بند کریں
صحت صحت کی خبریں آرمڈ فورسز انسٹیٹویٹ آف کارڈیالوجی کے زیر اہتمام دل کی بیماریوں سے متعلق سیمنار کا انعقاد

صحت خبریں

وقت اشاعت: 06/10/2015 - 16:55:25 وقت اشاعت: 06/10/2015 - 14:03:38 وقت اشاعت: 06/10/2015 - 13:22:37 وقت اشاعت: 06/10/2015 - 12:05:47 وقت اشاعت: 05/10/2015 - 16:50:35 وقت اشاعت: 05/10/2015 - 15:20:21 وقت اشاعت: 05/10/2015 - 14:31:57 وقت اشاعت: 05/10/2015 - 14:22:12 وقت اشاعت: 05/10/2015 - 14:08:12 وقت اشاعت: 05/10/2015 - 14:03:57 وقت اشاعت: 05/10/2015 - 12:13:09

آرمڈ فورسز انسٹیٹویٹ آف کارڈیالوجی کے زیر اہتمام دل کی بیماریوں سے متعلق سیمنار کا انعقاد

راولپنڈی۔5اکتوبر (اُردو پوائنٹ اخبار تازہ ترین۔ 05 اکتوبر۔2015ء )پاکستان نیشنل ہارٹ ایسوسی ایشن (پناہ)کے صدر میجر جنرل (ر) مسعود الرحمان کیانی نے کہا ہے کہ دل کی بیماری جو پہلے نہ ہونے کے برابر تھی آج اس کی وجہ سے دُنیا میں ہر سال ڈیڑھ کروڑ انسان لقمہ اجل بن رہے ہیں اور پاکستان میں ہر 6 سے7 منٹ بعد ایک شخص اس بیماری کی وجہ سے دُنیا میں رخصت ہو رہا ہے ۔

پہلے یہ بیماری امیروں اور بزرگوں کی سمجھی جاتی تھی آج زیادہ تر اموات 30 سے 50 سال کے درمیان ہو رہی ہیں اور یہ وہ عمر ہے جس میں کوئی بھی شخص اپنے گھر والوں ، ملک اور قوم کے لئے سب سے زیادہ مفید ہوتا ہے اور ان اموات کی وجہ سے بہت سے مالی، معاشی اور معاشرتی مسائل بھی پیدا ہو رہے ہیں۔ وہ گذشتہ روز آرمڈ فورسز انسٹیٹویٹ آف کارڈیالوجی (اے ایف آئی سی) میں دل کی بیماریوں سے متعلق سیمنار سے خطاب کر رہے تھے ۔

سیکرٹری جنرل پناہ ثنا ء اللہ گھمن‘سینئر ایگزیکٹو وائس پریذیڈنٹ ڈاکٹر عبد القیوم اعوان ، جنرل سیکریٹری ثناء اللہ گھمن، سینئر میڈیکل سپیشلسٹ ڈاکٹر کرنل ڈاکٹر جنید سلیم،اے ایف آئی سی کے سینئر کارڈیالوجسٹ بریگیڈیئر فرحان طیّب،بریگیڈیئر طارق خٹک ، سینئر ڈاکٹر واجد علی اور پناہ کے سابقہ صدر جنرل (ر) محمد اشرف خان بھی اس موقع پر موجو دتھے ۔

میجر جنرل (ر) مسعود الرحمان کیانی نے خطاب کر تے ہوئے کہا کہ آپ لوگ ان اموات سے بچ سکتے ہیں اگر آپ پناہ کے بتائے ہوئے اصولوں پر عمل کریں ۔اُنہوں نے مزید کہا کہ پناہ آگاہی فراہم کرنے کے ساتھ ساتھ اپنے عوام کی سہولت کے لئے ایک بہت بڑا کیش فری ہسپتال بھی بنا رہی ہے ، جس پر کام شروع ہو گیا ہے۔ پناہ کے جنرل سیکریٹری ثناء اللہ گھمن نے کہا کہ پاکستان نیشنل ہارٹ ایسوسی ایشن (پناہ) پچھلے ۳۱ سال سے دل کی بیماریوں کے متعلق لوگوں کو آگاہی فراہم کر رہی ہے اور اسی سلسلہ میں دل کی بیماریوں کے عالمی دن کے موقع پر پناہ، اے ایف آئی سی راولپنڈی ملک آگاہی مہم چلارہی ہے۔

اے ایف آئی سی کے سینئر ڈاکٹروں نے دل کی بیماریوں سے بچاؤ کی تدابیر سے لوگوں کو آگاہ کیا۔۔ ڈاکٹر صاحبان نے لوگوں کو بتایا کہ ہم اپنی خوراک پر کنٹرول کر کے، سگریٹ نوشی، موٹاپا، بلڈ پریشر، شوگر سے بچ کر اور روزانہ پیدل واک کر کے ان بیماریوں پر کافی حد تک قابو پا سکتے ہیں۔

05/10/2015 - 15:20:21 :وقت اشاعت