بند کریں
صحت صحت کی خبریںناک سے غبارہ پھلانے سے کان کے میل سے نجات ملتی ہے ٗ تحقیق
کان اور حلق کے درمیان والی نلی ہوا ..

صحت خبریں

وقت اشاعت: 30/07/2015 - 17:00:02 وقت اشاعت: 30/07/2015 - 16:55:00 وقت اشاعت: 30/07/2015 - 13:39:14 وقت اشاعت: 29/07/2015 - 14:48:28 وقت اشاعت: 28/07/2015 - 20:45:16 وقت اشاعت: 28/07/2015 - 17:53:30 وقت اشاعت: 28/07/2015 - 17:00:56 وقت اشاعت: 28/07/2015 - 16:35:32 وقت اشاعت: 28/07/2015 - 15:16:57 وقت اشاعت: 28/07/2015 - 15:09:55 وقت اشاعت: 28/07/2015 - 15:04:56

ناک سے غبارہ پھلانے سے کان کے میل سے نجات ملتی ہے ٗ تحقیق

کان اور حلق کے درمیان والی نلی ہوا کو ناک سے کان کے بیچ والے حصے میں لے جاتی ہے ٗرپورٹ

ساؤتھمپٹن (اُردو پوائنٹ اخبار تازہ ترین۔ 28 جولائی۔2015ء)برطانیہ کی ساؤتھمپٹن یونیورسٹی میں ہونے والی ایک تحقیق کے مطابق ناک سے غبارہ پھلانے سے کان کے میل سے نجات ملتی ہے۔میڈیا رپورٹ کے مطابق غبارہ پھلانے کے اس عمل سے کان پر دباؤ بڑھتا ہے اور اس کے نتیجے میں کان کا میل باہر آجاتی ہے تحقیق میں ایسے 320 بچوں کو لیا گیا جن کے کان میں میل تھی۔

انھوں نے دن میں تین بار ناک سے غبارے پھلائے۔ایک مہینے بعد ان میں سے علاج نے کروانے والے 36 فی صد بچوں کے مقابلے 47 فی صد بچوں کے کان صاف ہو گئے تھے۔کان کے میل سے ہر پانچ میں سے چار بچے 10 سال کی عمر تک متاثر ہوتے ہیں۔ اور اس میں اینٹی بایوٹکس، سمیت مختلف اقسام کی دوائیاں بے اثر ہوتی ہیں۔تحقیق میں بتایا گیا کہ کان اور حلق کے درمیان والی نلی ہوا کو ناک سے کان کے بیچ والے حصے میں لے جاتی ہے۔

یہ جگہ کان کے پردے کے پشت پر ہوتی ہے اور اس میں تین انتہائی چھوٹی اور نازک ہڈیاں ہوتی ہیں جو صوتی لہروں کو کان تک لے جانے میں معاون ہوتی ہیں کان کے میل ان ہڈیوں کی حرکت میں مخل ہوتی ہے اور اس سے سماعت متاثر ہوتی ہے۔سنگین صورت حال میں کان کے پردے میں سرجری کے ذریعے ایک سوراخ کرکے کان کے میل کو نکالا جاتا ہے۔تحقیق کرنے والوں میں شامل ڈاکٹر ایان ولیمسن کے مطابق بہت سے ڈاکٹر پہلے سے ہی غباروں کا استعمال کر رہے ہیں لیکن اس کے بارے میں محدود شواہد تھے۔

انھوں نے بتایا کہ یہ ذرا عجیب لگ سکتا ہے تاہم یہ با مقصد طریقہ ہے۔ ہم اپنے نتائج کے بارے میں پر اعتماد ہیں اور یہ طریقہ علامات اور زندگی کو بہتر بنانے کے اچھے طریقے کے ساتھ نقصان دہ علاج کو کم کرنے میں بھی مددگار ہے۔انہوں نے کہاکہ اب اسے وسیع پیمانے پر استعمال کیا جانا چاہیے آسٹریلیا میں کوئنزلینڈ یونیورسٹی کے ڈاکٹر کرس ڈیل مار اور ٹیمی ہوف مین نے کینیڈین میڈیکل ایسوسی ایشن جرنل میں لکھا ہے کہ ’مشق کے دوران کان کے میل کے علاج کے لیے غیر طبّی طریقہ پراثر رہا۔

28/07/2015 - 17:53:30 :وقت اشاعت