بند کریں
صحت صحت کی خبریںکھیلوں کے میدانوں کو آباد کرنے سے صحت مند معاشرہ تشکیل پا سکتا ہے،غلام دستگیر بادینی،
جدید ..

صحت خبریں

وقت اشاعت: 11/12/2014 - 21:52:37 وقت اشاعت: 11/12/2014 - 21:29:54 وقت اشاعت: 11/12/2014 - 21:20:35 وقت اشاعت: 11/12/2014 - 20:40:13 وقت اشاعت: 11/12/2014 - 20:22:43 وقت اشاعت: 11/12/2014 - 20:10:45 وقت اشاعت: 11/12/2014 - 20:03:43 وقت اشاعت: 11/12/2014 - 20:03:43 وقت اشاعت: 11/12/2014 - 19:15:36 وقت اشاعت: 11/12/2014 - 19:13:42 وقت اشاعت: 11/12/2014 - 19:04:00

کھیلوں کے میدانوں کو آباد کرنے سے صحت مند معاشرہ تشکیل پا سکتا ہے،غلام دستگیر بادینی،

جدید دور میں تحقیقی علم کے ساتھ ساتھ کھیل کھود کے بغیر ترقی کی منزل پانا مشکل ہے، بی آر ایس پی کی جانب سے یوتھ سپورٹس کمپلیکس نوشکی کے عوام کیلئے ایک تحفہ ہے ،خیال رکھنا ہم سب کی ذمہ داری ہے، رکن بلوچستان اسمبلی

کوئٹہ ( اُردو پوائنٹ اخبار تازہ ترین۔11دسمبر 2014ء)ممبر صوبائی اسمبلی بلوچستان حاجی غلام دستگیر بادینی نے پیٹرپ فاؤنڈیشن کے مالی معاونت اوربلوچستان رورل سپورٹ پروگرام کے تعاون سے تعمیر شدہ یوتھ سپورٹس اینڈ لرننگ سنٹر نوشکی کے با قاعدہ افتتاح کے بعد تقریب سے خطاب کرتے ہوئے کہا کہ کھیلوں کے میدانوں کو آباد کرنے سے صحت مند معاشرہ تشکیل پا سکتا ہے۔

اور اس جدید دور میں تحقیقی علم کے ساتھ ساتھ کھیل کھود کے بغیر ترقی کی منزل پانا مشکل ہے۔ انہوں نے کہا کہ بی آر ایس پی کی جانب سے یوتھ سپورٹس کمپلکس ضلع نوشکی کے عوام کے لیے ایک تحفہ ہے اور اب اس کا خیال رکھنا ہم سب کی ذمہ داری ہے۔ اور اس غیر سرکاری ادارے کا صوبے کی دیہی علاقوں کے عوام کی تراقی کے لیے نمایاں کردار ہے۔ جو قابلِ تحسیں ہے۔

اور اس سے کوئی بھی انکار نہیں کر سکتا۔ اس کے علاوہ حکومتی سطح پر نوشکی میں بی آر ایس پی کو ہر ممکن تعاون کی یقین دہانی کرتا ہوں بلکہ دیگر غیر سرکاری تنظیمیں اور ڈونر اداروں سے گذارش کرتا ہوں کہ وہ آئیں اور پورے صوبے میں خصوصاََ نوشکی میں ترقیاتی عمل میں اپنا کردار ادا کریں۔ اس پر وقار تقریب میں بی آر ایس پی کے چیف ایگزیگٹیو نادر گل بڑیچ، ڈی سی نوشکی عبدالقدوس مینگل، ایم سی پیٹرپ شہزادہ پرویز، کالج کے پرنسپل صاحبزادہ عبدالمجید اور دیگر سیاسی و قبائلی عمائدین نے بہت بڑی تعداد میں شرکت کی اس موقع پر تقریب سے خطاب کرتے ہوئے بی آر ایس پی کے چیف ایگزیگٹو نادر گل بڑیچ نے خطاب کرتے ہوئے کہا کہ بی آر ایس پی عرصہ دراز سے بلوچستان کے دور دراز علاقوں کے عوام کی معیارِ زندگی بلند کرنے اور غربت میں کمی لانے کے لئے کوشاں ہے نو تعمیر شدہسپورٹس کمپلکس کے حوالے سے انہوں نے کہا کہ سنٹر کو جدید سہولیات سے آراستہ کیا گیا ہے۔

جن میں مختلف ہال تعمیر کئے گئے ہیں جن میں جمنازیم، کمپیوٹر لیب، لائبریری، مرد و خواتین کے لئے الگ الگ سیکشن اور ٹیبل ٹینس سمیت تمام انڈور گیمز کی سہولیات موجود ہیں۔ انہوں نے مزید کہا کہ ہم نے دو سال کی مختصر مدت میں اعلیٰ میعار کے ساتھ اس پراجیکٹ کو پایہء تکمیل تک پہنچایا۔ اور آخر میں بی آر ایس پی کے چیف ایگزیگٹیو نادر گل بڑیچ نے نو تعمیر شدہ یوتھ سپورٹس اور لرننگ سنٹر کے کاغذات کالج کے پرنسپل حوالے کر دیا اس موقع پر ایم پی اے حاجی غلام دستگیر بادینی اور دیگر ارکانِ کمیٹی بھی موجود تھے۔

11/12/2014 - 20:10:45 :وقت اشاعت