وزیر اعلی پنجاب کا فیصل آباد کے مرحوم پولیو ورکر سکول ٹیچر محمدسرفراز کے اہل خانہ کے لئے 10 لاکھ کی امداد کا اعلان ،

فیصل آباد(اُردو پوائنٹ تاز ترین اخبار۔ 10 دسمبر 2014ء ) وزیر اعلی پنجاب محمد شہباز شریف نے فیصل آباد کے مرحوم پولیو ورکر سکول ٹیچر محمدسرفراز کے اہل خانہ کے لئے 10 لاکھ کی امداد کا اعلان کیا ہے جبکہ حکومت پنجاب نے فیصل آباد سمیت صوبہ بھرکی ضلعی انتظامیہ کوہدایت کہ انسداد پولیو مہم پر نیشنل ایمرجنسی کے تحت عملدرآمد کریں اور ہر پولیو ٹیم کی جامع سیکورٹی کو یقینی بنایا جائے۔

یہ ہدایات سیکرٹری پنجاب نوید اکرم چیمہ کی وڈیو لنک کانفرنس کے بعد جاری کی،حکومت پنجاب کی ہدایات کی روشنی میں ضلع فیصل آباد میں انسداد پولیو کے سلسلے میں پولیو ورکرز کی سیکورٹی کے لئے ٹھوس اقدامات کئے ہیں اور ہر پولیو ٹیم کے ہمراہ مسلح کانسٹیبل کی ڈیوٹی لگانے کے علاوہ متعلقہ ڈی ایس پیز اور ایس ایچ اوز بھی گلی محلوں میں گشت کر رہے ہیں جبکہ محکمہ صحت کے افسران سمیت اسسٹنٹ کمشنرز ‘ ٹی ایم اوز اور ریونیو افسران کو بھی حفاظتی نقطہ نظر سے پولیو ٹیموں کی نگرانی کرنے کی ڈیوٹی تفویض کی گئی ہے ۔

(جاری ہے)

ڈویژنل کمشنر نے کہا کہ پاکستان میں پولیو وائرس کی موجودگی کے باعث عالمی سطح پر اچھا تاثر نہیں پایا جارہا جس کو دور کرنے کے لئے پولیو مہم کی سو فیصد کامیابی اشد ضروری ہے اور اس قومی فریضے میں کسی قسم کی کوتاہی کی گنجائش نہیں ۔ انہوں نے کہا کہ مہم کے دوران پولیو ٹیمیں بچوں کو ویکسین کے قطرے پلانے کے لئے ڈویژن کے کونے کونے میں جائیں اور مہم کے سو فیصد نتائج حاصل کرنے کے لئے موثر مانیٹرنگ کو یقینی بنایا جائے ۔

انہوں نے فیصل آباد میں پولیو ڈیوٹی انجام دینے والے سکول ٹیچر کی فائرنگ کے واقعہ میں ہلاکت پر گہرے دکھ اور رنج کا اطہار کرتے ہوئے کہا کہ آئندہ ایسے واقعات سے بچنے کے لئے سیکورٹی کے فول پروف انتظامات ہونے چاہیں ۔ انہوں نے کہا کہ سیکورٹی مسائل کے پیش نظر پولیو مہم میں ایک یا دو دن کی توسیع کی جا سکتی ہے تاہم اہداف کے حصول کی راہ میں کوئی رکاوٹ نہیں ہونی چاہئے ۔

آر پی او نے ضلعی پولیس افسران کو ہدایت کی کہ ہر پولیو ٹیم کو سیکورٹی فراہمی کی جائے اس سلسلے میں مقامی وسائل کے مطابق موثر حکمت عملی اختیار کی جائے۔انہوں نے پولیو ٹیموں کے لئے موبائل پولیس کے گشت میں مزید اضافہ کرنے کی بھی ہدایت کی۔ علاوہ ازیں ڈی سی او نور الامین مینگل نے پولیو ورکرز کی سیکورٹی کے انتظامات کا جائزہ لینے سے متعلق منعقدہ اجلاس کی صدارت کرتے ہوئے پولیو ڈیوٹی کرنے والے سکول ٹیچر محمد سرفراز کی فائرنگ کے واقعہ میں ہلاکت پر گہرے دکھ کا اظہار کیا اور انہو ں نے کہا کہ وزیر اعلی پنجاب محمد شہباز شریف نے مقتول کے اہل خانہ کے لئے 10 لاکھ کی امداد کا اعلان کیا ہے کیونکہ وہ قومی کاز کے لئے فرائض انجام دے رہے تھے ۔

اجلاس کے شرکاء نے اس موقع پر مرحوم پولیو ورکر کی روح کے ایصال ثواب کے لئے فاتحہ خوانی بھی ۔ ڈی سی او نے پولیو ورکرز کے جذبہ خدمت اور فرائض سے وابستگی کو خراج تحسین پیش کرتے ہوئے کہا کہ ان کی عزم و ہمت اور بھر جذبے کی بدولت انسداد ۔ اس موقع پر آر پی او احسان طفیل ‘ ڈی سی او نور الامین مینگل اور سی پی او ڈاکٹر سہیل تاجک بھی موجود تھے ۔