”معذرت! یہ ہسپتال عرب مریضوں کے لیے نہیں!“

ایرانی مسیحا بھی عرب وعجم کی روایتی نفرت کاعلم بردار بن گیا

بدھ 29 اپریل 2015 11:58

”معذرت! یہ ہسپتال عرب مریضوں کے لیے نہیں!“

دبئی( اُردو پوائنٹ اخبار تازہ ترین۔ 29اپریل۔2015ء )’ڈاکٹر سب کے سانجھے ہوتے ہیں‘ کی کہاوت اس لیے مشہور ہے کیونکہ مسیحائی کا فریضہ انجام دینے والے رنگ ونسل اور مذہب و ملت کی قید سے آزاد ہو کر صرف انسانیت اور جذبہ خدمت خلق سے سرشار ہوتے ہیں۔ مگر ایران میں ایک ماہر امراض چشم شاید دنیا کے ان معدودے چند ایسے معالجین میں سے ایک ہیں جو انسانوں میں ’اپنوں‘ اور ’پرایوں‘ کے فرق کو مد نظر رکھ کران کا علاج کرتے ہیں۔

موصوف کے کلینک پر لگے بوڈز سے صاف دکھائی دیتا ہے وہ ایک مسیحا نہیں بلکہ عرب وعجم کی روایتی نفرت کے علم بردار ہیں کیونکہ انہوں نے کلینک کے بورڈ پر نمایاں کرکے یہ لکھ رکھا ہے کہ ”معذرت! عرب مریض تکلیف نہ کریں یہاں ان کا علاج نہیں ہوتا“۔

(جاری ہے)

ایران کے منفرد ڈاکٹرکا مختصر احوال العربیہ ڈاٹ نیٹ نے بھی اپنی ایک رپورٹ میں بیان کیا ہے۔ موصوف کہنے کو ماہرامراض چشم ہیں مگروہ تمام مریضوں کو ایک نظر سے دیکھنے کے بجائے عرب وعجم کے بکھیڑوں میں پڑے ہوئے ہیں۔

ان کا کلینک مغربی ایران کے کرمان شاہ شہر میں واقع ہے۔ اپنی کلینک کے داخلی دروازے پراْنہوں نے ایک بورڈ آویزاں کر رکھا ہے جس فارسی کے معروف شاعر ابو القاسم فردوسی کے اشعاربھی تحریر ہیں۔ فارسی دیوان ”شاہ نامہ“ کے شاعر فردوسی کا وہ شعربھی اس بورڈ کی زینت بنایا گیا ہے جس میں اس نے کہا تھا کہ”اونٹنی کا دودھ اور گو کا گوشت کھانے کا کلچر عربوں سے ایران میں پہنچا کیونکہ عرب اس ذریعے سے ایرانی بادشاہ کا تاج حاصل کرنا چاہتے تھے“۔

اسی بورڈ پر عرب دشمنی کے اسیر نے اخمینی بادشاہ ”قوروش (529 تا 560 قبل مسیح) کی شبیہ کی ایک تصویر بھی بنائی ہے اور اس کے پس منظر میں بنائے گئے نقشے میں ”خلیج فارس“ لکھا گیا ہے۔ اس کے بائیں جانب ایک عرب شہری کو اپنی اونٹنی کے ہمراہ دکھایا گیا ہے۔ اس عرب شہری کے ہاتھ میں گالف کی اسٹک ہے اور اس پر”اریبین گلف“ (Arabian Gulf) کے بجائے Arabian Golf لکھا گیا ہے۔

چونکہ ایران کے صوبہ اہوازمیں عربی بولنے والوں کی اکثریت ہے۔ یہی وجہ ہے کہ ایرانی ڈاکٹر کی اس انوکھی حرکت پرسب سے زیادہ رد عمل بھی انہیں کی جانب سے سامنے آیا ہے۔سماجی رابطے کی ویب سائیٹ ”فیس بک“ کیایک پبلک فیگرصفحے ”لیالی الاھواز“ کے 11ہزار سیزاید ممبر ہیں اوراْنہوں نے ایرانی ڈاکٹرکے اس طرزعمل کی شدید مذمت کی ہے۔ بعض نے اسے نسل پرستانہ سوچ کا مظہر قراردیا۔

ایک صارف نے لکھا کہ”دیکھیے! ہم بھی کس طرح کے لوگوں کے درمیان رہتے ہیں؟“۔ ایک دوسرے عرب اھوازی کا کہنا ہے کہ ”یہ ایران کی عربوں سے نفرت کا اظہار ہے“۔ایک ایرانی بلاگر نے اسے جعلی تصویر اور پروپیگنڈہ قراردیا ہے جب کہ ایک دوسرے شخص نے اس کے جواب میں اسپتال کا مکمل ایڈریس اور اس کا فون نمبرتک سب کچھ پوسٹ کیا ہے اور بتایا ہے کہ یہ فوٹوشاپ کا کمال نہیں بلکہ سچ مچ میں ڈاکٹر’صاحب‘ کا اسپتال ہے۔

