بند کریں
صحت صحت کی خبریںحکومت پنجاب کا گروتھ ریٹ اگلے چار سالوں میں آٹھ فیصد تک لے جانے کیلئے اقدامات کررہی ہے ‘ ہارون ..

صحت خبریں

وقت اشاعت: 12/02/2015 - 17:24:16 وقت اشاعت: 12/02/2015 - 17:11:29 وقت اشاعت: 12/02/2015 - 16:28:39 وقت اشاعت: 12/02/2015 - 16:27:42 وقت اشاعت: 12/02/2015 - 16:27:42 وقت اشاعت: 12/02/2015 - 16:17:01 وقت اشاعت: 12/02/2015 - 14:16:52 وقت اشاعت: 12/02/2015 - 13:43:58 وقت اشاعت: 12/02/2015 - 13:43:58 وقت اشاعت: 12/02/2015 - 13:41:41 وقت اشاعت: 12/02/2015 - 13:37:32

حکومت پنجاب کا گروتھ ریٹ اگلے چار سالوں میں آٹھ فیصد تک لے جانے کیلئے اقدامات کررہی ہے ‘ ہارون سلطان بخاری

لاہور ( اُردو پوائنٹ تازہ ترین اخبار۔ 12فروی 2015ء) صوبائی وزیر سماجی بہبود سید ہارون احمد سلطان بخاری نے کہا ہے کہ حکومت پنجاب کا گروتھ ریٹ اگلے چار سالوں میں آٹھ فیصد تک لے جانے کیلئے اقدامات کررہی ہے اس سلسلے میں لوڈشیڈنگ میں کمی کیلئے ہنگامی بنیادوں پرپاورپلانٹس لگائے جا رہے ہیں اور ملکی و غیرملکی سرمایہ کاروں کو پنجاب میں سرمایہ کاری کی ترغیبات دی جا رہی ہیں،ترقی پذیر ممالک کے مسائل لامحدود اور وسائل بہت کم ہیں اور بڑھتی ہوئی آبادی کے پیش نظراقتصادی و سماجی مسائل میں اضافہ ہوتا ہے ،حکومت نے عوام کو پاپولیشن ویلفیئر پروگرامز سے آگاہی اور مستفید ہونے کے لئے صوبہ میں 15 سو فیملی ویلفیئر سنٹرز ، 117 موبائل سروس یونٹس، 118 فیملی ہیلتھ کلینک، 1456 سوشل موبلائزرزودیگر سہولیات کی خدمات فراہم کی ہیں ۔

مختلف وفود سے گفتگو کرتے ہوئے سید ہارون احمد سلطان بخاری نے کہا کہ بڑھتی ہوئی آبادی اقتصادی وصحت کے مسائل بھی پیدا کر رہی ہے اور دنیا میں غذائی قلت کے شکار لوگوں کی تعداد 7 کروڑ 70 لاکھ سے بڑھ گی ہے اور ترقی پذیر ممالک کا ہر چھٹا فرد غذائی قلت کا شکار ہے جبکہ 49 ملین لوگ خط غربت سے نیچے زندگی بسر کر رہے ہیں اور ہر 10 ہزار ماؤں میں سے 500 مائیں دوران زچگی زندگی سے ہاتھ دھو بیٹھتی ہیں۔

اسی طرح 1000 بچوں میں سے 77 بچے دوران پیدائش وفات پا جاتے ہیں۔ 58 ملین آبادی کو پینے کا صاف پانی میسر نہیں جبکہ 49 ملین لوگ صرف ایک کمرے کے گھر میں رہائش پذیر ہیں۔انہوں نے کہا کہ بڑھتی ہوئی آبادی کو موزوں و مناسب شرح پر لانے کے لئے عوام میں شعور اجاگر کرنے اور انہیں بڑھتی ہوئی آبادی کے خطرات‘ وسائل کی کمی‘ خاندانی منصوبہ بندی کی اہمیت‘ بہتر صحت اور خوشحال زندگی کے تصور سے آگاہ کرنے کے لئے معاشرے کا ہر فرد اپنا کردار ادا کرے۔انہوں نے کہا کہ عوام کو معیاری صحت اور جدید تعلیم کی سہولتیں فراہم کرنا حکومت کی ترجیحات میں شامل ہے ۔

12/02/2015 - 16:17:01 :وقت اشاعت