بند کریں
صحت صحت کی خبریںوزارت صحت سندھ اور جناح اسپتال و قومی ادارہ برائے صحت اطفال کے ملازمین پرمشتمل جوائنٹ ایکشن ..

صحت خبریں

وقت اشاعت: 10/02/2015 - 14:04:14 وقت اشاعت: 10/02/2015 - 13:18:53 وقت اشاعت: 10/02/2015 - 13:17:25 وقت اشاعت: 10/02/2015 - 13:03:05 وقت اشاعت: 09/02/2015 - 23:21:50 وقت اشاعت: 09/02/2015 - 22:51:58 وقت اشاعت: 09/02/2015 - 21:46:02 وقت اشاعت: 09/02/2015 - 21:25:00 وقت اشاعت: 09/02/2015 - 21:23:59 وقت اشاعت: 09/02/2015 - 21:23:59 وقت اشاعت: 09/02/2015 - 20:41:28

وزارت صحت سندھ اور جناح اسپتال و قومی ادارہ برائے صحت اطفال کے ملازمین پرمشتمل جوائنٹ ایکشن کمیٹی کے درمیان مذاکرات کا میاب،

جناح و این آئی سی اسپتال ملازمین کو ہیلتھ الاؤنس جاری اور2012ء سے ایک انکریمنٹ دینے کی منظوری

کراچی (اُردو پوائنٹ اخبار تازہ ترین۔9فروری 2015ء)وزارت صحت سندھ اور جناح اسپتال و قومی ادارہ برائے صحت اطفال کے ملازمین پرمشتمل جوائنٹ ایکشن کمیٹی کے درمیان مذاکرات کا میاب ہو گئے ،جناح و این آئی سی اسپتال ملازمین کو ہیلتھ الاؤنس جاری کرنے اور2012ء سے ایک انکریمنٹ دینے کی منظوری دیدی گئی ہے جبکہ نیورو سرجری کے ملازمین کی مستقلی کے حوالے سے آئندہ ایک سے دو روز میں سمری وزیر اعلی سندھ کو ارسال کر دی جائے گی جس کے بعد تقریبا100ملازمین کی مستقلی کا مسئلہ بھی حل ہو جائیگا ۔

اس حوالے سے جناح اسپتال اور قومی ادارہ برائے اطفال کے ملازمین پر مشتمل جوائنٹ ایکشن کمیٹی کے میڈیا ترجمان سید امیر حسین شاہ نے بتایا کہ پیر کو صوبائی وزیر صحت جام مہتاب ڈہر اور اسپیشل سیکریٹری صحت خالد شیخ سے ان کے آفس میں جوائنٹ ایکشن کمیٹی کے رہنماؤں حاجی گل سعید ،زریاب حیات ،زیتون اختر ،حاجی عبدالوہاب ،فیصل چوہدری اور دیگر نے ملاقات کی اس موقع پر انتظامیہ نے ملازمین کے مسائل کو سنجیدگی کے سنا اور حل نکالنے کے ساتھ ادارے کی بہتری کے حوالے سے مختلف امور پر تبادلہ خیال بھی کیا گیا ۔

سید امیر حسین شاہ کے مطابق انتظامیہ نے جناح اسپتال اور قومی ادارہ برائے اطفال کے ملازمین کے زیر التواء مسائل ترجیحی بنیادوں پر حل کرنے کی یقین دہانی کرائی ہے جس کے بعد جوائنٹ ایکشن کمیٹی نے مطالبات کی منظوری کے حوالے احتجاجی کال واپس لے لی ہے ۔ جوائنٹ ایکشن کمیٹی کے ترجمان سید امید حسین شاہ نے حکومت کی جانب سے ملازمین کے مسائل حل کرنے کا خیر مقدم کیا ہے اور کہا ہے کہ پیپلز پارٹی نے ہمیشہ روزگار دیا ہے ہم حکومت کے اس فیصلے کی مکمل حمایت کرتے ہیں ۔

09/02/2015 - 22:51:58 :وقت اشاعت