بند کریں
صحت صحت کی خبریں پنک ربن اور گل احمد کے درمیان مفاہمت کی یادداشت پر دستخط، گل احمد چھاتی کے سرطان سے بچاؤ سے ..

صحت خبریں

وقت اشاعت: 09/03/2016 - 22:31:22 وقت اشاعت: 09/03/2016 - 21:10:21 وقت اشاعت: 09/03/2016 - 18:16:12 وقت اشاعت: 09/03/2016 - 16:41:04 وقت اشاعت: 09/03/2016 - 15:06:47 وقت اشاعت: 09/03/2016 - 14:56:52 وقت اشاعت: 09/03/2016 - 14:27:42 وقت اشاعت: 09/03/2016 - 13:44:47 وقت اشاعت: 09/03/2016 - 13:38:44 وقت اشاعت: 09/03/2016 - 12:54:49 وقت اشاعت: 09/03/2016 - 12:50:52

پنک ربن اور گل احمد کے درمیان مفاہمت کی یادداشت پر دستخط، گل احمد چھاتی کے سرطان سے بچاؤ سے متعلق آگاہی مہم چلائے گا

اسلام آباد ۔ 9 مارچ (اُردو پوائنٹ اخبارتازہ ترین۔09 مارچ۔2016ء) خواتین کے عالمی دن کے موقع پر پنک ربن اور گل احمد نے مفاہمت کی یادداشت پر دستخط کر دیئے ہیں جس میں چھاتی کے کینسر (سرطان ) سے بچاؤ سے متعلق آگاہی دی جائے گی۔ یہ موزی بیماری پاکستان میں ہر نو میں سے ایک خاتون کو لاحق ہے۔ گل احمد کی کوشش ہے کہ وہ اس خطرناک اور مہلک بیماری سے متعلق خواتین میں اپنے اسٹورز اور دیگر 360 CSR کی مہم کے ذریعے پورے پاکستان میں پھیلائے۔

دستخط کی اس تقریب میں گل احمد کی جانب سے گل احمد کی شہناز باسط جبکہ پنک ربن کے جانب سے عمر آفتاب شامل تھے جس میں اعلان کیا گیا کہ پنک ربن کی جانب سے CSR کی اس مہم میں گل احمد ان کا ایکسکلوسو پارٹنر ہے۔ تقریب میں عہد کیا گیا کہ گل احمد اور پنک ربن مل کر اس خطرناک بیماری کو بڑھنے سے روکیں گے اور پنک ربن ہسپتال پراجیکٹ کے لئے امداد بھی اکٹھی کریں گے۔

یہ اپنی نوعیت کا پہلا ہسپتال ہوگا جہاں صرف اور صرف چھاتی کے کینسر (سرطان) میں مبتلا مریضوں کا علاج کیا جائے گا۔ دی پنک ربن کمپین (PRC) پبلک پرائیویٹ پارٹنرشپ کو رول ماڈل بناتے ہوئے کارپوریٹ سیکٹرز کو اس مہم میں شامل کر رہا ہے کیونکہ ہم سمجھتے ہیں کے یہ سیکٹر ہمارے لئے فائدہ مند ثابت ہوسکتا ہے۔ آفتاب صاحب نے اپنے خیالات کا اظہار کرتے ہوئے کہا کہ گل احمد کی اس مہم میں شامل ہونے سے ہماری اس مہم کو مزید تقویت ملے گی کیونکہ دنیا بھر میں گل احمد پاکستان کی پہچان ہے۔

بلاشبہ گل احمد کا اشتراک ہمیں ہماری مہم کو بڑے پیمانے پر عوام میں پھلانے میں مددگار ثابت ہوگا۔ شہناز باسط نے اپنے خیالات کا اظہار کرتے ہوئے کہا کہ یہ بات حقیقت ہے کہ پاکستان میں چھاتی کا کینسر (سرطان) ایک انتہائی خطرناک حقیقت ہے۔ انہوں نے مزید کہا کہ گل احمد کی خواہش ہے کہ پنک ربن کی جانب سے آگاہی سے متعلق اس مہم میں ہر ممکن اقدامات کرے تا کہ پاکستان میں رہنے والی تمام خواتین تک چھاتی کے کینسر (سرطان) سے متعلق مکمل آگاہی پہنچ سکے۔

09/03/2016 - 14:56:52 :وقت اشاعت