- Home
- Health
- Health News
- تپ دق قابل علاج‘ مریض سے کنارہ کشی کی بجائے حوصلہ افزائی کی جائے‘پرنسپل پی جی ایم آئی
تپ دق قابل علاج‘ مریض سے کنارہ کشی کی بجائے حوصلہ افزائی کی جائے‘پرنسپل پی جی ایم آئی
لاہور(اُردو پوائنٹ اخبار تازہ ترین۔23مارچ۔2015ء ) پرنسپل پوسٹ گریجویٹ میڈیکل انسٹی ٹیوٹ و امیر الدین میڈیکل انسٹی ٹیوٹ پروفیسر انجم حبیب وہرہ نے کہا ہے کہ طبی تحقیق کے نتیجے میں ماضی کا جان لیوا مرض ٹی بی آج قابل علاج بن گیا ہے،تپ دق کے مریض باقاعدہ علاج اور احتیاطی تدابیر سے 100فیصد صحت یاب ہوجاتے ہیں،لہٰذا لوگوں کو چاہئے کہ مرض کو چھپانے کی بجائے علاج کیلئے حکومت کی طرف سے فراہم کردہ مفت سہولیات سے فائدہ اٹھاتے ہوئے اپنے آپ کو ٹی بی ڈاٹس پروگرام میں رجسٹرڈ کرائیں تاکہ معاشرے کو اس موذی مرض سے چھٹکارہ دلایا جاسکے۔
ان خیالات کا اظہار انہوں نے ٹی بی سے پاک پنجاب پروگرام کے تحت لاہور جنرل ہسپتال میں مریضوں کے علاج اور عالمی دن کے حوالے سے گفتگو کرتے ہوئے کیا۔(جاری ہے)
انہوں نے کہا کہ اس مرض کے پھیلنے کی وجوہات میں کچھ انسانی عادات اور چند سماجی معاشی مسائل بھی سرفہرست ہیں۔ تمباکو نوشی کرنیوالے خواتین وحضرات زیادہ تر پھیپھڑوں کی ٹی بی میں مبتلا ہوکر زندگی کی خوشیوں سے محروم ہوجاتے ہیں اور دنیا میں ہر 20سیکنڈ کے بعد ایک مریض کا اضافہ ہوتا ہے۔
اسی طرح سرد ‘مرطوب‘ تاریک وبوسیدہ کمروں میں رہنے والے ‘گندے پانی کے جوہڑوں کے گرد آباد کچی بستیوں کے غریب مکین جنہیں صفائی ‘ علاج ‘اچھی خوراک وصاف پانی کی سہولیات میسر نہیں وہ بھی تپ دق میں مبتلا ہونے کے خطرات سے دوچار ہیں۔انہوں نے کہا کہ یہ بات مشاہدے میں آئی ہے کہ تپ دق کے مریض ادویات باقاعدگی کے ساتھ استعمال نہیں کرتے اور بہت سے مریض علاج ادھورا چھوڑ دیتے ہیں جس کی وجہ سے بیماری پہلے سے بھی زیادہ شدت کے ساتھ سامنے آتی ہے۔انہوں نے کہا کہ اس مسئلے کو حل کرنے کیلئے حکومت نے ٹی بی ڈاٹس پروگرام گزشتہ کئی سالوں سے شروع کر رکھا ہے جس میں محکمہ صحت کے نمائندے مریض تک پہنچتے ہیں اور انہیں براہ راست ادویات استعمال کرنے کی ترغیب دینے کے ساتھ ساتھ مانیٹر بھی کرتے ہیں تاکہ کورس مکمل کرنے سے پہلے کوئی مریض ڈراپ نہ ہونے پائے۔پروفیسر انجم حبیب وہرہ نے کہا کہ مریض کے لواحقین کم علمی اور معلومات نہ ہونے کی وجہ سے مریض کو تنہا کردیتے ہیں جو کسی بھی طرح مناسب نہیں۔مریض سے کنارہ کشی کرنے کے بجائے اس کی حوصلہ افزائی کی جائے تاکہ اس میں بیماری کیخلاف جدوجہد کرنے کی ہمت اور قوت ارادی مضبوط ہوسکے۔