بند کریں
صحت صحت کی خبریںپنجاب بھر میں جعلی اور غیر معیاری زرعی ادویات کے گھناؤنے کاروبار میں ملوث افراد کے خلاف بھرپور ..

صحت خبریں

وقت اشاعت: 27/08/2015 - 16:55:32 وقت اشاعت: 27/08/2015 - 11:28:47 وقت اشاعت: 26/08/2015 - 14:56:59 وقت اشاعت: 26/08/2015 - 14:16:04 وقت اشاعت: 26/08/2015 - 11:35:24 وقت اشاعت: 25/08/2015 - 16:40:21 وقت اشاعت: 25/08/2015 - 16:40:19 وقت اشاعت: 25/08/2015 - 13:07:56 وقت اشاعت: 25/08/2015 - 13:01:08 وقت اشاعت: 21/08/2015 - 16:07:19 وقت اشاعت: 20/08/2015 - 16:32:21

پنجاب بھر میں جعلی اور غیر معیاری زرعی ادویات کے گھناؤنے کاروبار میں ملوث افراد کے خلاف بھرپور مہم جاری

فیصل آباد (اُردو پوائنٹ اخبار تازہ ترین۔ 25 اگست۔2015ء)صوبائی وزیر زراعت ڈاکٹر فرخ جاویدکی خصوصی ہدایت پر پنجاب بھر میں جعلی اور غیر معیاری زرعی ادویات کے گھناؤنے کاروبار میں ملوث افراد کے خلاف بھرپور مہم جاری ہے۔ فیصل آباد سمیت پنجاب کے مختلف اضلاع سے لاکھوں روپے ما لیت کی بغیر رجسٹریشن زرعی ادویات برآمد کرکے9افراد کو گرفتار کر کے ملزمان کے خلاف مقدمات درج کر لے۔

آن لائن کے مطابق ای ڈی او(زراعت )چوہدری عبدالحمید کی زیر نگرانی ڈی او (زراعت)توسیع نے چک نمبر77 گ ب روہی سیم نالہ جڑانوالہ میں جعلی کھاد تیار کرنے والی فرٹیلائزرفیکٹری پر چھاپہ مار کر مالکان سمیت 7 افراد کے خلاف مقدمہ کے اندراج کے لئے متعلقہ تھانہ کو درخواست بھجوادی جس میں سے5 ۔افراد کو گرفتار کر لیا گیاجبکہ مالکان کی گرفتاری کے لئے چھاپے مارے جارہے ہیں۔

تفصیلات کے مطابق چھاپہ مار ٹیم نے فیکٹری پر چھاپہ مارا تو وہاں ایس ایس پی‘ڈی اے پی اور دیگر اقسام کی کھادیں تیارکی جارہی تھیں ٹیم نے موقع سے ڈرمز‘کنڈے‘بیلچے‘خالی بیگز اور کھاد تیار کرنے والا دیگر سامان قبضہ میں لے لیا جن افراد کو گرفتار کر لیا گیا ان میں محمد جعفر‘محمد عمران‘محمد علی‘سجاد اور شفیق شامل ہیں گذشتہ روزسیالکوٹ اور گوجرانوالہ میں محکمہ زراعت (پلانٹ پروٹیکشن ) کی ٹیموں نے کامیاب ریڈزکے ذریعے ایلفاکیمیکلز پرائیویٹ لمیٹڈ ڈیرہ غازی خاں کی غیر رجسٹرڈ شدہ کارٹیپ اور کاربوفیوران زہروں کے2250تھیلوں کی بڑی مقدار قبضے میں لے کر 2 فراد کو موقع سے گرفتار کروایا۔

محکمہ زراعت پلانٹ پروٹیکشن گوجرانوالہ کی ٹیم نے مدینہ ٹریڈرز اڈا سوھدھراتحصیل و ز یر آباد ضلع گوجرانوالہ میں چھاپہ مار کر مذکورہ کمپنی کی بغیر رجسٹریشن والی کارٹیپ زہر کے تھیلے قبضہ میں لے کر مقامی پولیس کے حوالے کر دیے اور ملوث ملزمان کے خلاف مقدمہ درج کر وادیا ۔اسی طرح محکمہ زراعت پلانٹ پروٹیکشن سیالکوٹ کی ٹیم نے رندھیر موڑ تحصیل سمبڑیال ضلع سیالکوٹ میں چھاپہ کے دوران صوبہ سندھ کے ضلع گھوٹکی سے الفا کیمیکلز پرائیویٹ لمیٹڈ کی بغیر رجسٹریشن کارٹیپ اور کاربوفیوران زہروں کے تھیلے اور ٹرک قبضہ میں لے کر 2افراد کو موقع پرگرفتار کر لیا ۔

ٹیموں نے سیالکوٹ اور گوجرانوالہ کے دونوں مقامات سے قبضہ میں لیے گئے ان زہروں کے نمونہ جات حاصل کر کے کیمیائی تجزیہ کے لیے پیسٹی سائیڈ لیبارٹری کو بھجوادیا ۔ محکمہ زراعت پنجاب کے ترجمان کے مطابق گذشتہ روز وزیر زراعت پنجاب ڈاکٹر فرخ جاوید کی زیر صدارت منعقدہ اعلیٰ سطحی اجلاس میں محکمہ زراعت پلانٹ پروٹیکشن کے حکام کو ہدایت کی گئی ہے کہ وہ پنجاب کے تمام اضلا ع میں زرعی ادویات میں ملاوٹ کے مکمل خاتمہ کو یقینی بنانے اورملاوٹ کی شرح کو صفر پر لا نے کے لیے موثر مہم جاری رکھیں اور زرعی ادویات میں ملاوٹ کے سنگین جرم میں ملوث افراد کے خلاف سخت کارروائی عمل میں لائی جا ئی ۔

25/08/2015 - 16:40:21 :وقت اشاعت