بند کریں
صحت صحت کی خبریں پاکستان میں ذیابیطس کے مریضوں کی تعداد میں تیزی سے اضافہ ہورہا ہے،ماہرین صحت
ملک میں ذیابیطس ..

صحت خبریں

وقت اشاعت: 21/05/2016 - 16:23:16 وقت اشاعت: 21/05/2016 - 14:54:09 وقت اشاعت: 20/05/2016 - 14:11:25 وقت اشاعت: 19/05/2016 - 13:49:00 وقت اشاعت: 19/05/2016 - 11:35:52 وقت اشاعت: 18/05/2016 - 19:59:50 وقت اشاعت: 18/05/2016 - 17:01:57 وقت اشاعت: 18/05/2016 - 16:45:48 وقت اشاعت: 18/05/2016 - 15:12:32 وقت اشاعت: 18/05/2016 - 14:51:41 وقت اشاعت: 18/05/2016 - 14:01:10

پاکستان میں ذیابیطس کے مریضوں کی تعداد میں تیزی سے اضافہ ہورہا ہے،ماہرین صحت

ملک میں ذیابیطس کے مریضوں کی موجودہ تعداد تقریباً ستر لاکھ ہے ۔ اندازے کے مطابق 2040ء تک یہ تعداد ایک کڑوڑ چوالیس لاکھ تک پہنچ جائے گی جوکہ دنیا بھر کے ممالک میں آٹھویں بڑی تعداد ہوگی،سیمینار سے خطا ب

کراچی (اُردو پوائنٹ اخبارتازہ ترین۔18 مئی۔2016ء) پاکستان میں ذیابیطس کے مریضوں کی تعداد میں تیزی سے اضافہ ہورہا ہے۔ انٹرنیشنل ڈایابیٹس فیڈریشن کے ساتویں ایڈیشن اٹلس کے مطابق پاکستان میں ذیابیطس کے مریضوں کی موجودہ تعداد تقریباً ستر لاکھ ہے ۔ اندازے کے مطابق 2040ء تک یہ تعداد ایک کڑوڑ چوالیس لاکھ تک پہنچ جائے گی جوکہ دنیا بھر کے ممالک میں آٹھویں بڑی تعداد ہوگی۔

یہ بات ماہرین صحت پروفیسر عبدالباسط اور پروفیسر محمد یعقوب احمدانی نے کراچی پریس کلب میں رمضان المبارک کی آمد کے پیش نظر ذیابیطس سے متاثرہ روزے داروں کی رہنمائی کے لیے بقائی انسٹی ٹیوٹ آف ڈایابیٹس کے اشتراک سے منعقدہ آگاہی سیمینار سے خطا ب کرتے ہوئے کہی ۔ اپنے خطاب میں پروفیسر عبدالباسط ( ’گائیڈ لائنز آن ڈائبیٹیس مینجمنٹ ڈیورنگ رمضان‘ کے مصنف اور چیئرمین آئی ڈی ایف مینا، چیئرمین پاکستان ورکنگ گروپ آن ڈایابیٹک فوٹ) نے کہا: ’ذیابیطس سے متاثرہ افراد کی بڑی تعداد رمضان کے دوران روزے رکھتی ہے اور انہیں رمضان کی آمد سے قبل اپنے معالج سے مشاورت کرنی چاہیے تاکہ معالج اپنے مریضوں کی علامات کے پیشِ نظر انہیں مناسب ہدایات دے سکیں۔

ذیابیطس سے متاثرہ افراد کو اپنے آپ کو خطرے میں ڈالنے سے پرہیز کرنا چاہیے اور روزے رکھنے یا نہ رکھنے کا فیصلہ اپنے معالج کی ہدایات کے مطابق کریں۔ ‘ پروفیسر عبدالباسط نے پیچیدگیوں سے بچنے کے لیے ہر مریض کی علامات کے مطابق انفرادی منصوبہ بندی اور دیکھ بھال کی ضرورت پر زور دیا۔ ڈایابیٹس اینڈ رمضان انٹرنیشنل الائنس (DAR) کا جاری کردہ نیا ہدایت نامہ بین الاقوامی دواساز ادارے صنوفی کی ایک غیر محدود تعلیمی گرانٹ کے تعاون سے مختلف ممالک سے تعلق رکھنے والے ماہرین کی مہارت اور کوششوں سے حال ہی میں دبئی میں جاری کیا گیا ہے۔