پرنسپل پی جی ایم آئی نے مزید کہا کہ تپ دق کا مرض جسم کے کسی بھی عضو میں ہوسکتا ہے لیکن مریضوں کی اکثریت پھیپھڑوں کی ٹی بی میں مبتلا ہوتی ہے ایسے مریضوں کے تھوک اور بلغم وغیرہ کو مٹی میں دبانا چاہئے اور انہیں جگہ جگہ تھوکنے کی بجائے کسی ایک برتن جس میں چونا پڑا ہو اس میں تھوکنا چاہئے تاکہ جراثیم اردگرد کے لوگوں کو متاثر نہ کرسکیں۔انہوں نے والدین پر زور دیا کہ وہ اپنے نومولود بچوں کو حفاظتی ٹیکوں کا کورس ضرور کرائیں تاکہ وہ بیماریوں سے محفوظ رہیں اور اچھی نشوونما پاسکیں۔انہوں نے کہا کہ تپ دق میں مبتلا ماں بلاخوف وخطر اپنے بچے کو دودھ پلا سکتی ہے اس طرح نومولود کا تپ دق میں مبتلا ہونے کا کوئی خطرہ نہیں ہوتا۔Browse Latest Health News in Urdu
ڈریپ نے معدے کے علاج کی دوا کا ایک بیچ غیر معیاری قرار دے دیا
ڈاؤ یونیورسٹی نے کتے کے کاٹے کی ویکسین اینٹی ریبیز ویکسین" ڈاؤ ریب" تیار کرلی
پاکستان میں مقامی طور پر انسولین کی پیداوار شروع کرنے کا مطالبہ
موٹاپے کے سبب کم عمر لڑکیوں میں جوڑوں کی تکلیف کا انکشاف
سائنسدانوں نے پاکستان میں کوویڈ-19 کے انفیکشن سے کم نقصانات ہونےکی وجوہات ظاہرکردیں
پاکستان میں پہلی بارایک جگر کی دو مریضوں میں پیوندکاری اورلبلبے کی ٹرانسپلانٹ کا کامیاب تجربہ
6 گھنٹے سے کم کی نیند ذیا بیطس کے اضافی خطرات کا سبب قرار
ہومیو پیتھک طریقہ علاج سے ہزاروں مریض بغیر آپریشن کے شفا یاب ہو رہے ہیں ، صدرڈاکٹرخادم حسین کھیڑا
’’ پنز‘‘مفت ادویات کی فراہمی میں صوبے کے سرکاری ہسپتالوں میں پہلے نمبر پرآگیا
ہارٹ اٹیک کے مریضوں کیلئے پہلا گھنٹہ انتہائی اہم ہوتا ہے،بروقت علاج سے زندگی بچائی جاسکتی ہیں، ایم ..
میو ہسپتال میں گردوں کی پتھریوں کیلئے جدید طریقہ علاج پی سی این ایل اپنا لیا گیا
دوگھنٹے سے زیادہ سمارٹ فون اور ڈیوائسزکا استعمال آپ کو توجہ کی کمی‘ جینیاتی عارضے اور مسلسل ذہنی خلفشار ..
سول ہسپتال میں جدید طبی سہولیات کی فراہمی کا عزم، ڈی سی جہلم نے جدید ترین آپریشن تھیٹر کا افتتاح کر دیا
پنجاب میں 24 گھنٹوں کے دوران نمونیا سے مزید 5 بچے دم توڑ گئے
پاکستان میں ایک کروڑستر لاکھ سے زائد لوگ گردوں کے امراض میں مبتلا ہیں
سرکاری ہسپتالوں میں سی ٹی سکین سروسزکی آؤٹ سورسنگ کے معاہدے پردستخط
2050 تک ذیابیطس کے مریضوں کی تعداد ایک ارب 30 کروڑتک پہنچ سکتی ہے
پاکستان بھر میں آج کل لوگوں کے بیمار ہونے کا سبب بننے والے مرض کی نشاندہی کر دی گئی
وزن کو کنٹرول کرنے کیلئے زیتون کا تیل انتہائی موثر ہے،ڈاکٹر محمد احمد سندھو
برطانیہ ،چھینک روکنے کی کوشش پرنوجوان کی سانس کی نالی پھٹ گئی
30 سال میں امراض قلب سے اموات 60 فیصد بڑھ گئیں
شادی کے بعد ہائی بلڈ پریشر کا خطرہ بڑھ جاتا ہے، تحقیق
24 گھنٹے کے دوران صوبے بھر میں 64نئے مریضوں میں ڈینگی کی تصدیق
کراچی ٹائون پلاننگ سے محروم ملک کا سب سے بڑا شہر