- Home
- Health
- Health News
- وزیر اعلی نے ڈسٹرکٹ و تحصیل ہسپتالوں میں سپیشلسٹ ڈاکٹرز کے خصوصی پے پیکیج کیلئے 2 ارب روپے کی ..
وزیر اعلی نے ڈسٹرکٹ و تحصیل ہسپتالوں میں سپیشلسٹ ڈاکٹرز کے خصوصی پے پیکیج کیلئے 2 ارب روپے کی منظوری دے دی
محکمہ صحت سندھ کے 14رکنی وفد کی مشیر صحت پنجاب سے ملاقات ،ہیلتھ انشورنس سسٹم رواں سال ہی کام شروع کر دیگا‘وفد کو بریفنگ
منگل 14 اپریل 2015 20:24
لاہور ( اُردو پوائنٹ اخبار تازہ ترین۔14 اپریل۔2015ء) پنجاب کے ہیلتھ کیئر ڈلیوری سسٹم کو اپ گریڈ کرنے اور عوام کو بہتر سے بہتر طبی سہولیات کی فراہمی کے لئے چیف منسٹر ہیلتھ روڈ میپ پر عملدرآمد شروع کر دیا گیا اور وزیر اعلی محمد شہباز شریف نے ڈسٹرکٹ و تحصیل ہیڈ کوارٹرز ہسپتالوں میں سپیشلسٹ ڈاکٹرز کے خصوصی پے پیکیج کے لئے 2 ارب روپے جبکہ مذکورہ ہسپتالوں کے انفراسٹرکچر کی رینوویشن کے لئے ڈیڑھ ارب روپے کے فنڈز فراہم کئے ہیں،خواجہ سلمان رفیق نے کہا کہ بنیادی مراکز صحت آباد کرنے کے لئے ڈاکٹروں کی عمر میں رعایت دینے کی تجویز زیر غور ہے ۔
انہوں نے یہ بات ڈائریکٹوریٹ جنرل ہیلتھ پنجاب کے کمیٹی روم میں محکمہ صحت سندھ کے افسران کے 14 رکنی وفد سے گفتگو کرتے ہوئے کہی جس نے سپیشل سیکرٹری ہیلتھ سندھ ڈاکٹر خالد حسین شیخ کے ہمراہ مشیر صحت سے ملاقات کی۔(جاری ہے)
وفد میں ڈائریکٹر جنرل ہیلتھ سندھ ڈاکٹر حسن مراد شاہ بھی شامل تھے۔ اس موقع پر ڈائریکٹر جنرل ہیلتھ پنجاب ڈاکٹر زاہد پرویز کے علاوہ محکمہ صحت کے سینئر افسران اور ہیلتھ سپیشلسٹ ڈاکٹر نعیم الدین میاں بھی موجود تھے۔
خواجہ سلمان رفیق نے وفد کو پنجاب کے ہیلتھ کیئر ڈلیوری سسٹم میں اصلاحات اور پرائمری و سیکنڈری ہیلتھ کی اپ گریڈیشن کے لئے کئے گئے اقدامات بارے بریفنگ دی۔ خواجہ سلمان رفیق نے بتایا کہ پنجاب میں ای ڈی اوز ہیلتھ اور ہسپتالوں کے میڈیکل سپرنٹنڈنٹس کی تقرری کے لئے غیر جانبدار سرچ کمیٹی تشکیل دی گئی ہے اور مذکورہ عہدوں پر تقرری کے لئے کسی قسم کا سیاسی دباؤ قبول نہیں کیا جاتا۔ خواجہ سلمان رفیق نے بتایا کہ تحصیل و ڈسٹرکٹ ہیڈ کوارٹرز ہسپتالوں میں سپیشلسٹ ڈاکٹرز کی تعیناتی کے لئے خصوصی پے پیکج کی منظوری دے دی گئی ہے اور مذکورہ ڈاکٹرز کو موجودہ تنخواہ سے ڈیڑھ سے دو گنا زیادہ تنخواہ دی جائے گی۔ ڈائریکٹر جنرل ہیلتھ ڈاکٹر زاہد پرویز نے بتایا کہ تحصیل ہسپتال کے لئے 247 اور ڈسٹرکٹ ہسپتالوں کے لئے268 ادویات کی فہرست مرتب کی گئی ہے اور تمام ادویات کی دستیابی کو یقینی بنایا جائے گا۔خواجہ سلمان رفیق نے بتایا کہ پنجاب میں محکمہ صحت کے افسران کی کارکردگی جانچنے کے لئے( کی پرفارمنس انڈیکیٹرز )متعارف کرا دیئے گئے ہیں اور بہترین کارکردگی پر وزیر اعلی ای ڈی او ہیلتھ کو 50 ہزار روپے نقد انعام دیتے ہیں جبکہ غیر تسلی بخش کارکردگی پر افسران کی سخت جوابدہی کی جاتی ہے ۔ خواجہ سلمان رفیق نے وفد کو بتایا کہ پنجاب کے 4 اضلاع میں ہیلتھ انشورنس سکیم رواں سال ہی متعارف کرا دی جائے گی۔