رمضان المبارک اسلامی سال کا مقدس ترین مہینہ ہے لیکن امراض کے شکار خصوصاً ذیابیطس سے متاثرہ مریضوں کے لیے بیماری کی حالت میں روزے رکھنا صحت کے لیے مضر ثابت ہوسکتا ہے۔ اسلام میں بیماروں کو روزے رکھنے کی پابندی نہ ہونے کے باوجود مسلمان مریضوں کی ایک بڑی تعداد روزے رکھتی ہے۔ روزے داروں کی اتنی بڑی تعداد کے پیشِ نظر معالجین کے لیے بین الاقوامی تسلیم شدہ ہدایت نامے کی ضرورت تھی جسے وہ اپنے مریضوں کی مشاورت کے لیے استعمال کرسکیں۔

اس موضوع پر زیادہ سے زیادہ آگاہی ذیابیطس کے مریضوں کو روزوں کے دوران محفوظ تجربے سے ہمکنار کرکے ان کی زندگیوں میں بہتری کا سبب بنے گی۔ مریض عموماً ذیابیطس کے مضمرات سے مکمل آگاہی نہ ہونے کے باعث روزے رکھنے سے اپنی صحت پر پیش آنے والے اثرات سے بے خبر ہوتے ہیں اور بروقت طبی مشاورت نہیں لیتے۔ مریضوں کے لیے مضمرات سے آگاہ ہونا بہت ضروری ہے ۔

روزے دار عموماً لاپرواہی کا مظاہرہ کرتے ہیں جس میں غیر صحت بخش کھانے مثلاً تلی ہوئی اشیاء ، کاربوہائیڈریٹس، چکنائی سے بھرپور طعام اور میٹھے مشروبات کا عین افطار کے وقت بڑی تعداد میں استعمال شامل ہے۔ یہ عادات خون میں گلوکوز پر قابو پانے میں ناکامی کا سبب بنتے ہوئے پیچیدگیوں کا باعث بنتی ہیں۔ ہدایت نامے کے معاون مصنف پروفیسر محمد یعقوب احمدانی نے اپنے خطاب کے دوران ذرائع ابلاغ سے عام افراد کو اپنے معالج سے مشورے کے فوائد کے بارے میں آگاہ کرنے کی درخواست کی۔

انہوں نے کہا، ’مریضوں کو اپنے معالجین سے دوائی کی مقدار اور اوقات کی کمی بیشی، کھانے اور مشروبات کے استعمال، جسمانی سرگرمیوں، خون میں گلوکوز کی ازخود نگرانی کے بارے میں پوچھنا چاہیے۔ مریض کو علم ہونا چاہیے کہ اسے خون میں شوگر کی مقدار میں کتنی کمی یا بیشی پر روزہ توڑ دینا چاہیے تاکہ صحت کو کوئی پیچیدگی پیش نہ آئے۔‘ صنوفی پاکستان کی ایکسٹرنل افیئرز ڈائریکٹر، لیلیٰ خان نے کہا: ’صنوفی میں ہم مریض کو مرکزی حیثیت دیتے ہوئے اپنے معاشرے کی ضرورت کے مطابق اقدامات کے عزم پر کاربند ہیں۔

ہم ذیابیطس سے متاثرہ افراد کی زندگیوں میں بہتری لانے کی کوششوں میں مصروف ہیں تاکہ وہ ایک صحت مند اور بھرپور زندگی گذار سکیں۔ رمضان قریب ہی ہیں اور روزے رکھنے کے خواہش مند ذیابیطس سے متاثرہ افراد رمضان سے قبل اپنے معالج سے ضرور مشاورت کریں۔‘ اس موقع پر کراچی پریس کلب کے نجیب ٹیرس میں صنوفی پاکستان کی جانب سے کلب کے ممبران کے بلڈ شوگر ٹیسٹ کا بھی انتظام کیا گیاتھا۔ ڈایابیٹس اینڈ رمضان انٹرنیشنل الائنس (DAR) کا جاری کردہ ہدایت نامہ اور مزید معلومات IDF اور DAR کی ویب سائٹ پر موجود ہیں۔

18/05/2016 - 19:59:50 :وقت اشاعت