بند کریں
صحت صحت کی خبریںبہتر صحت کیلئے سبزیاں اور صبح کی سیر ضروری ہے‘ ماہرین غذائیت

صحت خبریں

وقت اشاعت: 03/09/2015 - 12:09:03 وقت اشاعت: 01/09/2015 - 14:09:39 وقت اشاعت: 01/09/2015 - 11:46:38 وقت اشاعت: 31/08/2015 - 20:31:43 وقت اشاعت: 31/08/2015 - 17:08:40 وقت اشاعت: 31/08/2015 - 14:32:38 وقت اشاعت: 31/08/2015 - 13:39:43 وقت اشاعت: 31/08/2015 - 12:11:50 وقت اشاعت: 28/08/2015 - 15:18:08 وقت اشاعت: 28/08/2015 - 15:02:24 وقت اشاعت: 27/08/2015 - 16:55:32

بہتر صحت کیلئے سبزیاں اور صبح کی سیر ضروری ہے‘ ماہرین غذائیت

لاہور ( اُردو پوائنٹ اخبار تازہ ترین۔ 31 اگست۔2015ء) انسانی جسم کو خوراک کے جن اجزاء کی ضرورت ہوتی ہے زیادہ پکانے سے وہ اجزاء اکثر اپنی افادیت کھو بیٹھتے ہیں ، میڈیکل سائنس اور ماہرین غذائیت زیادہ تر اسی بات پر زور دیتے ہیں کہ انسان کو صحت مند رہنے کیلئے زیادہ سے زیادہ کچی خوراک اور سلاد کا استعمال کرنا چاہئے اور سیر کو معمول بنانا چاہئے ۔

ان خیالات کا اظہار ماہر غذائیت پرو فیسر حکیم محمد ثنا اللہ حلاج ،حکیم محمد افضل میو، حکیم ڈاکٹر محمد عابد شفیع، حکیم حامد رشید ڈوگر، حکیم ڈاکٹر اشفاق احمد میاں نے نیشنل ہربل ریسرچ انسٹی ٹیوٹ لاہور میں طلباء کو علاج بالغذاء کے حوالے سے خصوصی لیکچر کے دوران کیا۔ ماہرین غذائیت نے بتایاکہ خوراک میں متعدداقسام کی سبزیاں جیسے گاجر ، مولی ، ٹماٹر، ککڑی ، چقندر، گوبھی ، شملہ مرچ، اور شلجم وغیرہ شامل ہیں ان سبزیوں میں شامل وٹامنز اور نمکیات زیادہ تر پکانے سے ضائع ہو جاتے ہیں ۔

اس سبزیوں میں صحت بخش اجزاء یعنی فائیٹو کیمکلز اور دافع تکسیدی عوامل بھی شامل ہوتے ہیں وہ صرف چالیس سینٹی گریڈ پر ہی اپنی اصلی حالت تبدیل کر لیتے ہیں ۔ اور ان کے استعمال سے ہم وہ فوائد حاصل نہیں کر سکتے جو انہیں کچی یا خام حالت میں استعمال کرنے سے حاصل کئے جاسکتے ہیں ۔

31/08/2015 - 14:32:38 :وقت اشاعت