بند کریں
صحت صحت کی خبریںاینٹی پولیو مہم ناکام بنانے والے مٹھی بھر عناصر کے خلاف سختی سے نمٹا جائے گا،ڈپٹی کمشنر کوہاٹ

صحت خبریں

وقت اشاعت: 13/04/2016 - 16:42:30 وقت اشاعت: 13/04/2016 - 14:46:34 وقت اشاعت: 13/04/2016 - 13:44:31 وقت اشاعت: 12/04/2016 - 17:21:47 وقت اشاعت: 12/04/2016 - 16:40:21 وقت اشاعت: 12/04/2016 - 16:30:12 وقت اشاعت: 12/04/2016 - 15:21:50 وقت اشاعت: 12/04/2016 - 15:21:48 وقت اشاعت: 12/04/2016 - 14:01:31 وقت اشاعت: 12/04/2016 - 13:58:23 وقت اشاعت: 11/04/2016 - 15:13:56

اینٹی پولیو مہم ناکام بنانے والے مٹھی بھر عناصر کے خلاف سختی سے نمٹا جائے گا،ڈپٹی کمشنر کوہاٹ

پشاور(اُردو پوائنٹ اخبارتازہ ترین۔12 اپریل۔2016ء)ڈپٹی کمشنر کوہاٹ ظاہر شاہ نے اینٹی پولیو قطرے مہم کو انتہائی اہم قومی کاز قرارد یتے ہوئے متنبہ کیا ہے کہ مہم کو ناکام بنانے والے مٹھی بھر عناصر کو کسی صورت اپنے مزموم عزائم میں کامیاب نہیں ہونے دیا جائے گا اور ایسے عناصر کے ساتھ سختی سے نمٹا جائے گا۔انہوں نے واضح کیا کہ والدین کو اپنے بچوں کو اینٹی پولیو قطرے نہ پلوانے کی ترغیب ریاستی پالیسیوں سے انحراف کے مترادف ہے تاہم مقامی انتظامیہ حکومتی ہدایات کی روشنی میں پولیوٹیموں کی مکمل تخفظ یقینی بنائے گی۔

یہ انتباہ انہوں نے اپنے دفتر میں ضلعی پولیو مکاؤ کمیٹی کے اجلاس کی صدارت کرتے ہوئے کیا۔اجلاس میں اسسٹنٹ کمشنر کوہاٹ محمد عمیر، اسسٹنٹ کمشنر لاچی عرفان الله مروت ، ڈسٹرکٹ خطیب مفتی شفیع الله، نائب تحصیلدار محمد شعیب کے علاوہ محکمہ صحت اور دیگر متعلقہ اداروں کے حکام نے شرکت کی۔ اجلاس میں 18اپریل سے شروع ہونے والے اینٹی پولیو مہم کے لئے کئے جانے والے انتظاما ت کا جائزہ لیا گیا اور کئی اہم فیصلے کئے گئے۔

واضح رہے کہ 18تا21اپریل(چار روزہ)مہم کے دوران ضلع کے 33یونین کونسلز میں تقریباً 1لاکھ 91ہزار بچوں کو اینٹی پولیو قطرے پلائے جائیں گے اور اس مقصدکے لئے 574ٹیموں کے تشکیل کے علاوہ 118ایریا انچارج بھی مقرر کئے گئے ہیں۔ ڈپٹی کمشنرنے کہا کہ پولیو ایک موذی مرض ہے اور اسکی مکمل بیخ کنی کے لئے معاشرے کے ہر فرد کو اپنا کردار ادا کرنا ہوگا ۔ انہوں نے والدین سے اپیل کی ہے کہ وہ پولیو فری پاکستان بنانے میں حکومت کے ساتھ ہر ممکن تعاون کریں اور 18اپریل تا 21اپریل 2016کے چار روزہ پولیو مہم کو کامیاب بنانے کے لئے اپنے پانچ سال سے کم عمر کے بچوں کو پولیو کے قطرے ضرور پلوائیں ۔

12/04/2016 - 16:30:12 :وقت اشاعت