ایرانی ادب بھی اہل عرب سے نفرت پرمبنی مواد سے بھرا پڑا ہے۔ 29 مارچ 2011ء کو ایرانی میڈیا میں مصطفیٰ بادکوبہ ای نامی ایک شاعر کی طویل نظم شائع ہوئی۔”عربوں کا خدا“ کیعنوان سے لکھی گئی اس نظم میں شاعرکا کہنا ہے کہ وہ اس جنت میں بھی نہیں جائیں گے جس میں عرب ہوں گے۔ شاعر کے اس انداز بیان پربھی ایران کے اھوازی عرب باشندوں کی جانب سے سخت رد عمل سامنے آیا تھا

Browse Latest Health News in Urdu

ہومیو پیتھک طریقہ علاج  سے ہزاروں مریض بغیر آپریشن کے شفا یاب ہو رہے ہیں ، صدرڈاکٹرخادم حسین کھیڑا

ہومیو پیتھک طریقہ علاج سے ہزاروں مریض بغیر آپریشن کے شفا یاب ہو رہے ہیں ، صدرڈاکٹرخادم حسین کھیڑا

’’ پنز‘‘مفت ادویات کی فراہمی میں صوبے کے سرکاری ہسپتالوں میں پہلے نمبر پرآگیا

’’ پنز‘‘مفت ادویات کی فراہمی میں صوبے کے سرکاری ہسپتالوں میں پہلے نمبر پرآگیا

ہارٹ اٹیک کے مریضوں کیلئے پہلا گھنٹہ انتہائی اہم ہوتا ہے،بروقت علاج سے  زندگی بچائی جاسکتی ہیں، ایم ..

ہارٹ اٹیک کے مریضوں کیلئے پہلا گھنٹہ انتہائی اہم ہوتا ہے،بروقت علاج سے زندگی بچائی جاسکتی ہیں، ایم ..

میو ہسپتال میں گردوں کی پتھریوں کیلئے جدید طریقہ علاج پی سی این ایل اپنا لیا گیا

میو ہسپتال میں گردوں کی پتھریوں کیلئے جدید طریقہ علاج پی سی این ایل اپنا لیا گیا

دوگھنٹے سے زیادہ سمارٹ فون اور ڈیوائسزکا استعمال آپ کو توجہ کی کمی‘ جینیاتی عارضے اور مسلسل ذہنی خلفشار ..

دوگھنٹے سے زیادہ سمارٹ فون اور ڈیوائسزکا استعمال آپ کو توجہ کی کمی‘ جینیاتی عارضے اور مسلسل ذہنی خلفشار ..

سول ہسپتال میں جدید طبی سہولیات کی فراہمی کا عزم، ڈی سی جہلم نے جدید ترین آپریشن تھیٹر کا افتتاح کر دیا

سول ہسپتال میں جدید طبی سہولیات کی فراہمی کا عزم، ڈی سی جہلم نے جدید ترین آپریشن تھیٹر کا افتتاح کر دیا

پنجاب میں 24 گھنٹوں کے دوران نمونیا سے مزید 5 بچے دم توڑ گئے

پنجاب میں 24 گھنٹوں کے دوران نمونیا سے مزید 5 بچے دم توڑ گئے

پاکستان میں ایک کروڑستر لاکھ سے زائد لوگ گردوں کے امراض میں مبتلا ہیں

پاکستان میں ایک کروڑستر لاکھ سے زائد لوگ گردوں کے امراض میں مبتلا ہیں

سرکاری ہسپتالوں میں سی ٹی سکین سروسزکی آؤٹ سورسنگ کے معاہدے پردستخط

سرکاری ہسپتالوں میں سی ٹی سکین سروسزکی آؤٹ سورسنگ کے معاہدے پردستخط

2050 تک ذیابیطس کے مریضوں کی تعداد ایک ارب 30 کروڑتک پہنچ سکتی ہے

2050 تک ذیابیطس کے مریضوں کی تعداد ایک ارب 30 کروڑتک پہنچ سکتی ہے

پاکستان بھر میں آج کل لوگوں کے بیمار ہونے کا سبب بننے والے مرض کی نشاندہی کر دی گئی

پاکستان بھر میں آج کل لوگوں کے بیمار ہونے کا سبب بننے والے مرض کی نشاندہی کر دی گئی

وزن کو کنٹرول کرنے کیلئے زیتون کا تیل انتہائی موثر ہے،ڈاکٹر محمد احمد سندھو

وزن کو کنٹرول کرنے کیلئے زیتون کا تیل انتہائی موثر ہے،ڈاکٹر محمد احمد سندھو