Marital Relationship Between Aries Man And Taurus Woman

برج ثور میں پیدا ہونے والی عورت میں وہ تمام خوبیاں تو نہیں ہوں گی جو حمل مرد اپنی بیوی میں دیکھنا چاہتا ہے لیکن اس کی بعض صفات سے انکار نہیں کیا جاسکتا اس کے باوجود وہ آپ کی توقعات پر پوری نہیں اتر سکتی۔ جب کہ وہ یہ بھی جانتی ہو کہ اپنے آپ میں یہ خوبیاں پیدا کرنے کا اسے کوئی فائدہ نہیں ہوگا۔

دوسری طرف اگر آپ حمل مرد ہیں اور آپ کا واسطہ ثور عورت سے پڑ گیا ہے تو محبت کے معاملے میں وہ آپ کو مایوس نہیں کرے گی ۔ثور عورت کو اگر یہ یقین ہو جائے کہ آپ اس سے محض فلرٹ نہیں کر رہے ہیں تو وہ آپ کو اس طرح ٹوٹ کر چاہے گی کہ آپ اس کا تصور بھی نہیں کر سکتے ۔ اس کی ایک خاصیت یہ بھی ہے کہ ازدواجی تعلقات میں کشیدگی یا آپ کی ناراضگی سے دل برداشتہ ہو کر وہ آپ کو چھوڑ کر میکے نہیں چا بیٹھے گی۔

(جاری ہے)

وہ آپ کے پاس ہی رہے گی اور معاملے کو سلجھانے کے لیے آپ سے مذاکرات کرے گی اور اپنا حق حاصل کرنے کے لیئے لڑنے مرنے پر آمادہ ہو جائے گی۔

جب وہ اپنے کسی موقف پر اڑ جائے تو اسے جھکانا یا اس میں کسی قسم کی لچک پیدا کرنا ممکن نہیں ہوتا۔ وہ اچھے دنوں کی طرح بدترین حالات میں بھی اپنے آپ کو ایڈجسٹ کرنے کی صلاحیت رکھتی ہے۔ یہ بھی ممکن ہے کہ آپ کسی معاملے میں اپنا نقطہ نظر سمجھانے کی کوشش کریں اور وہ توجہ نہ دے یا جان بوجھ کر اسے سمجھنے کی کوشش نہ کرے تو آپ کو اپنے آپ پر قابو نہ رہے۔ آپ چونکہ عجلت پسند ہیں اور کم سے کم وقت میں بہت آگے نکل جانا چاہتے ہیں تو آپ کی ثور بیوی بہت پیچھے رہ جائے گی۔ آپ کی جلد بازی کا ساتھ دینا اسکے لیے ممکن نہیں ہوگا۔ ایسی صورت میں بعض اوقات آپ اس کا انتظار تو کر لیں گے لیکن عام طور پر آپ اس کی پرواہ نہیں کریں گے۔ اگر آپ کی یوی کا تعلق برج ثور سے ہے تو اس کا ہاتھ پکڑ کر اسے قدم بہ قدم اپنے ساتھ گھسیٹنے کی کوشش نہ کریں۔ کیونکہ اس کا کوئی فائدہ نہیں ہو گااس کے برعکس ایسی خانہ جنگی شروع ہو جائے گی جسے روکنا نا ممکن نہیں تو مشکل ضرور ہو جائے گا۔ ثور عورت عام طور پر چھوٹی موٹی باتوں کو نظر انداز کر دیتی ہے۔ لیکن جب اس کے صبر کا پیمانہ لبریز ہو جائے تو وہ کسی طوفان سے بھی زیادہ خطرناک ثابت ہو سکتی ہے۔ اگر آپ مناسب رویہ اختیار کریں تو ایسی صورت میں اسے شکایت کا موقع نہیں ملے گا۔ ثور عورت اپنے شوہر کے کام کرنے میں فخر محسوس کرتی ہے ۔ باورچی خانے میں وہ جس پھرتی کا مظاہرہ کرتی ہے اس پر آپ کو یقیناًحیرت ہوگی۔ وہ مختصر سے نوٹس پ پوری بارات کا کھانا تیار کرسکتی ہے۔ ممکن ہے ثور عورت آپ کو پوری طرح نہ سمجھ سکے لیکن جب اسے یہ یقین ہو جائے کہ آپ اسے چاہتے ہیں تو وہ اپنی زندگی کا ایک ایک لمحہ آپ کے لیے وقف کر دے گی۔ ایسی صورت میں اگر چہ آپ اس کی موجودگی میں کسی دوسری عورت کو بھی گھر لے آئیں تو اسے قطعی پروا نہیں ہوگی اگر آپ اپنی سیکریٹری سے عشق کی پینگیں بڑھا رہے ہیں اور اکثر دیر سے گھر آنے پر بہانہ بناتے ہیں کہ دفتر میں کام کی زیادتی کی وجہ سے تاخیر ہو گئی وہ آپ سے کسی قسم کی باز پرس نہیں کرے گی۔ اگر اسے اپنے لیے آپ کی محبت کا یقین ہو تو وہ ان ’’فضولیات ‘‘ پر قطعی توجہ نہیں دے گی نہ ہی اسے آپ پر کسی قسم کا شبہ ہو گا آپ جو کچھ کہی گے وہ آنکھیں بند کر کے ایک ایک لفظ پر یقین کر لے گی۔ برج ثور کے زیر اثر پیدا ہونے والی عورت آپ کے بچوں کے لیئے ایک مثالی ماں بن سکتی ہے۔ بچوں کی نگہداشت اور پرورش میں اسے ملکہ حاصل ہوتا ہے ۔ لیکن نوعمری میں پہنچ کر جب یہی بچے اپنی راہ چلنے کی کوشش کرتے ہیں تو یہی ماں دیوار کی طرح ان کے راستے میں کھڑی ہو جاتی ہے۔ اس موقع پر آپ کی مداخلت ضرورتی ہو جائے گی بصورت دیگر آپ کے بچوں کا مستقبل تباہ ہو کر رہ جائے گا۔