لاہور سمیت پنجاب کے دیگر شہروں میں ینگ ڈاکٹرز ایسوسی ایشن کے احتجاجی مظاہرے اور دھر نے

سروس اسٹرکچر کی بحالی تک احتجاج جاری رکھنے کا اعلان ‘ ینگ ڈاکٹرز کے احتجاج اور ہڑتال کے دوران سر کاری ہسپتالوں کے آؤٹ ڈور ز بند ہونے سے مریضوں کو شدید مشکلات کا سامنا کرنا پڑا‘ لاہور کی اہم شاہراہوں کو بلاک کرنے سے شہر بھر میں ٹریفک کا نظام درہم برہم رہا

جمعرات 9 اپریل 2015 20:43

لاہور/منڈی بہاوالدین/ ملتان /گوجرا نوالہ/حافظ آباد(اُردو پوائنٹ اخبار تازہ ترین۔09 اپریل۔2015ء) لاہور سمیت پنجاب کے دیگر شہروں میں ینگ ڈاکٹرز ایسوسی ایشن کے احتجاجی مظاہرے اور دھر نے سروس اسٹرکچر کی بحالی تک احتجاج جاری رکھنے کا اعلان ‘ ینگ ڈاکٹرز کے احتجاج اور ہڑتال کے دوران سر کاری ہسپتالوں کے آؤٹ ڈور ز بند ہونے سے مریضوں کو شدید مشکلات کا سامنا کرنا پڑاجبکہ لاہور کی اہم شاہراہوں کو بلاک کرنے سے شہر بھر میں ٹریفک کا نظام درہم برہم رہا ۔

تفصیلات کے مطابق ینگ ڈاکٹرز نے پنجاب حکومت کی طرف سے سروس سٹرکچر پر عملدرآمد کا وعدہ پورا نہ ہونے ، ہسپتالوں میں سکیورٹی کے ناقص انتظامات سمیت دیگر مطالبات کے حق میں لاہور سمیت صوبہ کے مختلف سرکاری ہسپتالوں کے آؤٹ ڈور زمیں ہڑتال کی جسکے باعث علاج معالجے کی غرض سے آنے والے ہزاروں مریض اور انکے عزیز و اقارب شدید اذیت میں مبتلا رہے ۔

(جاری ہے)

ینگ ڈاکٹرز نے لاہور میں چار مختلف مقامات پر احتجاج کیا ۔شیخ زید اور جناح ہسپتال کے ڈاکٹرز نے کینال روڈ، چلڈرن اور جنرل ہسپتال کے ینگ ڈاکٹرز نے فیروز پور روڈ بلاک کر رکھی ہے۔جیل روڈ پر سروسز ہسپتال اور پی آئی سی جبکہ گنگا رام،میو اور ڈینٹل ہسپتال کے نوجوان ڈاکٹرز نے مال روڈ پر دھرنا دے رکھا ہے۔اہم شاہراہیں بند ہونے سے شہر میں ٹریفک کا نظام درہم برہم رہا جسکی وجہ سے شہریوں کے معمولات بری طرح متاثر ہوئے ۔

ینگ ڈاکٹرز شاہراہیں بند کر کے اپنے مطالبات کے حق میں اور حکومت کے خلاف نعرے بازی کرتے رہے ۔ اس موقع پر پولیس کی طرف سے کسی بھی نا خوشگوار واقعہ سے نمٹنے کے لئے سکیورٹی کے انتہائی سخت انتظامات کئے گئے تھے۔ڈاکٹروں کا کہنا ہے کہ حکومت نے تین سال قبل سروس سڑکچر فراہم کرنے کا اعلان کیا تھا مگر ابھی تک سروس سڑکچر فراہم نہیں کیا گیا۔ ڈاکٹروں کا مطالبہ ہے کہ حکومت ڈاکٹروں کو بھرتی کے وقت گریڈ 18، تنخواہوں میں اضافہ، بغیر تنخواہ کام کرنے والے پوسٹ گریجویٹ ٹرینیز اور ہاس آفیسرز کو اعزازیہ کی ادائیگی کی جائے۔

اس کے علاوہ فیصل آباد میں ینگ ڈاکٹر نے الائیڈ ہسپتال کے سامنے دھرنا دے کر سڑک بلاک کر دی ، ملتان میں نشتر ہسپتال کے ڈاکٹرز نے جیل روڈ پر دھرنا دیا ہے۔گوجرا نوالہ، حافظ آباد،منڈی بہاوالدین اور پنجاب کے مختلف اضلاع میں بھی ینگ ڈاکٹرز سراپا احتجاج ہیں۔ینگ ڈاکٹرز کا کہنا ہے کہ جب تک مطالبات منظور نہیں کئے جاتے احتجاج جاری رہے گا۔

