا افتتاح کر دیا

سول ہسپتال میں جدید طبی سہولیات کی فراہمی کا عزم، ڈی سی جہلم نے جدید ترین آپریشن تھیٹر کا افتتاح کر دیا

پنجاب میں 24 گھنٹوں کے دوران نمونیا سے مزید 5 بچے دم توڑ گئے

پنجاب میں 24 گھنٹوں کے دوران نمونیا سے مزید 5 بچے دم توڑ گئے

پاکستان میں ایک کروڑستر لاکھ سے زائد لوگ گردوں کے امراض میں مبتلا ہیں

پاکستان میں ایک کروڑستر لاکھ سے زائد لوگ گردوں کے امراض میں مبتلا ہیں

سرکاری ہسپتالوں میں سی ٹی سکین سروسزکی آؤٹ سورسنگ کے معاہدے پردستخط

سرکاری ہسپتالوں میں سی ٹی سکین سروسزکی آؤٹ سورسنگ کے معاہدے پردستخط

2050 تک ذیابیطس کے مریضوں کی تعداد ایک ارب 30 کروڑتک پہنچ سکتی ہے

2050 تک ذیابیطس کے مریضوں کی تعداد ایک ارب 30 کروڑتک پہنچ سکتی ہے

پاکستان بھر میں آج کل لوگوں کے بیمار ہونے کا سبب بننے والے مرض کی نشاندہی کر دی گئی

پاکستان بھر میں آج کل لوگوں کے بیمار ہونے کا سبب بننے والے مرض کی نشاندہی کر دی گئی

وزن کو کنٹرول کرنے کیلئے زیتون کا تیل انتہائی موثر ہے،ڈاکٹر محمد احمد سندھو

وزن کو کنٹرول کرنے کیلئے زیتون کا تیل انتہائی موثر ہے،ڈاکٹر محمد احمد سندھو