بند کریں
صحت صحت کی خبریںبچوں کو بیماریوں سے محفوظ بنانے کے لئے تمام وسائل بروئے کار لارہے ہیں‘ مجتبیٰ شجاع الرحمن ..

صحت خبریں

وقت اشاعت: 30/01/2015 - 19:26:46 وقت اشاعت: 30/01/2015 - 19:18:40 وقت اشاعت: 30/01/2015 - 17:18:53 وقت اشاعت: 30/01/2015 - 17:07:12 وقت اشاعت: 30/01/2015 - 16:45:31 وقت اشاعت: 30/01/2015 - 16:33:04 وقت اشاعت: 30/01/2015 - 16:15:11 وقت اشاعت: 30/01/2015 - 16:07:05 وقت اشاعت: 30/01/2015 - 15:05:55 وقت اشاعت: 30/01/2015 - 14:30:57 وقت اشاعت: 30/01/2015 - 14:23:26

بچوں کو بیماریوں سے محفوظ بنانے کے لئے تمام وسائل بروئے کار لارہے ہیں‘ مجتبیٰ شجاع الرحمن

لاہور ( اُردو پوائنٹ تازہ ترین اخبار۔ 30 جنوری 2015ء) وزیر خزانہ‘ قانون ‘ایکسائز و ٹیکسیشن پنجاب مجتبیٰ شجاع الرحمن نے کہا ہے کہ صوبہ میں انسداد خسرہ کی خصوصی مہم شروع کی گئی ہے جو 9 فروری تک جاری رہے گی اوراس مہم کے دوران6 ماہ سے 10 سال تک کی عمر کے 2 کروڑ 80 لاکھ سے زائد بچوں کو خسرہ سے بچاؤ کے ٹیکے لگائے جائیں گے جس کے لئے 16 ہزار سے زائد ٹیمیں بنائی گئی ہیں جبکہ مہم پر 2 ارب 70 کروڑ روپے سے زائد خرچ ہوں گے،ذراسی غفلت اور حفاظتی ٹیکے بروقت نہ لگانے سے تقریبا ساڑھے سات لاکھ پاکستانی بچے ہر سال مختلف بیماریوں کا شکار ہو کر یا تو زندگی سے ہاتھ دھو بیٹھتے ہیں یا عمر بھر کی معذوری کا روگ لگ جاتا ہے۔

مختلف وفود سے گفتگو کرتے ہوئے مجتبیٰ شجاع الرحمن نے کہا کہ انسداد خسرہ مہم کے بارے میں لوگوں کو آگاہ کرنے کے لئے اخبارات اور ٹی وی چینلز کے ذریعے بھی تشہیری مہم شروع کر دی گئی ہے اور والدین اپنے بچوں کو خسرہ سے بچاؤ کا ٹیکہ لگوا ئیں۔ انہوں نے کہا کہ پولیو کے علاوہ حفاظتی ٹیکوں کی مہم کے دوان بچوں کو9 مہلک بیماریوں ،ٹی بی،پولیو خناق ،کالی کھانسی،تشنج،ہیپا ٹائٹس،گردن توڑ بخار، نمونیہ اور خسرہ سے بچاؤ کے حفاظتی ٹیکے ہیلتھ سنٹرز،ہسپتالوں اور موبائل ٹیموں کے ذریعے بلا معاضہ لگائے جا تے ہیں۔

انہوں نے کہا کہ گردے کے مریضوں کے لئے ڈائلسز کی سہولت کے لئے سرکاری ہسپتالوں کودوگنا فنڈز فراہم کئے گئے ہیں۔ انہوں نے کہا کہ کم وسائل رکھنے والے لوگوں کو صحت کی معیاری سہولیات کی فراہمی کے لئے ہیلتھ انشورنس کارڈ کا اجراء کیا جائے گا جس کی بدولت کم آمدنی والے افراد نہ صرف سرکاری بلکہ بہترین نجی طبی اداروں میں بھی سٹیٹ آف دی آرٹ صحت کی سہولتیں حاصل کر سکیں گے ۔

30/01/2015 - 16:33:04 :وقت اشاعت