بند کریں
صحت صحت کی خبریںامام بارگاہوں کو ٹارگٹ کر کے ملک میں فرقہ وارنہ آگ لگانے کی سازش ہو رہی ہے ‘ڈاکٹر طاہر القادری،
راولپنڈی ..

صحت خبریں

وقت اشاعت: 18/02/2015 - 22:23:38 وقت اشاعت: 18/02/2015 - 22:18:15 وقت اشاعت: 18/02/2015 - 21:37:06 وقت اشاعت: 18/02/2015 - 21:37:06 وقت اشاعت: 18/02/2015 - 21:37:06 وقت اشاعت: 18/02/2015 - 21:13:49 وقت اشاعت: 18/02/2015 - 17:51:19 وقت اشاعت: 18/02/2015 - 17:43:42 وقت اشاعت: 18/02/2015 - 17:33:46 وقت اشاعت: 18/02/2015 - 17:33:46 وقت اشاعت: 18/02/2015 - 17:23:55

امام بارگاہوں کو ٹارگٹ کر کے ملک میں فرقہ وارنہ آگ لگانے کی سازش ہو رہی ہے ‘ڈاکٹر طاہر القادری،

راولپنڈی دھماکہ کی مذمت ،شہدا کے لواحقین سے اظہار تعزیت اور زخمیوں کی جلد صحتیابی کیلئے دعا

لاہور (اُردو پوائنٹ اخبارتازہ ترین۔18فروری۔2015ء )پاکستان عوامی تحریک کے سربراہ ڈاکٹر طاہر القادری نے راولپنڈی امام بارگاہ میں ہونیوالے دھماکے اور فائرنگ کی شدید مذمت کرتے ہوئے کہا ہے کہ نام نہاد حکمران قومی ایکشن پلان کو نافذ کرنے میں سنجیدہ ہی نہیں ورنہ قوم ہر روز اپنے کندھوں پر اپنے پیاروں کے جنازے نہ اٹھاتی ۔انہوں نے کہاکہ ایک منظم منصوبہ بندی کے ساتھ امام بارگاہوں کو ٹارگٹ کیا جا رہا ہے جس کا مقصد ملک میں فرقہ واریت کی آگ لگانا ہے ۔

انہوں نے کہا کہ نا اہل حکمران اور دہشت گرد پاکستان کی بقا کیلئے سب سے بڑا خطرہ بن چکے ہیں ۔انہوں نے شہدائے کے لواحقین دلی ہمدردی کا اظہار کیا اور زخمیوں کی جلد صحتیابی کیلئے دعاکی ۔انہوں نے واقعہ کے فوری بعد عوامی تحریک اور منہاج القرآن کے کارکنان کو امدادی سرگرمیوں اور خون کے عطیات دینے کی ہدایت کی۔انہوں نے کہا کہ ہر شہر دہشت گردی کی آگ میں جل رہا ہے اور حکمران چین کی بانسری بجا رہے ہیں ۔

دہشت گرداہم شہروں میں کارروائیوں کر کے جعلی حفاظتی اقدامات کو بے نقاب کر رہے ہیں ۔نام نہاد جمہوری حکومت ملک اورعوام کی حفاظت کرنے میں بری طرح ناکام ہو گئی ہے ۔دریں اثناء پاکستان عوامی تحریک کے مرکزی صدر ڈاکٹر رحیق عباسی،خرم نواز گنڈا پورنے دہشت گردی کی یکے بعد دیگرے وارداتوں پر گہری تشویش کا اظہار کیا اور کہا کہ موجودہ حکمرانوں کے ہوتے ہوئے دہشت گردی کی لعنت سے چھٹکارا نہیں مل سکتا۔

18/02/2015 - 21:13:49 :وقت اشاعت