وزیر مملکت برائے نیشنل ہیلتھ سروسز ریگو لیشنز اینڈ کوآرڈینشن سائرہ افضل تارڑ کاپولیو کے ٹیکنیکل مشاورتی گروپ کی سفارشات کا جائزہ لینے سے متعلق اعلیٰ سطحی اجلاس سے خطاب

جمعہ 20 فروری 2015 18:59

اسلام آباد(اردو پوائنٹ تازہ ترین اخبار. 20 فروری 2015ء)وزیر مملکت برائے نیشنل ہیلتھ سروسز ریگو لیشنز اینڈ کوآرڈینشن سائرہ افضل تارڑ نے کہا ہے کہ ہمیں قابل اعتبار اعداد وشمار اور آزاد انہ تجزیہ درکارہے ‘قطرے پینے سے محروم بچوں کے درست اعداد وشمار کے حصول کیلئے پولیو کے حوالے سے زیادہ خطرات والی 497یونین کونسلوں کے مائیکرو پلان پر نظر ثانی کی جانی چاہیے تاکہ تازہ ترین اعداد وشمار کے مطابق نئی حکمت عملی اور لائحہ عمل وضع کیا جاسکے ‘پولیو کے قطرے نہ پینے والے بچوں کو پولیو کے قطرے پلانے کیلئے ان تک پہنچا جاسکے ‘عالمی ادارہ صحت اور یونیسف کے حکام پولیو کے خاتمے کی ضلعی کمیٹیوں کے ساتھ قریبی رابطہ میں رہ کر کام کرکے مائیکرو پلان لازمی طوپر 10مارچ تک اپ ڈیٹ کرلیا جائے ‘پولیو مہم کے دوران اور مہم کے بعد مانٹیرنگ کے ادارہ جاتی اندرونی نظام کو مضبوط بنانے کی ضرورت ہے ‘پولیو کی مہم میں ہونے والی پیش رفت سے متعلق بروقت تازہ ترین آگاہی کی ضرورت ہے تاکہ ہم فوری طورپر درست ،بروقت اقدامات اور ضروری کارروائی کرسکیں۔

(جاری ہے)

وہ جمعہ کو پولیو کے ٹیکنیکل مشاورتی گروپ کی سفارشات کا جائزہ لینے سے متعلق اعلیٰ سطحی اجلاس سے خطاب کر رہی تھیں۔ انہوں نے متعلقہ حکام کو ہدایت کی کہ وہ ان سفارشات پر مکمل عمل درآمد کو یقینی بنائیں ۔پولیو ٹیکنیکل ایڈوئزار ی گروپ پولیو کی بیماری کے عالمی شہرت یافتہ ماہرین پر مشتمل ہے اس ٹیکنیکل گروپ نے 14اور 15فروری کو اسلام آباد میں منعقدہ اپنے اجلاسوں میں پاکستان میں پولیو پروگرام کے تمام پہلوؤں کا تفصیلی جائزہ لیا اور پولیو کی صورتحال بہتر بنانے کے لئے خصوصی سفارشات پیش کی ہیں ۔

سائرہ افضل تارڑنے ماہرین کی سفارشات کا جائزہ لینے بارے اجلاس میں کہاکہ ہمیں پولیو کے قطرے پینے سے محروم بچوں کو لازمی طور پر پولیو کے قطرے پلانے پر بھرپور توجہ دینی چاہیے جس کے لئے ہمیں قابل اعتبار اعداد وشمار اور آزاد انہ تجزیہ درکارہے ۔انہوں نے کہاکہ قطرے پینے سے محروم بچوں کے درست اعداد وشمار کے حصول کے لئے پولیو کے حوالے سے زیادہ خطرات والی 497یونین کونسلوں کے مائیکرو پلان پر نظر ثانی کی جانی چاہیے تاکہ تازہ ترین اعداد وشمار کے مطابق نئی حکمت عملی اور لائحہ عمل وضع کیا جاسکے اور پولیو کے قطرے نہ پینے والے بچوں کو پولیو کے قطرے پلانے کے لئے ان تک پہنچا جاسکے ۔

وزیرمملکت برائے صحت سائرہ افضل تارڑ نے عالمی ادارہ صحت اور یونیسف کے حکام سے کہا کہ وہ پولیو کے خاتمے کی ضلعی کمیٹیوں کے ساتھ قریبی رابطہ میں رہ کر کام کریں اور مائیکرو پلان لازمی طوپر 10مارچ تک اپ ڈیٹ کرلیا جائے ۔وزیر نے مانیٹرنگ کی اہمیت کو اجاگر کرتے ہوئے کہا کہ ہمیں پولیو مہم کے دوران اور مہم کے بعد مانٹیرنگ کے ادارہ جاتی اندرونی نظام کو مضبوط بنانے کی ضرورت ہے اور پولیو کی مہم میں ہونے والی پیش رفت سے متعلق بروقت تازہ ترین آگاہی کی ضرورت ہے تاکہ ہم فوری طورپر درست ،بروقت اقدامات اور ضروری کارروائی کرسکیں ۔

