بند کریں
صحت صحت کی خبریںاس سال ڈینگی کو سر اٹھانے سے قبل کچل دیا جائے‘ پرویز ملک
نجی اور سرکاری تعلیمی اداروں کو ..

صحت خبریں

وقت اشاعت: 10/04/2015 - 19:55:47 وقت اشاعت: 10/04/2015 - 19:51:48 وقت اشاعت: 10/04/2015 - 19:09:19 وقت اشاعت: 10/04/2015 - 18:56:47 وقت اشاعت: 10/04/2015 - 18:50:09 وقت اشاعت: 10/04/2015 - 18:48:09 وقت اشاعت: 10/04/2015 - 18:48:09 وقت اشاعت: 10/04/2015 - 16:47:55 وقت اشاعت: 10/04/2015 - 10:59:28 وقت اشاعت: 10/04/2015 - 10:57:56 وقت اشاعت: 09/04/2015 - 22:45:46

اس سال ڈینگی کو سر اٹھانے سے قبل کچل دیا جائے‘ پرویز ملک

نجی اور سرکاری تعلیمی اداروں کو ڈینگی حفاظتی اقدامات کے لئے ایک ہفتہ کی مہلت

لاہور ( اُردو پوائنٹ اخبار تازہ ترین۔10 اپریل۔2015ء)ایم این اے و چیئرمین ایمرجنسی رسپانس کمیٹی پرویزملک کی سربراہی میں شالیمار ٹاؤن میں ڈینگی تدارک کے سلسلہ میں منعقدہ اجلاس میں فیصلہ کیا گیا ہے کہ ٹاؤن میں واقع تمام سرکاری دفاتر کے افسران اور اہلکاران اپنے اپنے دفاتر کے سٹور، چھتوں، باتھ رومز اور نصب واٹر کولرکے گرد و نواح میں اس بات کو یقینی بنائیں کہ کسی جگہ ڈینگی لاروا کی پیدائش ممکن نہ ہو سکے۔

انہوں نے کہا کہ ٹاؤن میں واقع تمام سرکاری و نجی تعلیمی اداروں کو ایک ہفتے کی وارننگ جاری کی جائے وہ ڈینگی سے بچاؤ کے انتظامات اور اقدامات کو حتمی شکل دینے کی رپورٹ پیش کریں ۔ بعد ازاں مانیٹرنگ ٹیمیں کسی بھی وقت اچانک معائنہ کریں گی ۔ اگر کہیں بھی ڈینگی لاروا برآمد ہوا تو اس سکول مالک کے خلاف سخت ترین کارروائی عمل میں لائی جائے گی۔

انہوں نے ہدایت کی کہ اس مرتبہ ڈینگی کو سر اٹھانے سے قبل ہی کچل دیا جائے ۔اس کے لئے ضروری ہے کہ عوام مقررہ ٹیموں کے ساتھ مکمل تعاون کریں۔ اجلاس میں بتایا گیا کہ گزشتہ ہفتے سپیشل سرویلنس کے دوران سات قبرستان ، 92 کباڑ خانے ، 83 ٹائر ورکشاپس اور 7 نرسریوں کی چیکنگ کی گئی۔ایم این اے پرویز ملک نے کہا کہ انسداد ڈینگی مہم میں تعاون نہ کرنے والے سرکاری و نجی تعلیمی ادارے یا دکانداروں کے ساتھ کوئی رعایت نہ برتی جائے۔اجلاس میں ایم پی اے چوہدری شہباز، باؤ اختر ، ملک وحید ، اے سی شالیمار ٹاؤن ارشد بھٹی ، ٹی ایم او ملک طارق کے علاوہ محکمہ صحت ، تعلیم، ماحولیات اور دیگر متعلقہ محکموں کے سربراہان نے شرکت کی ۔

10/04/2015 - 18:48:09 :وقت اشاعت