بند کریں
صحت صحت کی خبریںسرگودھا،ڈینگی کی روک تھام کے سلسلہ میں ڈسٹرکٹ ایمر جنسی رسپانس کمیٹی کااجلاس

صحت خبریں

وقت اشاعت: 20/12/2014 - 20:04:34 وقت اشاعت: 20/12/2014 - 19:44:47 وقت اشاعت: 20/12/2014 - 19:39:10 وقت اشاعت: 20/12/2014 - 19:24:21 وقت اشاعت: 20/12/2014 - 17:29:36 وقت اشاعت: 20/12/2014 - 16:44:25 وقت اشاعت: 20/12/2014 - 15:52:47 وقت اشاعت: 20/12/2014 - 13:45:22 وقت اشاعت: 20/12/2014 - 13:07:00 وقت اشاعت: 20/12/2014 - 12:20:30 وقت اشاعت: 19/12/2014 - 23:31:18

سرگودھا،ڈینگی کی روک تھام کے سلسلہ میں ڈسٹرکٹ ایمر جنسی رسپانس کمیٹی کااجلاس

سرگودھا (اُردو پوائنٹ تازہ ترین اخبار۔ 20 دسمبر 2014ء) ڈینگی کی روک تھام کے سلسلہ میں ڈسٹرکٹ ایمر جنسی رسپانس کمیٹی کااجلاس ڈی سی او سرگودہا ثاقب منان کی زیر صدارت ان کے کمیٹی روم میں منعقد ہوا۔ اجلاس میں ای ڈی او ہیلتھ ڈاکٹر عاقب نذیر نیکوکارہ ‘ڈی او ایچ کیو ڈاکٹر اسلم چوہدری ‘ ڈاکٹر تنویر اکرم بھٹی‘ ڈاکٹر خضر قاضی ‘ ڈاکٹر اسد اسلم ‘ ڈاکٹر ارشد عتیق ‘ ڈاکٹر ریاض احمد ‘ ڈاکٹر طارق حسن ‘ ڈسٹرکٹ آفیسر پاپولیشن فہیم عثمان سیال ‘ ڈسٹرکٹ آفیسر ماحولیات واجد اعجاز او رڈپٹی ڈسٹرکٹ آفیسرز محکمہ ہیلتھ نے شرکت کی۔

ڈی سی او نے کہاکہ درجہ حرارت میں کمی کی وجہ سے ڈینگی کی افزائش کے خطرات کم ہوگئے ہیں تاہم محکمہ ہیلتھ او ردیگر اداروں کو گھروں او ردفاتر میں ڈینگی کے تدارک کیلئے تمام وسائل بروئے کار لانے کی ضرورت ہے ۔ اجلاس کو بتایا گیاکہ ضلع بھر میں ڈینگی کے خلاف اقدامات کیلئے 501 آؤٹ ڈور ٹیمیں کام کر رہی ہیں۔جنہوں نے دولاکھ 96 ہزار گھر چیک کئے او ر22 ہزار 780 مقامات کا معائنہ کیا۔

46173 کنٹینرز چیک کئے گئے ۔ ڈی سی او نے محکمہ ہیلتھ کے اقدامات پر اطمینان کا اظہار کیا ۔ ڈی سی او نے ضلع بھر میں پولیو او رماں بچے کی صحت کے علاوہ محکمہ ہیلتھ کے دیگر پروگراموں پر کام کی رفتار کابھی جائزہ لیا۔ انہوں نے محکمہ ہیلتھ کو اس تاثر کو ختم کرنے کی ضرورت پر زور دیا کہ بنیادی مراکز صحت میں ڈاکٹرزاو رپیرامیڈکل سٹاف ڈیوٹی دینے کی بجائے گھر بیٹھے تنخواہیں وصول کررہے ہیں۔

اس موقع پر ای ڈی او ہیلتھ ڈاکٹر نذیر عاقب نیکوکارہ نے اجلاس کو بتایا کہ ضلع سرگودہا میں دس بنیادی مراکز صحت پر ڈیلوری کیلئے حکومت کی ہدایت پر خصوصی پروگرام کے تحت ٹارگٹ دےئے گئے او رضلع سرگودہا نے اس ٹارگٹ سے زیادہ کام کر کے صوبہ بھر میں مثال قائم کر دی ۔ اب ضلع سرگودہا میں مزید 18 بنیادی مراکز صحت میں ڈیلوری کی سہولیات کیلئے حکومت کی طرف سے خصوصی پروگرام کی منظوری دی جارہی ہے او رموجودہ پیکج کے علاوہ یہاں کام کرنے والی لیڈی ہیلتھ خواتین کو پانچ سو روپے الاؤنس کی بھی منظوری دے دی گئی ہے ۔

20/12/2014 - 16:44:25 :وقت اشاعت