بند کریں
صحت صحت کی خبریںکمشنر میرپور نے بچوں کو پولیو سے بچاؤ کے قطرے پلا کر مہم کا افتتاح کردیا

صحت خبریں

وقت اشاعت: 08/12/2014 - 17:18:51 وقت اشاعت: 08/12/2014 - 17:10:11 وقت اشاعت: 08/12/2014 - 17:06:02 وقت اشاعت: 08/12/2014 - 16:40:01 وقت اشاعت: 08/12/2014 - 16:33:39 وقت اشاعت: 08/12/2014 - 16:18:14 وقت اشاعت: 08/12/2014 - 16:14:09 وقت اشاعت: 08/12/2014 - 16:04:57 وقت اشاعت: 08/12/2014 - 14:36:46 وقت اشاعت: 08/12/2014 - 14:24:53 وقت اشاعت: 08/12/2014 - 14:18:39

کمشنر میرپور نے بچوں کو پولیو سے بچاؤ کے قطرے پلا کر مہم کا افتتاح کردیا

میرپور (اُردو پوائنٹ تاز ترین اخبار۔ 08 دسمبر 2014ء)محکمہ صحت عامہ آزادکشمیرکی طرف سے خسرہ بچاؤ، پولیو اور ماں اور بچے کی صحت کے حوالے سے 12 روزہ مہم کا ضلع میرپورمیں کمشنرمیرپورڈویژن راجہ امجدپرویز علی خان نے بچوں کو حفاظتی قطرے پلاکرباقاعدہ افتتاح کیا۔اس موقع پر ڈسٹرکٹ ہیلتھ آفس میرپور میں افتتاحی تقریب منعقد ہوئی جس میں کمشنرمیرپوڈویژن راجہ امجدپرویز علی خان، کمشنرامورمنگلاڈیم چوہدری محمدطیب، ڈی جی منگلاڈیم ہاؤسنگ اتھارٹی چوہدری ذوالفقاراعظم، ڈی ایچ او ڈاکٹربشیرچوہدری، میڈیکل سپرنٹنڈنٹ ڈاکٹرفداحسین،ڈپٹی کمشنرچوہدری محمدطارق، ایڈمنسٹریٹرمیونسپل کارپوریشن الحاج غلام رسول عوامی، ایڈیشنل ڈپٹی کمشنرجنرل چوہدری امجداقبال، ڈسٹرکٹ اکاؤنٹس آفیسر محمدعزیز مغل، انجمن تاجراں کے صدرچوہدری محمدنعیم، جنرل سیکرٹری تنویرغازی، سابق چیئرمین ایم ڈی اے ڈاکٹرامین چوہدری، اوورسیز راہنماچوہدری جمیل تبسم،ایکسین بلڈنگ ڈویژن چوہدری انعام الحق، ڈپٹی ڈائریکٹرکالجز پروفیسر طاہرفاروق، ایڈیشنل ڈی ایچ او ڈاکٹرروبینہ عدالت،ڈاکٹرریاست، ڈاکٹرریاض، تنظیم غیرجریدہ کے ضلعی صدرچوہدری گلزارعلی کے علاوہ محکمہ صحت عامہ،سول سوسائٹی، پریس نمائندگان کی بڑی تعداد نے شرکت کی۔

اس موقع پر ڈسٹرکٹ ہیلتھ آفیسر ڈاکٹرمحمدبشیرچوہدری نے خسرہ بچاؤمہم جو ضلع میرپورمیں 8 دسمبرسے 20 دسمبرتک جاری رہے گی کی تفصیلات بتاتے ہوئے کہاکہ ضلع میرپورمیں 6 ماہ سے 10 سال کے ایک لاکھ پچپن ہزارتین صد چھپن بچوں کو خسرہ بچاؤ ٹیکہ جات لگائے جائیں گے۔ ضلع میں ایک سوپانچ آؤٹ رینج ٹیمیں لوگوں کے گھروں میں جاکر حفاظتی ٹیکے لگائیں گی جبکہ 32 فکسڈ سنٹر، بی ایچ یو اور آر ایچ سی میں بھی حفاظتی ٹیکے لگائے جائیں گے۔

اس مہم کو کامیاب بنانے کے لیے محکمہ صحت عامہ کے ساتھ ساتھ محکمہ تعلیم اور دیگر محکموں اور این جی اوز کا بھی اشتراک ہے۔خسرہ بچاؤٹیمیں سکولوں میں جاکر6 ماہ سے 10 سال کے بچوں کو حفاظتی ٹیکہ جات لگائیں گی ۔ انھوں نے عوام الناس اور سول سوسائٹی سے اپیل کی کہ وہ خسرہ بچاؤٹیموں کے ساتھ تعاون کریں اور اپنے بچوں کو مہلک بیماری سے بچاؤ کے لیے حفاظتی ٹیکہ جات اور قطرے ضرورپلوائیں۔

انھوں نے بتایاکہ WHO کے تعاون سے 1988 میں جنیوامیں چیچک کوپوری دنیاسے ختم کرنے کی مہم کا آغاز ہواجس کے باعث آج پوری دنیا میں چیچک کی بیماری مکمل ختم ہوگئی ہے ۔ انھوں نے کہاکہ WHO اور یونیسیف کے تعاون سے سال 1994 سے پولیو کے خاتمے کی مہم پاکستان کے چاروں صوبوں ،گلگت بلتستان اور آزادکشمیرمیں شروع کی گئی ۔ جس کے باعث سال 2000 سے اس وقت تک آزادکشمیرپولیوفری ہے گذشتہ 14 سالوں سے آزادکشمیرمیں پولیوکا کوئی کیس بھی موجود نہیں۔

انھوں نے بتایاکہ WHO او ریونیسیف کے تعاون سے خسرہ مہم بھی کامیاب ہوگی۔ کمشنرمیرپورڈویژن راجہ امجدپرویز علی خان نے کہاکہ خسرہ اور پولیو خطرناک مہلک امراض ہیں جس کے خاتمے کے لیے WHO اور یونیسیف پوری دنیامیں کام کررہی ہے ۔ محکمہ صحت عامہ کی طرف سے آزادکشمیرکو پولیوفری بنانا محکمہ ہیلتھ کی بہترین کارگزاری ہے جس پر وہ مبارک باد کے مستحق ہیں۔

انھوں نے کہاکہ خسرہ مہم جیسی مہلک مرض کے خاتمے کے لیے محکمہ صحت عامہ کے ساتھ ساتھ ڈویژنل وضلعی انتظامیہ ہرممکن تعاون کررہی ہے ۔ اس مرض کے خاتمے کے لیے محکمہ صحت عامہ کی ٹیموں کے ساتھ سول ایڈمنسٹریشن بھی اپنا بھرپور کردار اداکررہی ہے۔ قبل ازیں کمشنرمیرپورڈویژن راجہ امجدپرویز علی خان نے محکمہ صحت عامہ آزادکشمیر کی طرف سے 12 روزہ خسرہ بچاؤ مہم کا باقاعدہ افتتاح کیااور اس مہم کی کامیابی کے لیے دعاکی۔



08/12/2014 - 16:18:14 :وقت اشاعت