- Home
- Health
- Health News
- لیاقت ہسپتال کراچی کی لیڈی ڈاکٹر کی سفاکی نے 9 ماہ کی حاملہ خاتون کو موت کی نیند سلاکر ہنستا بستا ..
لیاقت ہسپتال کراچی کی لیڈی ڈاکٹر کی سفاکی نے 9 ماہ کی حاملہ خاتون کو موت کی نیند سلاکر ہنستا بستا گھر اجاڑ دیا
جمعرات 9 جولائی 2015 06:24
کراچی(اردو پوائنٹ تازہ ترین اخبار. 9 جولائی 2015 ء) لیاقت ہسپتال کراچی کی لیڈی ڈاکٹر کی سفاکی نے 9 ماہ کی حاملہ خاتون کو موت کی نیند سلاکر ہنستا بستا گھر اجاڑ دیا۔ تفصیلات کے مطابق کراچی کی رہائشی حاملہ خاتون اور 4 بچوں کی ماں شائستہ عمر لیاقت ہسپتال کراچی کی لیڈی ڈاکٹر شہناز اکبر حسینی کی مجرمانہ غفلت کے باعث اپنی زندگی کی بازی ہار بیٹھیں۔
متاثرہ خاتون کے شوہر عمر الاسلام کی جانب سے بتایا گیا ہے کہ ان کی اہلیہ 9 ماہ سے حاملہ تھیں اور ان کی ڈیلیوری کیلئے لیاقت ہسپتال کراچی کی گائناکولوجسٹ شہناز حسینی سے وقت لیا گیا تھا۔ متاثرہ خاتون کو طے شدہ شیڈول کےمطابق 24 جون کو ڈیلیوری کیلئے ہسپتال لایا جانا تھا کہ ان کی طبیعت اچانک خراب ہوجانے کے باعث انہیں 21 جون کو لیاقت ہسپتال لے جایا گیا جہاں صبح 11 بجے کے قریب متاثرہ خاتون شائستہ عمر کو داخل کرلیا گیا۔(جاری ہے)
متاثرہ خاتون کے شوہر عمر الاسلام کا کہنا ہے کہ ان کی اہلیہ کی طبیعت مسلس بگڑ رہی تھی تاہم ایک جانب ڈاکٹر فرح کی جانب سے ان کی حالت کو غیرسنجیدگی سے لیا جارہا تھا جبکہ دوسری جانب ڈاکٹر شہناز اب تک ہسپتال نہیں پہنچی تھیں۔
اس دوران متاثرہ خاتون کے شوہر عمر الاسلام ہسپتال انتظامیہ سے مسلسل درخواست کرتے رہے کہ ان کی اہلیہ کی حالت ٹھیک نہیں لہذا کسی اور ڈاکٹر کو بلا لیا جائے تاہم ہسپتال انتظامیہ کی جانب سے یہ کہہ کر انکار کردیا گیا کہ یہ کیس ڈاکٹر شہناز ہی دیکھیں گی۔اس ساری صورتحال کے دوران متاثرہ خاتون کو ان کے اہل خانہ سے ملنے کی اجازت نہیں دی گئی۔ متاثرہ خاتون کے شوہر عمر الاسلام بتاتے ہیں کہ ڈاکٹر شہناز 10 گھنٹے کی تاخیر سے ہسپتال پہنچیں جب ان کی اہلیہ کا کیس پیچیدگی اختیار کرچکا تھا۔تاہم رات 9 بجے انہیں بیٹے کی پیدائش کی خبر دی گئی تاہم اس وقت بھی انہیں ان کی اہلیہ سے ملاقات کی اجازت نہیں دی گئی۔ بیٹے کی پیدائش کے آدھے گھنٹے بعد انہیں ڈاکٹر شہناز نے بلا کر بتایا کہ ان کی اہلیہ کی حالت ٹھیک نہ ہونے کے باعث انہیں 1 روز کیلئے ہسپتال میں ڈاکٹر کی نگرانی میں رکھا جائے گا تاہم انہیں گھبرانے کی ضرورت نہیں۔عمر الاسلام بتاتے ہیں کہ جب ان کی اہلیہ کو آپریشن تھیٹر سے آئی سی یو میں منتقل کیا جارہا تھا اس دوران 11 گھنٹے کے بعد ان کو ان کی اہلیہ کو دیکھنے کا موقع ملا تاہم اپنی اہلیہ کو دیکھتے ہی ان کے پاوَں تلے سے زمین نکل گئی کیونکہ ان کی اہلیہ کی حالت انتہائی ناساز تھی۔ عمر الاسلام بتاتے ہیں ان کی اہلیہ کو آئی سی یو میں منتقل کیے جانے کے 5 منٹ بعد ہی ڈاکٹر شہناز آپریشن تھیٹر سے باہر آئیں اور گھر کیلئے روانہ ہونے لگیں تاہم ان کے احتجاج پر ڈاکٹر شہناز کو آئی سی یو میں واپس لوٹنا پڑا۔
