بند کریں
صحت صحت کی خبریںموجوہ استحصالی نظام کے خاتمہ کیلئے غریب، متوسط طبقات کے عوام کو ایوانوں میں پہنچنا ہوگا، ..

صحت خبریں

وقت اشاعت: 15/05/2015 - 17:01:51 وقت اشاعت: 15/05/2015 - 16:40:30 وقت اشاعت: 15/05/2015 - 16:23:45 وقت اشاعت: 15/05/2015 - 16:16:08 وقت اشاعت: 15/05/2015 - 15:36:02 وقت اشاعت: 15/05/2015 - 14:47:33 وقت اشاعت: 15/05/2015 - 14:16:40 وقت اشاعت: 15/05/2015 - 13:06:06 وقت اشاعت: 15/05/2015 - 12:56:11 وقت اشاعت: 15/05/2015 - 12:55:25 وقت اشاعت: 15/05/2015 - 12:42:02

موجوہ استحصالی نظام کے خاتمہ کیلئے غریب، متوسط طبقات کے عوام کو ایوانوں میں پہنچنا ہوگا، محمد طاہر کھوکھر

مظفر آباد (اُردو پوائنٹ اخبار تازہ ترین۔ 15 مئی۔2015ء)ایم کیو ایم آزادکشمیر کے پارلیمانی لیڈر ‘جوائنٹ انچارج صوبائی تنظیمی کمیٹی محمد طاہرکھوکھر نے کہا ہے موجودہ استحصالی نظام کے خاتمہ کیلئے غریب اورمتوسط طبقات کے عوام کو ایوانوں میں پہنچنا ہو گا تاکہ وہ اپنے حقوق کا دفاع اور مسائل خود حل کرسکیں ‘ 10 فیصد مراعات یافتہ طبقہ ‘ بیوروکریسی ‘ وڈیرے ‘ صنعت کار ‘ جاگیردار 90 فیصد غریب اور متوسط طبقات کے مسائل کا ادراک رکھتے اور نہ ہی انہیں حل کرنا چاہتے ہیں مراعات یافتہ طبقات غریبوں کاخون چوسنے کے ایجنڈا پر بلاتخصیص رنگ و نسل‘ قوم‘ سیاسی وابستگی اکھٹے اور متحد ہیں اس لئے ان کے مقابلہ اور اپنے غصب شدہ حقوق کے حصول کیلئے غریب اور متوسط طبقات کے عوام کو بھی ایک جھنڈے تلے متحد ہو کر اپنی صفوں سے اپنی نمائندے ایوانوں میں پہنچائیں اور ملک میں پرامن انقلاب برپا کریں تاکہ مساویانہ بنیادوں پر یہاں سب کو انصاف ملے ‘ امیر و غریب کیلئے دوہرے معیارختم ہوں ‘ غریب بھوکے نہ مریں اور ان کے بچے بھی اچھے تعلیمی اداروں میں تعلیم حاصل کریں ‘ انہیں علاج معالجہ کی سہولیات میسر ہوں۔

کارکنان و عوام کے مختلف وفود سے گفتگو کرتے ہوئے طاہرکھوکھر نے کہا کہ ایم کیو ایم کے قائد الطاف حسین ملک کے واحد لیڈر ہیں جنہوں نے سیاست کے نئے دریچے کھولے ، جمہوریت کو اس کی اصل روح کے مطابق متعارف کرایا اور سیاست کو انسانیت کی خدمت سے مربوط کیا‘ ایم کیوایم ملک بھر میں قومی یکجہتی اور اتحاد کو فروغ دیکر تمام قومیتوں کے درمیان پیار محبت پیدا کرکے نفرتوں کے خاتمے کیلئے جو عملی کردار ادا کررہی ہے اسے تاریخ میں سنہری الفاظ میں لکھاجائے گا ۔

انہوں نے کہاکہ الطاف حسین ملک میں رائج فرسودہ، ظالمانہ ، جاگیردارانہ اور طبقاتی نظام کے خاتمے اوربرابری پر مبنی منصفانہ نظام کے لئے جدوجہد کر رہے ہیں۔الطاف حسین نے اس ملک میں سیاست کو ایک نیا رخ دیا اور سیاست میں خدمت ِ انسانیت کے عمل کو متعارف کرایاجس کی مثال اس سے پیشتر نہیں ملتی، آزاد کشمیر کا زلزلہ ہو یا ایران کے شہر بام کا زلزلہ، ناگہانی آفات ہوں یا سیلاب کی تباہ کاریاں ہر جگہKKFکے رضاکار سب سے پہلے امداد لیکرپہنچتے ہیں‘ ہمیں قائد تحریک نے بلاتخصیص رنگ و نسل ‘ لسانیت ‘ فرقہ انسانیت کی خدمت کا درس دیاہے - انہو ں نے کہاکہ اب وقت آ گیا ہے کہ عوام اپنے حقوق کیلئے اٹھ کھڑے ہوں - ایم کیو ایم واحد سیاسی جماعت ہے جس نے عملی طور پر غریب عوام کے حقوق کی جدوجہد کی ہے اور متوسط و غریب طبقات سے تعلق رکھنے والے اپنے کارکنان کو اسمبلیوں تک پہنچایا جس کی بدولت قومی اسمبلی ہو ‘ سینٹ ہو یا صوبائی اسمبلی ‘ جاگیرداروں‘ وڈیروں اور صنعت کاروں کی اکثریت والے ایوانوں میں غریب و متوسط طبقات کے حقوق کیلئے آواز تو بلند کی جاتی ہے جس کا ماضی میں تصور تک نہیں تھا۔

انہوں نے کہاکہ عوام باشعور ہوچکے ہیں اور استحصالی نظام کے خاتمہ کاوقت قریب ہے۔

15/05/2015 - 14:47:33 :وقت اشاعت