تین سال قبل منظور کیے جانیوالے سروس اسٹرکچر پر عمل درآمد کرایا جائے ، گریڈ 18 میں براہ راست بھرتیاں کی جائیں اور تمام ڈاکٹروں کو اگلے گریڈ میں ترقیاں بھی دی جائیں ۔ ہاؤس آفیسرز ، ٹرینی ڈاکٹرز کو تنخواہ ادا کی جائے اور ڈاکٹروں کی موجودہ تنخواہ میں بھی اضافہ کیا جائے جبکہ مریضوں کے لئے سہولتوں میں اضافہ کیا جائے ۔ ینگ ڈاکٹرز کے عہدیداروں کے مطابق آئندہ ہفتے کے دوران دوبارہ اسی طرز پر احتجاج کیا جائے گا اوراگر مطالبات منظور نہ کیے گئے تو آنے والوں دنوں میں احتجاج میں شدت آ جائے گی۔

Browse Latest Health News in Urdu

’’ پنز‘‘مفت ادویات کی فراہمی میں صوبے کے سرکاری ہسپتالوں میں پہلے نمبر پرآگیا

’’ پنز‘‘مفت ادویات کی فراہمی میں صوبے کے سرکاری ہسپتالوں میں پہلے نمبر پرآگیا

ہارٹ اٹیک کے مریضوں کیلئے پہلا گھنٹہ انتہائی اہم ہوتا ہے،بروقت علاج سے  زندگی بچائی جاسکتی ہیں، ایم ..

ہارٹ اٹیک کے مریضوں کیلئے پہلا گھنٹہ انتہائی اہم ہوتا ہے،بروقت علاج سے زندگی بچائی جاسکتی ہیں، ایم ..

میو ہسپتال میں گردوں کی پتھریوں کیلئے جدید طریقہ علاج پی سی این ایل اپنا لیا گیا

میو ہسپتال میں گردوں کی پتھریوں کیلئے جدید طریقہ علاج پی سی این ایل اپنا لیا گیا

دوگھنٹے سے زیادہ سمارٹ فون اور ڈیوائسزکا استعمال آپ کو توجہ کی کمی‘ جینیاتی عارضے اور مسلسل ذہنی خلفشار ..

دوگھنٹے سے زیادہ سمارٹ فون اور ڈیوائسزکا استعمال آپ کو توجہ کی کمی‘ جینیاتی عارضے اور مسلسل ذہنی خلفشار ..

سول ہسپتال میں جدید طبی سہولیات کی فراہمی کا عزم، ڈی سی جہلم نے جدید ترین آپریشن تھیٹر کا افتتاح کر دیا

سول ہسپتال میں جدید طبی سہولیات کی فراہمی کا عزم، ڈی سی جہلم نے جدید ترین آپریشن تھیٹر کا افتتاح کر دیا

پنجاب میں 24 گھنٹوں کے دوران نمونیا سے مزید 5 بچے دم توڑ گئے

پنجاب میں 24 گھنٹوں کے دوران نمونیا سے مزید 5 بچے دم توڑ گئے

پاکستان میں ایک کروڑستر لاکھ سے زائد لوگ گردوں کے امراض میں مبتلا ہیں

پاکستان میں ایک کروڑستر لاکھ سے زائد لوگ گردوں کے امراض میں مبتلا ہیں

سرکاری ہسپتالوں میں سی ٹی سکین سروسزکی آؤٹ سورسنگ کے معاہدے پردستخط

سرکاری ہسپتالوں میں سی ٹی سکین سروسزکی آؤٹ سورسنگ کے معاہدے پردستخط

2050 تک ذیابیطس کے مریضوں کی تعداد ایک ارب 30 کروڑتک پہنچ سکتی ہے

2050 تک ذیابیطس کے مریضوں کی تعداد ایک ارب 30 کروڑتک پہنچ سکتی ہے

پاکستان بھر میں آج کل لوگوں کے بیمار ہونے کا سبب بننے والے مرض کی نشاندہی کر دی گئی

پاکستان بھر میں آج کل لوگوں کے بیمار ہونے کا سبب بننے والے مرض کی نشاندہی کر دی گئی

وزن کو کنٹرول کرنے کیلئے زیتون کا تیل انتہائی موثر ہے،ڈاکٹر محمد احمد سندھو

وزن کو کنٹرول کرنے کیلئے زیتون کا تیل انتہائی موثر ہے،ڈاکٹر محمد احمد سندھو

برطانیہ ،چھینک روکنے کی کوشش پرنوجوان کی سانس کی نالی پھٹ گئی

برطانیہ ،چھینک روکنے کی کوشش پرنوجوان کی سانس کی نالی پھٹ گئی