خواجہ سلمان رفیق نے کہا کہ لیڈی ہیلتھ ورکرز پروگرام ، مدر اینڈ چائلڈ ہیلتھ پروگرام اور نیوٹریشن پروگرام کو مربوط کر کے ایک آئی آر ایم این سی ایچ پروگرام شروع کر دیا گیا ہے تا کہ کام کی ڈپلیکیشن سے بچا جا سکے اور افرادی و مالی وسائل کا بہتر سے بہتر استعمال ممکن بنایا جا سکے ۔ محکمہ صحت سندھ کے وفد کے ارکان نے صوبے کی ترقی خصوصا ہیلتھ سیکٹر ریفارمز کے سلسلہ میں کئے جانے والے اقدامات اور چیف منسٹر ہیلتھ روڈ میپ کے تحت سیکنڈری و پرائمری ہیلتھ کیئر کی اپ گریڈیشن کے اقدامات پر حکومت پنجاب اور وزیر اعلی محمد شہباز شریف کی کاوشوں اور ان تھک محنت کو سراہتے ہوئے محمد شہباز شریف کو ایک انتہائی متحرک وزیر اعلی قرار دیا۔Browse Latest Health News in Urdu
ڈریپ نے معدے کے علاج کی دوا کا ایک بیچ غیر معیاری قرار دے دیا
ڈاؤ یونیورسٹی نے کتے کے کاٹے کی ویکسین اینٹی ریبیز ویکسین" ڈاؤ ریب" تیار کرلی
پاکستان میں مقامی طور پر انسولین کی پیداوار شروع کرنے کا مطالبہ
موٹاپے کے سبب کم عمر لڑکیوں میں جوڑوں کی تکلیف کا انکشاف
سائنسدانوں نے پاکستان میں کوویڈ-19 کے انفیکشن سے کم نقصانات ہونےکی وجوہات ظاہرکردیں
پاکستان میں پہلی بارایک جگر کی دو مریضوں میں پیوندکاری اورلبلبے کی ٹرانسپلانٹ کا کامیاب تجربہ
6 گھنٹے سے کم کی نیند ذیا بیطس کے اضافی خطرات کا سبب قرار
ہومیو پیتھک طریقہ علاج سے ہزاروں مریض بغیر آپریشن کے شفا یاب ہو رہے ہیں ، صدرڈاکٹرخادم حسین کھیڑا
’’ پنز‘‘مفت ادویات کی فراہمی میں صوبے کے سرکاری ہسپتالوں میں پہلے نمبر پرآگیا
ہارٹ اٹیک کے مریضوں کیلئے پہلا گھنٹہ انتہائی اہم ہوتا ہے،بروقت علاج سے زندگی بچائی جاسکتی ہیں، ایم ..
میو ہسپتال میں گردوں کی پتھریوں کیلئے جدید طریقہ علاج پی سی این ایل اپنا لیا گیا
دوگھنٹے سے زیادہ سمارٹ فون اور ڈیوائسزکا استعمال آپ کو توجہ کی کمی‘ جینیاتی عارضے اور مسلسل ذہنی خلفشار ..
سول ہسپتال میں جدید طبی سہولیات کی فراہمی کا عزم، ڈی سی جہلم نے جدید ترین آپریشن تھیٹر کا افتتاح کر دیا
پنجاب میں 24 گھنٹوں کے دوران نمونیا سے مزید 5 بچے دم توڑ گئے
پاکستان میں ایک کروڑستر لاکھ سے زائد لوگ گردوں کے امراض میں مبتلا ہیں
سرکاری ہسپتالوں میں سی ٹی سکین سروسزکی آؤٹ سورسنگ کے معاہدے پردستخط
2050 تک ذیابیطس کے مریضوں کی تعداد ایک ارب 30 کروڑتک پہنچ سکتی ہے
پاکستان بھر میں آج کل لوگوں کے بیمار ہونے کا سبب بننے والے مرض کی نشاندہی کر دی گئی
وزن کو کنٹرول کرنے کیلئے زیتون کا تیل انتہائی موثر ہے،ڈاکٹر محمد احمد سندھو
برطانیہ ،چھینک روکنے کی کوشش پرنوجوان کی سانس کی نالی پھٹ گئی
30 سال میں امراض قلب سے اموات 60 فیصد بڑھ گئیں
شادی کے بعد ہائی بلڈ پریشر کا خطرہ بڑھ جاتا ہے، تحقیق
24 گھنٹے کے دوران صوبے بھر میں 64نئے مریضوں میں ڈینگی کی تصدیق
کراچی ٹائون پلاننگ سے محروم ملک کا سب سے بڑا شہر