بند کریں
صحت صحت کی خبریںبھیرہ، پولیو قطرے پلانے والی ٹیم پر نامعلوم افراد کی اندھا دھند فائرنگ، خاتون سمیت دو اہلکار ..

صحت خبریں

وقت اشاعت: 19/03/2015 - 23:10:00 وقت اشاعت: 19/03/2015 - 22:27:35 وقت اشاعت: 19/03/2015 - 21:57:27 وقت اشاعت: 19/03/2015 - 21:16:05 وقت اشاعت: 19/03/2015 - 20:57:03 وقت اشاعت: 19/03/2015 - 19:47:00 وقت اشاعت: 19/03/2015 - 19:43:49 وقت اشاعت: 19/03/2015 - 19:29:41 وقت اشاعت: 19/03/2015 - 18:46:59 وقت اشاعت: 19/03/2015 - 18:45:15 وقت اشاعت: 19/03/2015 - 17:42:10

بھیرہ، پولیو قطرے پلانے والی ٹیم پر نامعلوم افراد کی اندھا دھند فائرنگ، خاتون سمیت دو اہلکار زخمی

بھیرہ ( اُردو پوائنٹ اخبار تازہ ترین۔19مارچ۔2015ء ) گزشتہ روز محکمہ ہیلتھ کی پولیو کے قطرے پلانے والی ٹیم پر نامعلوم افراد نے آہلی امرہ میں اندھا دھند فائرنگ کر دی اور فرار ہو گئے جس کے نتیجہ میں پولیو ٹیم کی شگفتہ ناز اور گل بند فاروق زخمی ہو گئے ۔ نامعلوم حملہ آوروں نے شگفتہ ناز کے خاوند محمد نصیر کے مو ٹر سائیکل پر بھی گولیاں برسائیں ۔

لیڈی ہیلتھ ورکر شگفتہ ناز اور میل ہیلتھ ورکر گل بند فاروق نے بتایا کہ وہ بچوں کو پولیو کے حفاظتی قطرے پلانے کی ڈیوٹی کر رہے تھے کہ اچانک ان پر موٹر سائیکل سوار دو افراد نے فائرنگ کر دی اور موقع سے فرار ہو گئے ۔ انہوں نے بتایا کہ ان کی کسی سے دشمنی نہیں ۔ متاثرہ پولیو ٹیم کو فوری طور پر ڈی ایچ کیو ہسپتال بھیرہ پہنچایا گیا پولیس نے نامعلوم حملہ آوروں کی گرفتاری کے لیے علاقہ کی ناکہ بند ی کر لی ۔

اطلاع ملنے پر ڈسٹرکٹ ہیلتھ آفیسر سرگودھا چوہدری محمد اسلم بھی بھیرہ پہنچ گئے انہوں نے میڈیا کو بتایا کہ پولیو کے قطرے پلانے پر معمور ہیلتھ ورکر ٹیم کو نامعلوم افراد نے فائرنگ کر کے انہیں ڈیوٹی کی ادائیگی سے باز رکھنے کی کوشش کی نامعلوم مجرموں کو کیفر کردار تک پہنچانے کے لیے محکمہ ہیلتھ اپنا فرض پورا کریگا ۔

19/03/2015 - 19:47:00 :وقت اشاعت