اٹک ‘ واٹر سپلائی، سیوریج ، نکاسی آب، صحت ، تعلیم اور دیگر سہولیات کی فراہمی شامل ہے کی منظوری دے دی گئی

اٹک (اُردو پوائنٹ تازہ ترین اخبار۔ 21فروی 2015ء) ضلع اٹک میں مختلف ترقیاتی سکیموں جن میں واٹر سپلائی، سیوریج ، نکاسی آب، صحت ، تعلیم اور دیگر سہولیات کی فراہمی شامل ہے کی منظوری دے دی گئی ہے۔ یہ بات وزیر مملکت برائے پارلیمانی امور شیخ آفتاب احمد کی زیر صدارت منعقد ہ ڈسٹرکٹ ڈویلپمنٹ کمیٹی اٹک کے اجلاس میں بتائی گئی۔ صوبائی وزیر معدنیات چوہدری شیر علی، ملک اعتبار خان ،کمشنر راولپنڈی زاہد سعید، ڈی سی او اٹک چودھری حبیب اللہ ، اے ڈی سی کنزہ مرتضیٰ ، ضلع بھر کے اسسٹنٹ کمشنرز ، ٹی ایم اوز ،منتخب سیاسی قیادت اور دیگر متعلقہ افسران بھی اس موقع پر موجود تھے۔