بند کریں
صحت صحت کی خبریںڈی سی او قصور عدنان ارشد اولکھ کے زیر صدارت تین روزہ پولیو مہم کے انتظامات کا جائزہ لینے کیلئے ..

صحت خبریں

وقت اشاعت: 07/01/2015 - 18:59:58 وقت اشاعت: 07/01/2015 - 18:55:31 وقت اشاعت: 07/01/2015 - 18:41:04 وقت اشاعت: 07/01/2015 - 17:45:04 وقت اشاعت: 07/01/2015 - 17:43:12 وقت اشاعت: 07/01/2015 - 17:04:56 وقت اشاعت: 07/01/2015 - 17:04:56 وقت اشاعت: 07/01/2015 - 16:43:00 وقت اشاعت: 07/01/2015 - 15:52:26 وقت اشاعت: 07/01/2015 - 15:49:18 وقت اشاعت: 07/01/2015 - 15:37:50

ڈی سی او قصور عدنان ارشد اولکھ کے زیر صدارت تین روزہ پولیو مہم کے انتظامات کا جائزہ لینے کیلئے اجلاس

قصور(اُردو پوائنٹ تازہ ترین اخبار۔ 07 جنوری 2015ء)ڈی سی او قصور عدنان ارشد اولکھ کے زیر صدارت تین روزہ قومی پولیو مہم کے انتظامات کا جائزہ لینے کیلئے اجلاس گزشتہ روز ڈی سی او کمیٹی روم میں منعقد ہوا۔ اجلاس میں ڈی او سی چوہدری محمد رفیق ، ای ڈی او ہیلتھ ڈاکٹر محمد شکور ‘ڈی ایچ او ڈاکٹر انجم جمال ‘ڈسٹرکٹ سرویلنس آفیسر و انچارج پولیو مہم ڈاکٹر محمد خالد ‘ڈسٹرکٹ کوآرڈینیٹر نیشنل پروگرام ڈاکٹر نذیر احمد ، ایم ایس ڈی ایچ کیو ہسپتال ڈاکٹر شفیق احمد رانا ، اسسٹنٹ کمشنر پتوکی محمد نواز گوندل ‘اے سی کوٹ رادھا کشن سرمد تیمور ،ڈی ایس پی ٹریفک محمد خالد قریشی ، انسپکٹر ٹریفک حاجی محمد رفیق ، اینٹا مالوجسٹ محمد خرم ابراہیم ، ڈسٹرکٹ سپورٹس مینجر پی آر ایس پی محمد اقبال ‘ڈی او سوشل ویلفیئر عباد علی جتالہ ‘ڈی او پاپولیشن ویلفیئر میاں محمد امجد فاروق ‘ڈی او سول ڈیفنس مسز نگہت ریاض ‘ڈی ڈی ایچ اوز ہیلتھ قصور ‘پتوکی ‘چونیاں ‘کوٹ رادھا کشن ‘پولیس ‘صحافیوں اور دیگر ضلعی افسران نے شرکت کی ۔

اجلاس کوانچارج پولیو مہم ڈاکٹر محمد خالد نے بریفنگ دیتے ہوئے بتایا کہ ضلع قصور میں پولیو مہم 12تا 14جنوری 2015 تک منعقد ہو رہی ہے ۔ اس مہم کے دوران ضلع بھر میں5لاکھ64ہزار973بچوں کو پولیو کے قطرے پلائے جائینگے جس کیلئے مجموعی طور پر1216ٹیمیں تشکیل دیدی گئی ہیں جن میں1045موبائل ٹیمیں ‘121فکسڈ اور 50ٹرانزٹ ٹیمیں شامل ہیں ۔ انہوں مزید بتایا کہ اس مہم کو کامیاب بنانے کیلئے محکمہ پولیس، محکمہ ریونیو ،محکمہ ایجو کیشن ،محکمہ کمیونٹی ڈویلپمنٹ ،پی آر ایس پی،محکمہ پاپولیشن ویلفیئر ،محکمہ اوقاف ، پاکستان میڈیکل ایسوسی ایشن ،ڈی او سی او ، این جی اوز اور دیگر محکمہ جات اور مذہبی رہنما محکمہ ہیلتھ کی ٹیموں کی مکمل معاونت کرینگے ۔

اس موقع پر ڈی سی او قصور عدنان ارشد اولکھ نے تمام محکمہ جات کے افسران کو ہدایت کی کہ وہ محکمہ ہیلتھ کیساتھ ملکر پولیو مہم کو کامیاب کریں اور اس میں کسی قسم کی غفلت یا لاپرواہی برداشت نہیں کی جائیگی اورلوگوں کی آگاہی کیلئے اہم شاہراہوں پر فلیکسز اور بینرز آویزاں کئے جائیں اور پولیو مہم شروع ہونے سے قبل ضلع بھر میں اس کی بھرپور تشہیر کی جائے ۔ڈی سی ا و نے پولیو میٹنگ میں غیر حاضر افسران کی لسٹ اور وضاحت بھی طلب کر لی ہے ۔

07/01/2015 - 17:04:56 :وقت اشاعت