بند کریں
صحت صحت کی خبریںوسائل سے مالا مال پاکستان کو ہردور میں برسر اقتدار آنے والے حکمران طبقے نے لوٹاہے،بیرونی ..

صحت خبریں

وقت اشاعت: 03/03/2015 - 20:31:41 وقت اشاعت: 03/03/2015 - 19:33:37 وقت اشاعت: 03/03/2015 - 19:22:43 وقت اشاعت: 03/03/2015 - 19:20:31 وقت اشاعت: 03/03/2015 - 18:51:29 وقت اشاعت: 03/03/2015 - 16:30:44 وقت اشاعت: 03/03/2015 - 16:13:31 وقت اشاعت: 03/03/2015 - 16:12:47 وقت اشاعت: 03/03/2015 - 14:15:30 وقت اشاعت: 03/03/2015 - 13:51:49 وقت اشاعت: 03/03/2015 - 13:07:31

وسائل سے مالا مال پاکستان کو ہردور میں برسر اقتدار آنے والے حکمران طبقے نے لوٹاہے،بیرونی قرضوں کے سہارے پر ملکی معیشت کوچلانے کی ناکام کوششیں ہورہی ہیں،حکومت نے ناجائز منافع خوروں اور ذخیرہ اندوزوں کو فری ہینڈدے رکھا ہے

امیر جماعت اسلامی پنجاب سید وسیم اخترکا مہنگائی میں روزافزوں ہوتے اضافے پر تشویش کا اظہار

لاہور(اُردو پوائنٹ اخبار تازہ ترین۔03مارچ۔2015ء) امیر جماعت اسلامی پنجاب سید وسیم اخترنے مہنگائی میں روزافزوں ہوتے اضافے پر تشویش کا اظہار کرتے ہوئے کہاہے کہ پاکستان کو اللہ تعالیٰ نے بے پناہ وسائل،تمام موسموں اور بہترین محل وقوع سے نوازا ہے مگر بدقسمتی سے 67برسوں سے برسر اقتدار آنے والے حکمران طبقے نے مل کر اسے دونوں ہاتھوں سے لوٹا ہے۔

مقام صدافسوس ہے کہ عوامی خدمت کے دعویداروں نے ایک طرف اللوں تللوں کوجاری رکھاہواہے تودوسری جانب دنیا کو پاکستانی قوم کی حالت زار دکھاکرکشکول لئے گھومتے پھررہے ہیں۔بیرونی قرضوں کے سہارے ملکی معیشت کوچلانے کی ناکام کوشش کی جارہی ہے۔انہوں نے کہاکہ حکومت وقت کے عاقبت نااندیش فیصلوں کی بدولت آج ہر پاکستانی 80ہزار روپے کامقروض ہوچکا ہے۔

امیر اور غریب کے لئے علیحدہ علیحدہ قانون ہیں۔ایک طرف سرمایہ دار،جاگیردار،وڈیرے اور بیوروکریٹ اربوں روپے قرض لے کر معاف کروالیتے ہیں تو دوسری جانب کسی غریب کاچند ہزار کاقرضہ وصول کرنے کے لئے اس کی عمربھر کی جمع پونجی کوقرقی کردیا جاتاہے۔انہوں نے کہاکہ ہمارے ملک کی جڑوں کوکرپشن کے ناسورنے کھوکھلا کردیا ہے۔انسداد کرپشن کے تمام ادارے عضومعطل بن کررہ گئے ہیں۔

لوٹ مار کا ایک لامتناعی سلسلہ اوپرسے نیچے تک جاری ہے کوئی پوچھنے والا نہیں۔روزمرہ کی اشیاء کی قیمتوں میں اضافے سے عوام الناس کی قوت خرید بری طرح متاثر ہوچکی ہے۔گندم کی قیمت میں فی من 400روپے تک اضافہ حکمرانوں کی بدترین کارکردگی کامظہر ہے۔یوں محسوس ہوتا ہے کہ جیسے حکمران عوام کے منہ سے روٹی کاآخری نوالہ بھی چھین لیناچاہتے ہیں۔پرائس کنٹرول کمیٹیاں عملاً غیر فعال ہوچکی ہیں۔حکومت نے ناجائز فروش،گران فروش اور ذخیرہ اندوز مافیاکومذموم سرگرمیوں کے لئے فری ہینڈ دے رکھا ہے۔

03/03/2015 - 16:30:44 :وقت اشاعت