بند کریں
صحت صحت کی خبریںپولیو مہم کے دوران بچوں کو قطرے نہ پلانے والوں کیخلاف مقدمے درج کیے جائیں گے،ڈپٹی کمشنر گھوٹکی ..

صحت خبریں

وقت اشاعت: 06/03/2015 - 16:17:13 وقت اشاعت: 06/03/2015 - 16:03:20 وقت اشاعت: 06/03/2015 - 00:13:00 وقت اشاعت: 05/03/2015 - 23:35:05 وقت اشاعت: 05/03/2015 - 23:31:42 وقت اشاعت: 05/03/2015 - 23:30:12 وقت اشاعت: 05/03/2015 - 22:35:16 وقت اشاعت: 05/03/2015 - 22:18:41 وقت اشاعت: 05/03/2015 - 21:37:06 وقت اشاعت: 05/03/2015 - 21:25:57 وقت اشاعت: 05/03/2015 - 21:07:25

پولیو مہم کے دوران بچوں کو قطرے نہ پلانے والوں کیخلاف مقدمے درج کیے جائیں گے،ڈپٹی کمشنر گھوٹکی

سکھر(اُردو پوائنٹ اخبارتازہ ترین۔5 مارچ۔2015ء)ڈپٹی کمشنر گھوٹکی محمد طاہر وٹو نے کہا ہے کہ پولیو مہم کے دوران بچوں کو پولیو کے قطرے نہ پلانے والوں کے خلاف مقدمے درج کیے جائیں گے ۔ ان خیالات کا اظہار انہوں نے کمیٹی روم میرپور ماتھیلو میں پولیو مہم کے حوالے سے کیے گئے انتظامات کا جائزہ لینے کے لیے منقعدہ اجلاس کی صدارت کرتے ہوئے کیا۔ اس موقع پر انہوں نے کہا کہ پولیو مہم کے دوران ضلع گھوٹکی میں جو بھی شخص بچوں کو پولیو کے قطرے نہیں پینے دیگا ان کے خلاف کارِسرکار میں مداخلت کا مقدمہ درجہ کرکے اسے گرفتار کیا جائے گا کیوں کہ پولیو وائرس کے خاتمہ کرنے کے لیے ضلعی انتظامیہ کسی بھی حد تک جاسکتی ہے اس لیے عوام سے اپیل ہے کہ وہ ضلعی انتظامیہ سے تعاون کرکے اپنے بچوں کو پولیو کے قطرے پلاکر ان کا مستقبل محفوظ بنائیں۔

انہوں نے مزید کہا کہ پولیو وائرس ملک سمیت دنیا بھر کے لیے بہت بڑا مسئلا بنا ہوا ہے یہی وجہ ہے کہ بین الالقوامی سطح پر پاکستانیوں کے اوپر سفر پابندیاں لگائی جارہی ہیں اس لیے تمام اداروں کو سنجیدگی سے اپنا کردار ادا کرنا چاہیے تا کہ ہمارا ملک پولیو وائرس سے پاک ہوسکے۔ انہوں نے ڈی۔ایچ۔او کو ہدایت دی کہ ضلع بھر میں ایک بچہ بھی پولیوکے قطروں سے محروم نہیں ہونا چاہیے اس حوالے سے وہ خود نگرانی کریں اس کے حوالے علاوہ فنگر مارکننگ کو بھی یقینی بنایا جائے تا کہ ڈبلیو۔

ایچ۔او کے نمائندگان کو کسی قسم کی شکایت کا موقع نہ مل سکے۔ انہوں نے تمام اسسٹنٹ کمشنرز کو بھی ہدایت دی کہ وہ پولیو مہم کی نگرانی کریں اور بچوں کو پولیو کے قطرے نہ پلانے والوں کو اعتماد میں لینے کی بھرپور کوشش کی جائے اور کوشش کے باوجود اگر کوئی نہ مانے تو ان کے خلاف مقدمے درج کروائیں ۔ قبل ازیں پولیو مہم کے ڈسٹرکٹ فوکل پرسن ڈاکٹر الطاف سومرو نے بریفنگ دیتے ہوئے بتایا کہ گذشتہ 5 سالوں کے دوران ضلع گھوٹکی میں پولیو کیس تصدیق نہیں ہوا جو کہ ایک کامیابی ہے۔ انہوں نے بتایا کہ 16 مارچ کو پولیو مہم شروع ہوگی جو کہ 18 مارچ تک جاری رہے گی ۔ مہم کے دوران ضلع کے 3 لاکھ44 ہزار 806 بچوں کو پولیو کے قطرے پلائے جائیں گے

05/03/2015 - 23:30:12 :وقت اشاعت