بند کریں
صحت صحت کی خبریں انجینئر امیر مقام نے ریڈنگ ہسپتال میں مریضوں کی عیادت کی
طوفان بادوباران کے دوران تباہ حال ..

صحت خبریں

وقت اشاعت: 28/04/2015 - 18:32:33 وقت اشاعت: 28/04/2015 - 18:19:00 وقت اشاعت: 28/04/2015 - 18:08:51 وقت اشاعت: 28/04/2015 - 18:06:48 وقت اشاعت: 28/04/2015 - 17:52:42 وقت اشاعت: 28/04/2015 - 17:50:34 وقت اشاعت: 28/04/2015 - 17:44:44 وقت اشاعت: 28/04/2015 - 17:35:18 وقت اشاعت: 28/04/2015 - 17:23:32 وقت اشاعت: 28/04/2015 - 17:07:57 وقت اشاعت: 28/04/2015 - 17:07:57

انجینئر امیر مقام نے ریڈنگ ہسپتال میں مریضوں کی عیادت کی

طوفان بادوباران کے دوران تباہ حال بجلی کی لائینوں کی مرمت اور بحالی کے کاموں کا جائزہ لیا

پشاور (اُردو پوائنٹ اخبار تازہ ترین۔ 28اپریل۔2015ء) وزیر اعظم کے مشیر انجینئر امیر مقام نے پشاور میں مصروف دن گزارا ، پہلے لیڈی ریڈنگ ہسپتال پشاور میں مریضوں کی عیادت کی ،بعد ازاں پشاور میں گزشتہ روز کے طوفان باد و باران میں جاں بحق ہونے والے خاندانوں سے اظہار ہمدری کرنے اور فاتحہ خوانی کرنے ان گھر گئے ،طوفان بادوباران کے دوران تباہ حال بجلی کی لائینوں کی مرمت اور بحالی کے کاموں کا خود جائزہ لیتے رہے ،اور بعد ازاں پیسکو ہیڈ کوارٹر میں ایک اعلیٰ سطحی اجلاس کی صدارت کی ،جس میں انہیں پشاور میں ہونے والی حالیہ بارشوں کے دوران ہونے والی تباہ کاریوں کے سلسلے میں ہونے والے نقصانات اور بحالی کے کاموں کے سلسلے میں تفصیلی بتا گیا ،انجینئر امیر مقام نے پیسکو حکام کو ہدایت کی کہ تمام لائینوں کی ہنگامی بنیادوں پر مرمت کی جائے اور ڈبل شفٹ میں کام کیا جائے تاکہ بجلی کی جلد ازجلد فراہمی یقینی بنائی جاسکے ،لیڈی ریڈنگ ہسپتال پشاور میں زخمیوں کی عیادت کے بعد صحافیوں سے بات چیت کرتے ہوئے انہوں نے کہا کہ مشکل کی اس گھڑی میں ہمیں سیات سے بالا تر ہوکر عوام کو ریلیف کی فراہمی کے جذبے کے تحت کام کرنا ہوگا ،انہوں نے کہا کہ وزیر اعظم نے اس قدرتی سانحے میں جانبحق ہونے والے کیلئے 5لاکھ روپے اور زخمیوں کیلئے فی کس پچاس ہزار روپے امداد کا اعلان کیا ہے جو بہت جلد ان کو ادا کردی جائے گی ، انہوں نے کہا کہ جن لیڈروں نے مشکل کی اس گھڑی میں پشاور کے عوام کی خیریت دریافت کی اور زخمیوں کی تیمارداری کی میں ان سب کا مشکور ہوں ،اس موقع پر پاکستان مسلم لیگ (ن) ضلع پشاور کی تمام لیڈر شپ ، بجلی اور گیس کے محکموں کے اعلیٰ حکام بھی ان کے ہمراہ موجود تھے ۔

28/04/2015 - 17:50:34 :وقت اشاعت