بند کریں
صحت صحت کی خبریںجسم میں پیلٹ موجود رہنے سے دل کا دورہ پڑنے کا خطرہ بڑھ جاتا ہے ‘ڈاکٹرزایسو ایشن کشمیر

صحت خبریں

وقت اشاعت: 13/08/2016 - 13:37:15 وقت اشاعت: 13/08/2016 - 13:05:28 وقت اشاعت: 12/08/2016 - 17:33:50 وقت اشاعت: 12/08/2016 - 12:43:40 وقت اشاعت: 11/08/2016 - 17:00:07 وقت اشاعت: 11/08/2016 - 13:03:48 وقت اشاعت: 10/08/2016 - 23:08:38 وقت اشاعت: 10/08/2016 - 16:51:03 وقت اشاعت: 10/08/2016 - 14:32:18 وقت اشاعت: 10/08/2016 - 14:30:14 وقت اشاعت: 09/08/2016 - 17:00:36

جسم میں پیلٹ موجود رہنے سے دل کا دورہ پڑنے کا خطرہ بڑھ جاتا ہے ‘ڈاکٹرزایسو ایشن کشمیر

سرینگر(اُردو پوائنٹ اخبارتازہ ترین۔11 اگست ۔2016ء)مقبوضہ کشمیرمیں ڈاکٹرز ایسوسی ایشن کشمیر نے بھارتی فورسز کی طرف سے مقبوضہ علاقے میں پرامن مظاہرین پر پیلٹ گن کا بے دریغ استعمال پر شدید تشویش ظاہر کرتے ہوئے کہاہے کہ جسم میں پلیٹ موجودرہنے سے دل کا دورہ پڑنے اور فالج ہونے کا خطرہ بڑھ جاتا ہے ۔کشمیرمیڈیاسروس کے مطابق ڈاکٹرز ایسوسی ایشن کے صدر ڈاکٹر نثارلحسن نے سرینگر میں جاری ایک بیان میں کہا کہ پلیٹ کسی بھی وقت جلد کو پار کرکے نسوں کے ذریعے جسم کے کسی بھی حصے تک پہنچ کر دل کا دورہ اور فالج کا سبب بن سکتا ہے۔

انہوں نے کہاکہ پلیٹ لگتے ساتھ ہی جلد پار کرکے نسوں میں داخل ہو سکتے ہیں ۔بیان میں سینکڑوں زخمی نوجوانوں کے جسم میں پلیٹ موجود ہونے پر بھی شدید تشویش ظاہر کیاگیا ۔ انہوں نے کہا کہ کئی ایسی کیس رپوٹوں میں یہ بات سامنے آئی ہے کہ پلیٹ جسم کے ایک حصے میں گھس کر نسوں کے ذریعے دوسرے حصوں میں پہنچ گئے ہیں۔ڈاکٹر حسن نثارنے کہا کہ تارسو میں پلیٹ لگنے سے زخمی ہونے والے ایک درمیانی عمر کے شخص کی جلد سے گھس کر پلیٹ دل تک پہنچ گیا تھا جس کی وجہ اسے دل کا دورہ پڑا تھا۔

انہوں نے کہا کہ ایک 28سالہ زخمی نوجوان کے پشت پر پلیٹ لگا تھا جو سال کے بعد دل تک پہنچ گیا۔ انہوں نے کہا کہ کئی کیسوں میں پلیٹ لگنے کے بعد دماغ تک پہنچنے کے کیس بھی سامنے آئے ہیں جس کی وجہ سے زخمی شخص کی موت واقعہ ہوجاتی ہے۔ انہوں نے کہا کہ ایک اور 9سالہ بچے کے پیٹ میں پلیٹ لگا تھا جس کی وجہ سے اسکی موت واقعہ ہوئی تھی۔ انہوں نے کہا کہ جسم میں پلیٹ کی موجودگی کی وجہ سے خون میں لیڈ دھات کی مقدار بڑھ جاتی ہے جو کئی بیماریوں کا سبب بنتی ہے ۔

واضح رہے کہ 8جولائی کو بھارتی فورسز کے ہاتھوں مجاہد کمانڈر برہان وانی کے ماورائے عدالت قتل کے بعد رواں انتفادہ کے دوران بھارتی فورسز نے پر امن مظاہرین پر پیلٹ گن سمیت طاقت کا وحشیانہ استعمال کر کے 70سے زائد کشمیریوں کو شہید اور 5ہزار سے زائد کو زخمی کر دیا ہے جن میں سینکڑوں کی تعداد میں لوگ مہلک پیلٹ گن سے زخمی ہو ئے ہیں اور بیشتر عمر بھر کیلئے بینائی سے محروم ہو گئے ہیں۔
11/08/2016 - 13:03:48 :وقت اشاعت