بند کریں
صحت صحت کی خبریںشان رسالت کے خلاف کسی قسم کی توہین برداشت نہیں کریں گے‘عالمی مجلس تحفظ ختم نبوت
امریکہ نے ..

صحت خبریں

وقت اشاعت: 08/05/2015 - 19:56:47 وقت اشاعت: 08/05/2015 - 19:47:11 وقت اشاعت: 08/05/2015 - 19:42:03 وقت اشاعت: 08/05/2015 - 19:21:49 وقت اشاعت: 08/05/2015 - 18:32:33 وقت اشاعت: 08/05/2015 - 18:23:10 وقت اشاعت: 08/05/2015 - 17:57:12 وقت اشاعت: 08/05/2015 - 17:56:23 وقت اشاعت: 08/05/2015 - 17:54:09 وقت اشاعت: 08/05/2015 - 17:54:09 وقت اشاعت: 08/05/2015 - 17:43:55

شان رسالت کے خلاف کسی قسم کی توہین برداشت نہیں کریں گے‘عالمی مجلس تحفظ ختم نبوت

امریکہ نے نبی کریم ﷺ کے خاکیوں کی نمائش کرکے دنیا بھرکے مسلمانوں کی دل آزاری کی ہے ‘رہنماؤں کا جمعہ کے اجتماع سے خطبات

لاہور(اُردو پوائنٹ اخبار تازہ ترین۔ 08 مئی۔2015ء ) عالمی مجلس تحفظ ختم نبوت مرکزی رہنما مولانا عزیزالرحمن ثانی ،مولانا سید ضیاء الحسن شاہ،مولانا قاری علیم الدین ،مولانا محبوب الحسن طاہر،مولانا عمرحیات ،مولانا عبدالنعیم،مولانا خالد محمود ،مولانا مسرورحسن ضیا ودیگر علماء نے خطبات جمعہ میں تحفظ ناموس رسالت کے موضوع پر خطاب کرتے ہوئے کہا کہ شان رسالت کیخلاف کسی قسم کی توہین برداشت نہیں کریں گے۔

امریکی نجی کمپنی نے گستاخانہ خاکے شائع کر کے پوری دنیاکے ایک ارب سے زائد مسلمانوں کی دل آزاری کی ،گستاخانہ خاکوں کیخلاف اسلامی دنیا کو متحد ہوکر میدان میں آنا ہوگا۔حضوراقدس ﷺ کی شان میں گستاخی کو اظہار رائے کی آزادی کا نام دے کرگستاخی کی اجازت نہیں دی جاسکتی۔ کفارنے گستاخانہ خاکوں کی نمائش کر کے اپنے خبث باطن کا اظہار کیا ہے ،حکومت گستاخانہ خاکوں کا مسئلہ عالمی سطح پر اٹھاتے ہوئے اسلامیان پاکستان کے جذبات کی ترجمانی کرے۔

علماء کرام نے شہداء ناموس رسالت کو بھرپور انداز میں خراج عقیدت پیش کرتے ہوئے کہا امریکہ میں گستاخانہ نمائش کو روکنے والے شہداء نے ملت اسلامیہ کا سر فخرسے بلند کیا انکی اس لازوال قربانی کو ہمیشہ سنہری حروف سے لکھا جائے گا۔ علماء نے کہا کہ تمام انبیاء کرام کا ادب احترام کرنا یہ تمام مسلمانوں کا بنیادی عقیدہ اور نظریہ ہے ،مسلمان کسی بھی نبی کی شان میں گستاخی کا تصور بھی نہیں کرسکتااور نہ ہی توہین رسالت کو برداشت کرسکتا ہے ۔

انہوں نے کہا کہ اقوام متحدہ انبیاء کرام کی ناموس کا قانون بنائے ،توہین آمیز خاکوں کے مسئلے پر اقوام متحدہ کی خاموشی لمحہ فکریہ ہے۔دنیا میں امن وسلامتی پیغمبر اسلام ﷺ کی عزت وناموس کے ساتھ مشروط ہے،محسن انسانیت ﷺ کی شان میں گستاخی کرنے والے پوری انسانیت کے مجرم اور عالمی امن کے بدترین دشمن ہیں ۔

08/05/2015 - 18:23:10 :وقت اشاعت