انہوں نے کہا کہ پولیو کی مہم میں وقت کی بہت اہمیت ہے اور وائرس پھیلنے کی قوت کم ہونے کا بھرپور فائدہ اٹھانے کے لئے ہمارے پاس صرف 8ہفتوں کا وقت ہوتا ہے ۔انہوں نے کہا کہ ہم مہموں کے معیار اور مہموں میں وقفہ بارے بات چیت کرنے کے لئے جلد ہی صوبوں کا دورہ کریں گے اور انہیں ٹیکنیکل مشاورتی گروپ کی سفارشات کا بھرپور احساس کرتے ہوئے ان پر عمل درآمد کی ضرورت بارے بتائیں گے ۔

وزیر نے پولیو کے معیار میں مجموعی بہتری کو سراہا ۔ اجلاس میں شمالی سندھ ، جنوبی پنجاب اور بلوچستان کے اضلاع پر مشتمل وسطی پاکستان میں مہم کا معیار ناقص ہونے سے متعلق بتایا گیا جس پر سائرہ افضل تارڑ نے تشویش کا اظہار کیا ۔ اجلاس میں دیگر کے علاوہ سیکرٹری نیشنل ہیلتھ سروسز محمد ایوب شیخ ، عالمی ادارہ صحت اور یونیسف کی پولیو ٹیموں کے قائدین اور اعلیٰ سرکاری حکام نے شرکت کی ۔

Browse Latest Health News in Urdu

’’ پنز‘‘مفت ادویات کی فراہمی میں صوبے کے سرکاری ہسپتالوں میں پہلے نمبر پرآگیا

’’ پنز‘‘مفت ادویات کی فراہمی میں صوبے کے سرکاری ہسپتالوں میں پہلے نمبر پرآگیا

ہارٹ اٹیک کے مریضوں کیلئے پہلا گھنٹہ انتہائی اہم ہوتا ہے،بروقت علاج سے  زندگی بچائی جاسکتی ہیں، ایم ..

ہارٹ اٹیک کے مریضوں کیلئے پہلا گھنٹہ انتہائی اہم ہوتا ہے،بروقت علاج سے زندگی بچائی جاسکتی ہیں، ایم ..

میو ہسپتال میں گردوں کی پتھریوں کیلئے جدید طریقہ علاج پی سی این ایل اپنا لیا گیا

میو ہسپتال میں گردوں کی پتھریوں کیلئے جدید طریقہ علاج پی سی این ایل اپنا لیا گیا

دوگھنٹے سے زیادہ سمارٹ فون اور ڈیوائسزکا استعمال آپ کو توجہ کی کمی‘ جینیاتی عارضے اور مسلسل ذہنی خلفشار ..

دوگھنٹے سے زیادہ سمارٹ فون اور ڈیوائسزکا استعمال آپ کو توجہ کی کمی‘ جینیاتی عارضے اور مسلسل ذہنی خلفشار ..

سول ہسپتال میں جدید طبی سہولیات کی فراہمی کا عزم، ڈی سی جہلم نے جدید ترین آپریشن تھیٹر کا افتتاح کر دیا

سول ہسپتال میں جدید طبی سہولیات کی فراہمی کا عزم، ڈی سی جہلم نے جدید ترین آپریشن تھیٹر کا افتتاح کر دیا

پنجاب میں 24 گھنٹوں کے دوران نمونیا سے مزید 5 بچے دم توڑ گئے

پنجاب میں 24 گھنٹوں کے دوران نمونیا سے مزید 5 بچے دم توڑ گئے

پاکستان میں ایک کروڑستر لاکھ سے زائد لوگ گردوں کے امراض میں مبتلا ہیں

پاکستان میں ایک کروڑستر لاکھ سے زائد لوگ گردوں کے امراض میں مبتلا ہیں

سرکاری ہسپتالوں میں سی ٹی سکین سروسزکی آؤٹ سورسنگ کے معاہدے پردستخط

سرکاری ہسپتالوں میں سی ٹی سکین سروسزکی آؤٹ سورسنگ کے معاہدے پردستخط

2050 تک ذیابیطس کے مریضوں کی تعداد ایک ارب 30 کروڑتک پہنچ سکتی ہے

2050 تک ذیابیطس کے مریضوں کی تعداد ایک ارب 30 کروڑتک پہنچ سکتی ہے

پاکستان بھر میں آج کل لوگوں کے بیمار ہونے کا سبب بننے والے مرض کی نشاندہی کر دی گئی

پاکستان بھر میں آج کل لوگوں کے بیمار ہونے کا سبب بننے والے مرض کی نشاندہی کر دی گئی

وزن کو کنٹرول کرنے کیلئے زیتون کا تیل انتہائی موثر ہے،ڈاکٹر محمد احمد سندھو

وزن کو کنٹرول کرنے کیلئے زیتون کا تیل انتہائی موثر ہے،ڈاکٹر محمد احمد سندھو

برطانیہ ،چھینک روکنے کی کوشش پرنوجوان کی سانس کی نالی پھٹ گئی

برطانیہ ،چھینک روکنے کی کوشش پرنوجوان کی سانس کی نالی پھٹ گئی