پنجاب کے بعد خیبرپختونخوا میں بھی ڈینگی وائرس سر اٹھانے لگا

ایبٹ آباد (اُردو پوائنٹ اخبار تازہ ترین۔ 09 ستمبر۔2015ء) پنجاب کے بعد خیبرپختونخوا میں بھی ڈینگی وائرس سر اٹھانے لگا ۔ ایبٹ آباد میں ڈینگی وائرس سے متاثرہ چار مریض جان کی بازی ہار گئے ۔ تفصیلات کے مطابق بدھ کے روز ایبٹ آباد کے ایک ہسپتال میں ناقص انتظامات کے باعث ڈینگی بخار میں مبتلا چار مریض دم توڑ گئے ۔ ایبٹ آباد میں ڈینگی کے مریضوں کی بڑی تعداد موجود ہے جبکہ جاں بحق ہونے والے تمام افراد کو کچھ روز قبل ہسپتال لایا گیا تھا۔

(جاری ہے)

اعلانات کے باوجود ایبٹ آباد میں ایوب میڈیکل کمپلیکس سمیت کسیبھی ہسپتال میں ڈینگی وارڈ قائم نہ ہو سکے جس سے ڈینگی سے متاثرہ افراد کی جانوں کو شدید خطرات لاحق ہو گئے ہیں ۔ پنجاب کے بعد ڈینگی وائرس خیبرپختونخوا میں تیزی سے پھیل رہا ہے جبکہ ایبٹ آباد میں ڈینگی وائرس سے متاثرہ افراد کی تعداد میں روز با روز اضافہ ہو رہا ہے ۔ مریضوں نے وزیر اعلی پرویز خٹک سے اپیل کی ہے کہ صوبے بھر کے بڑے ہسپتالوں میں جلد از جلد ڈینگی وارڈز قائم کئے جائیں اور ہسپتالوں میں ڈینگی سے بچاؤ کی ادویات فراہمی کو بھی یقینی بنایا جائے تاکہ ڈینگی سے متاثرہ مریضوں کی جانوں کو بچایا جا سکے ۔

Your Thoughts and Comments