بند کریں
صحت صحت کی خبریںکوآپریٹو سوسائٹیوں، تعلیمی اداروں و دیگر جگہوں پر شعور بیدار کرنے کے لیے سیمینارز، آگاہی ..

صحت خبریں

وقت اشاعت: 16/05/2015 - 19:04:25 وقت اشاعت: 16/05/2015 - 18:19:43 وقت اشاعت: 16/05/2015 - 18:16:05 وقت اشاعت: 16/05/2015 - 18:02:58 وقت اشاعت: 16/05/2015 - 17:52:20 وقت اشاعت: 16/05/2015 - 17:06:09 وقت اشاعت: 16/05/2015 - 16:33:06 وقت اشاعت: 16/05/2015 - 16:31:07 وقت اشاعت: 16/05/2015 - 16:27:57 وقت اشاعت: 16/05/2015 - 15:46:05 وقت اشاعت: 16/05/2015 - 15:30:52

کوآپریٹو سوسائٹیوں، تعلیمی اداروں و دیگر جگہوں پر شعور بیدار کرنے کے لیے سیمینارز، آگاہی واک کا انعقاد

صوبے کی تمام کوآپریٹو ہاؤ سوسائٹیوں کو الرٹ رہنے اور ڈینگی سرویلنس کی سرگرمیوں میں تیزی لانے کی ہدایت , صوبے میں نافذ اینٹی ڈینگی ریگولیشنز پر عملدرآمد کو یقینی بنایا جائے‘ سیکرٹری کوآپریٹو بابر حیات تارڑ کا سمینار سے خطاب

لاہور ( اُردو پوائنٹ اخبار تازہ ترین۔ 16 مئی۔2015ء )سیکرٹری کوآپریٹو بابر حیات تارڑنے محکمہ امداد باہمی کے زیر اہتمام ماڈل ٹاؤن سوسائٹی کے کمیونٹی ہال میں منعقدہ انسداد ڈینگی سیمینار سے خطاب کرتے ہوئے کہا کہ محکمہ کوآپریٹو نے صوبے کی تمام کوآپریٹو ہاؤ سوسائٹیوں کو الرٹ رہنے اور ڈینگی سرویلنس کی سرگرمیوں میں تیزی لانے کی ہدایت کردی گئی ہیں۔

درجہ حرارت میں اضافہ کے ساتھ ہی ڈینگی کی افزائش کا سیزن شروع ہوچکاہے تاہم صوبے میں ابھی تک کسی بھی کوآپریٹو ہاؤسنگ سوسائٹی میں ڈینگی کا کوئی کنفرم مریض رپورٹ نہیں ہواہے۔ انہوں نے بتایا کہٖ حکومت کی طرف سے ڈینگی ایکسپرٹ ایڈوائزری گروپ نے اب تک ڈینگی مریضوں کی کلینیکل مینجمنٹ میں 1000 ڈاکٹرز کو تربیت فراہم کردی ہے اور جنرل پریکٹشنرز کو ٹریننگ دی جارہی ہے۔

انہوں نے کہا کہ اس سوسائٹیوں کو واقع ٹائر شاپس، کباڑخانوں، قبرستانوں، تعمیراتی جگہوں ، نرسریوں اور دیگر مقامات پر ڈینگی سرویلنس کا آغاز کردیا گیا ہے جبکہ مساجد میں علماو اکرام کو جمعۃ المبارک کے خطبات کے دوران ڈینگی بارے آگاہی فراہم کرنے کے لیے بھی ہدایت کی گئی ہے۔ کوآپریٹو سوسائٹیوں، تعلیمی اداروں اور دیگر جگہوں پر عوامی شعور بیدار کرنے کے لیے سیمینارز، آگاہی واک منعقد کرنے کا سلسلہ بھی شروع کردیا گیا ہے اور پمفلٹس بھی تقسیم کئے جارہے ہیں اور صفائی اور ڈینگی کے حوالے سے ہوٹلوں اور ریسٹورنٹس کی مانیٹرنگ بھی کی جارہی ہے ۔

انہوں نے کوآپریٹو ہاؤسنگ سوسائٹیوں کے نمائندوں کوہدایت کی کہ آنے والے مہینوں میں ڈینگی کو قابو میں رکھنے کے لیے زیادہ محنت کے ساتھ انسداد ڈینگی کی سرگرمیوں پر توجہ دی جائے اور صوبے میں نافذ اینٹی ڈینگی ریگولیشنز پر عملدرآمد کو یقینی بنایا جائے۔ اس سیمینار میں رجسٹرار جاوید اقبال بخاری،ڈی جی ہیلتھ ڈاکٹر زاہد پرویز،ممبران صوبائی اسمبلی سیف الملوک اور میاں نصیر احمد نے شرکت کی۔بعدازاں ان شرکاء کی قیادت میں انسداد ڈینگی آگاہی واک کا بھی انعقاد کیا گیا۔

16/05/2015 - 17:06:09 :وقت اشاعت