عمر بتاتے ہیں کہ جب وہ اپنی اہلیہ کو دیکھنے کیلئے آئی سی یو گئے تو وہاں کے مناظر نے ان کے ہوش اڑا دیے۔ ان کی اہلیہ کے چاروں جانب خون ہی خون تھا ، مناظر دیکھنے کے بعد وہ خود پر قابو نہ رکھ سکے اور وہاں موجود ڈاکٹرز پر چلانے لگے۔جب ہی ڈاکٹر شہناز نے انہیں بتایا کہ ان کی اہلیہ اب اس دنیا میں نہیں رہیں اور اس کے بعد ڈاکٹر شہناز فوری طور پر ہسپتال سے چلی گئیں۔ عمر الاسلام کا کہنا ہے کہ وہ ڈاکٹر شہناز، ڈاکٹر فرح اور ہسپتال کی انتظامیہ کو اپنی اہلیہ کی موت کا ذمہ دار سمجھتے ہیں کیونکہ 10 گھنٹے تک ڈاکٹرز کی جانب سے ان کی اہلیہ کی حالت میں بہتری لانے کیلئے کوئی اقدامات نہیں کیے گئے اور اسپتال انتظامیہ اور ڈاکٹرز کی مجرمانہ غفلت ان کی اہلیہ کی موت کا سبب بنی۔Browse Latest Health News in Urdu
ڈریپ نے معدے کے علاج کی دوا کا ایک بیچ غیر معیاری قرار دے دیا
ڈاؤ یونیورسٹی نے کتے کے کاٹے کی ویکسین اینٹی ریبیز ویکسین" ڈاؤ ریب" تیار کرلی
پاکستان میں مقامی طور پر انسولین کی پیداوار شروع کرنے کا مطالبہ
موٹاپے کے سبب کم عمر لڑکیوں میں جوڑوں کی تکلیف کا انکشاف
سائنسدانوں نے پاکستان میں کوویڈ-19 کے انفیکشن سے کم نقصانات ہونےکی وجوہات ظاہرکردیں
پاکستان میں پہلی بارایک جگر کی دو مریضوں میں پیوندکاری اورلبلبے کی ٹرانسپلانٹ کا کامیاب تجربہ
6 گھنٹے سے کم کی نیند ذیا بیطس کے اضافی خطرات کا سبب قرار
ہومیو پیتھک طریقہ علاج سے ہزاروں مریض بغیر آپریشن کے شفا یاب ہو رہے ہیں ، صدرڈاکٹرخادم حسین کھیڑا
’’ پنز‘‘مفت ادویات کی فراہمی میں صوبے کے سرکاری ہسپتالوں میں پہلے نمبر پرآگیا
ہارٹ اٹیک کے مریضوں کیلئے پہلا گھنٹہ انتہائی اہم ہوتا ہے،بروقت علاج سے زندگی بچائی جاسکتی ہیں، ایم ..
میو ہسپتال میں گردوں کی پتھریوں کیلئے جدید طریقہ علاج پی سی این ایل اپنا لیا گیا
دوگھنٹے سے زیادہ سمارٹ فون اور ڈیوائسزکا استعمال آپ کو توجہ کی کمی‘ جینیاتی عارضے اور مسلسل ذہنی خلفشار ..
سول ہسپتال میں جدید طبی سہولیات کی فراہمی کا عزم، ڈی سی جہلم نے جدید ترین آپریشن تھیٹر کا افتتاح کر دیا
پنجاب میں 24 گھنٹوں کے دوران نمونیا سے مزید 5 بچے دم توڑ گئے
پاکستان میں ایک کروڑستر لاکھ سے زائد لوگ گردوں کے امراض میں مبتلا ہیں
سرکاری ہسپتالوں میں سی ٹی سکین سروسزکی آؤٹ سورسنگ کے معاہدے پردستخط
2050 تک ذیابیطس کے مریضوں کی تعداد ایک ارب 30 کروڑتک پہنچ سکتی ہے
پاکستان بھر میں آج کل لوگوں کے بیمار ہونے کا سبب بننے والے مرض کی نشاندہی کر دی گئی
وزن کو کنٹرول کرنے کیلئے زیتون کا تیل انتہائی موثر ہے،ڈاکٹر محمد احمد سندھو
برطانیہ ،چھینک روکنے کی کوشش پرنوجوان کی سانس کی نالی پھٹ گئی
30 سال میں امراض قلب سے اموات 60 فیصد بڑھ گئیں
شادی کے بعد ہائی بلڈ پریشر کا خطرہ بڑھ جاتا ہے، تحقیق
24 گھنٹے کے دوران صوبے بھر میں 64نئے مریضوں میں ڈینگی کی تصدیق
کراچی ٹائون پلاننگ سے محروم ملک کا سب سے بڑا شہر