بند کریں
صحت صحت کی خبریںمظفر آباد، سیرت کمیٹی کی شہرسنوارومہم چوتھے روزبھی جاری‘ہرطبقہ زندگی کے افرادصفائی ستھرائی ..

صحت خبریں

وقت اشاعت: 16/12/2014 - 20:09:29 وقت اشاعت: 16/12/2014 - 20:02:56 وقت اشاعت: 16/12/2014 - 18:27:19 وقت اشاعت: 16/12/2014 - 17:52:04 وقت اشاعت: 16/12/2014 - 16:42:02 وقت اشاعت: 16/12/2014 - 16:20:18 وقت اشاعت: 16/12/2014 - 15:00:23 وقت اشاعت: 16/12/2014 - 14:44:09 وقت اشاعت: 15/12/2014 - 23:05:52 وقت اشاعت: 15/12/2014 - 23:00:51 وقت اشاعت: 15/12/2014 - 21:56:49

مظفر آباد، سیرت کمیٹی کی شہرسنوارومہم چوتھے روزبھی جاری‘ہرطبقہ زندگی کے افرادصفائی ستھرائی کے عمل میں شریک

مظفر آباد (اُردو پوائنٹ تازہ ترین اخبار۔ 16 دسمبر 2014ء)مسلم لیگ ن کے سربراہ وقائدحزب اختلاف قانون سازاسمبلی راجہ فاروق حید،ایم ایل اے سٹی بیرسٹر افتخارعلی گیلانی نے مرکزی سیرت کمیٹی کے صدر صاحبزادہ پیر محمدسلیم چشتی کے ہمراہ ”شہرسنوارومہم“کے دوران شہرمیں دورہ کرکے صفائی ستھرائی کے عمل کا جائزہ لیا۔انہوں نے جشن عیدمیلادالنبیﷺ کے سلسلہ میں مرکزی سیرت کمیٹی کی اپیل پر ”شہرسنوارومہم“کے تحت دارالحکومت سمیت شہرومضافات میں صفائی ستھرائی اور سجاوٹ کے عمل میں شامل مختلف شعبہ ہاء زندگی کے افراد باشعور شہریوں،طلباء،اساتذہ،وکلاء،صحافیوں،سماجی رضاکاروں،اہلسنت کی تنظیموں کے عہدیداران وکارکنان،تاجررہنماؤں اور تاجرتنظیموں کے جملہ ذمہ داران سمیت میلادمصطفی کمیٹیوں اوردیگرتمام احباب،خواتین وحضرات کوسراہتے ہوئے اپنی گفتگومیں کہاکہ حضور سرورعالم صلی اللہ علیہ وآلیہ وسلم کی آمدکی خوشی میں خلق خدا کو راحت پہنچانے کے لئے فلاح کا کام کرنامیلادالنبی ﷺ کا حقیقی پیغام ہے۔

انہوں نے کہاکہ حضور سرورکائنات صلی اللہ علیہ وآلیہ وسلم کی آمد سے پسے ہوئے طبقات،غرباء ومساکین کو سہاراملااور انہیں جینے کا شعورملا،آپ صلی اللہ علیہ وآلیہ وسلم کی ولادت باسعادت کی خوشیاں منانے والے آپ صلی اللہ علیہ وآلیہ وسلم ہی کی مبارک سنتوں کو زندہ کرتے ہوئے مخلوق خداکی فلاح اور آسانی کا فریضہ انجام دے کر میلادا لنبی صلی اللہ علیہ وآلیہ وسلم کے اس پیغام کو عام کررہے ہیں۔

اس موقع پر گفتگوکرتے ہوئے صاحبزادہ پیرمحمد سلیم چشتی نے کہاکہ مرکزی سیرت کمیٹی عوامی فلاح کے اس عمل کو جاری رکھے گی۔رسول اکرم صلی اللہ علیہ وآلیہ وسلم کی ولادت باسعادت کے موقع پر ”شہرسنوارومہم“معاشرے میں امن و محبت کے فروغ کے ساتھ ساتھ مثبت سوچ اور خدمت خلق کے جذبہ کو فروغ دیناہے۔دریں اثناء ”شہرسنوارومہم“کاسلسلہ آج چوتھے روزبھی زوروشورسے جاری ہے۔

شہرکی تاجربرادری سمیت اہلسنت کی مختلف چھوٹی بڑی تنظیمیں صفائی کے عمل میں شریک ہیں۔انجمن محی الاسلا م صدیقیہ،صدیقی ایجوکیشنل کمپلیکس پلہیر، تاجران گھڑی پن دومیل، تاجران بینک روڈ،تاجران مین بازار، سینٹرل پلیٹ،خواجہ بازاراپراڈہ، تاجران سبزی منڈی،بزم انوارمصطفی سنڈھ گلی،میلادمصطفی کمیٹی ائیرپورٹ،تاجران امبوربازارابوربزم عاشقان نصیر،میلادمصطفی کمیٹی چہلہ بانڈی،سمیت دیگرمختلف بازاروں‘سڑکوں‘قبرستانوں اور گلی محلوں میں صفائی کے عمل میں شامل ہیں ۔

طلباء کا ایک گروپ شہرمیں مقدس اوراق کو جمع کررہاہے۔المصطفیٰ کی ٹیمیں مختلف مقامات سے سڑکوں کی دیواروں پر آرائشی اندازسے رنگ وروغن کرنے میں مصروف ہے۔قائداعظم برج دومیل،علامہ اقبال برج، المصطفیٰ چوک نیلم پل،سبزی منڈی،اپراڈہ ،قبرستان شاہ عنائت ولی،امبوربازار،بینک روڈ ،المصطفیٰ ویلفیئرسوسائٹی سمیت دیگرمقامات پر صفائی کے عمل میں سینکڑوں افرادنے رضاکارانہ طورپر خدمات انجام دے رہے ہیں۔

سیکرٹری جنرل مرکزی سیرت کمیٹی عتیق احمدرضانے کہا ہے کہ مرکز ی سیرت کمیٹی نے جشن عید میلادالنبیﷺ کی آمدپر ربیع الاول کے استقبال میں ”شہرسنوارومہم“ کی اپیل کی ہے۔الحمدللہ یہ مہم کامیابی سے جاری ہے انہوں نے کہاکہ اس مہم میں ہرطبقہ زندگی کے افرادنے بڑھ چڑھ کر حصہ لیاہے۔

16/12/2014 - 16:20:18 :وقت اشاعت