سجاول ،محکمہ صحت میں جبری تبادلے کے خلاف آپکا اور پیرامیڈیکلکا احتجاج

سجاول(اُردو پوائنٹ اخبار تازہ ترین۔ 05 مئی۔2015ء) سجاول میں محکمہ صحت میں جبری تبادلے کے خلاف آپکا اور پیرامیڈیکل کی جانب سے احتجاج کیاگیا، تعلقہ اسپتال سجاول اور ڈی ایچ او آفس کے باہر سجاول اور ٹھٹھہ اضلاع کے پیرامیڈیکل اسٹاف اور آپکا کے سینکڑوں ملازمین نے سینئر کلرک انور پٹھان کے جبری طور مٹھی تبادلے کے خلاف احتجاج کیا، مظاہرین رہنماؤں عبدالکریم بھان، عزیزمیمن، نصیب اللہ اور دیگرکا کہناتھاکہ تبادلہ سیاسی بنیادوں پر کیاگیاہے جس کے خلاف احتجاج کیاجائیگا، انہوں نے فوری طور تبادلے کو روکنے کا مطالبہ کیا، بعدازاں ڈی ایچ او سے مذاکرات کے بعد احتجاج ایک روز کے لئے موخرکردیاگیا، اس ضمن میں منگل کو ڈی سی سجاول، ڈی ایچ او سجاول، پی پی رہنماؤں ریحانہ لغاری، الطاف خواجہ کے ساتھ آپکا اور پیرامیڈیکل کے رہنما ملاقات کریں گے ، احتجاج کرنے والے رہنماؤں کا کہناہے کہ پی پی رہنماؤں نے مخالف شیرازی گروپ کے سابق ضلعی ناظم کی گاؤں میں دعوت کرنے پر یہ تبادلہ کرایاہے ،جس پر احتجاج کیاجارہاہے

Your Thoughts and Comments