Khawab Main Baarish Dekhna

خواب میں بارش دیکھنا

Khawab Main Baarish Dekhna

Find Dream meaning of Khawab Main Baarish Dekhna and other dreams in Urdu. Dream Interpretation & Meaning in Urdu. Read answers by islamic scholars and Muslim mufti. Answers taken by Hadees Sharif as well. Read Khawab Main Baarish Dekhna meaning according to Khwab Nama and Islamic Dreams Dictionary.

حضرت دانیال علیہ السلام نے فرمایا ہے کہ بارش خواب میں حق تعالیٰ کی طرف سے بندوں پر رحمت اور برکت ہے جب عام بارش ہو اور سب جگہ پہنچے ۔فرمان حق تعالیٰ ہے۔ویو الذی ینزل الغیث من بعد ماقنطوا وینشر رحمتہ(اسی کی ذات پاک ہے جو نا امیدی کے بعد بارش برساتا ہے اور اپنی رحمت کو پھیلاتا ہے) اور بارش کا وقت پر دیکھنا بہت اچھا ہے خاص کر جب لوگ بارش کو چاہیں تو نہایت نیک ہے۔
لیکن اگر خاص سخت بارش غرف اپنے کوچہ میں دیکھے کہ اس کے سوا اور کہیں نہیں برسی ہے تو اہل موضع پر رنج اور بیماری کی دلیل ہے ۔ او اگر دیکھے کہ بارش آہستہ آہستہ ہو رہی ہے تواہل موضع پر خیر اور برکت کی دلیل ہے۔ اور اگر دیکھے کہ اول سال یا اول ماہ بارش برس رہی ہے تو دلیل ہے کہ ا س سال اور اس ماہ میں فراخی نعمت زیادہ ہو گی اور اگر دیکھے کہ بارش سخت اورسیاہ ہے تو دلیل ہے کہ بیماری پر ہے کہ اس میں ہلاک ہوگا۔
حضرت ابن سیرین رحمتہ اللہ تعالیٰ علیہ نے فرمایا ہے کہ اگر کوئی شخص خواب میں سخت بارش دیکھے کہ اپنے وقت پر برسی ہے تو دلیل ہے کہ ان دنوں میں رنج و بلا کا لشکر آئے گا۔ اور اگر دیکھے کہ باراں سے مسح کرتا ہے تو اس امر کی دلیل ہے کہ خوف و غم سے امن میں رہے گا۔
اور اگرخو اب میں دیکھے کہ بارش اس کے سر پر برستی ہے تو دلیل ہے کہ وہ سفر کو جائے گا اور خیر و نفع کے ساتھ واپس اٹئے گا۔ اوراگر کوئی شخص خواب میں دیکھے کہ بارش لوگوں کے سروں پر طوفان کی طرح برستی ہے تو اس امر کی دلیل ہے کہ اس ملک میں خدا نخواستہ نا گہانی موت آئے گی اور اگر دیکھے کہ بارش کے ہر ایک قطرے سے آواز آتی ہے تو دلیل ہے کہ اس کے مرتبے اور عزت کی آواز زیادہ ہو گی۔
اور اگر دیکھے کہ بارش کے پانی کے ساتھ مسح کرتا ہے تودلیل ہے کہ خوف اور دہشت سے امن میں ہوگا ۔ اور اگر خواب میں دیکھے کہ بہت بڑی بارش ہو رہی ہے اور تمام نہریں جاری ہو گئی ہیں اور اس کو نقصان نہیں پہنچا ہے تو دلیل ہے کہ بادشاہ سختی کرے گا اور صاحب خواب اس کے شر سے محفوظ رہے گا۔
اور اگر دیکھے کہ ان نہروں سے گزر نہیں سکتا ہے تودلیل یے کہ بادشاہ کی شرارت کو اپنے آپ سے دور کرے گا۔ اور اگر دیکھے کہ پانی ہوا سے بارش کی طرح آتا ہے تو دلیل ہے کہ حق تعالیٰ کاعذاب اور بیماری اس جگہ ظاہر ہوگی۔ حضرت کرمانی رحمتہ اللہ تعالیٰ علیہ نے فرمایا ہے کہ اگر بارش کی جگہ چہد کو برستا ہو گا دیکھے تودلیل ہے کہ نعمت اور رغنیمت اس ملک میں بہت ہو گی او ر جو چیز کہ آسمان سے برستی ہوئی دیکھے تو اس کی تاویل اس چیز کی جنس سے ہے اور اگر دیکھے کہ بارش کاپانی پیتا ہے اور وہ پانی صاف اور روشن ہے تو دلیل ہے کہ اس کو اسی قدر خیر اور راحت پہنچے گی اور اگردیکھے کہ بارش کا پانی سیاہ بے مزہ ہے تو دلیل ہے کہ اسی قدر بیماری اور رنج اٹھائے گا۔
حضرت صادق رضی اللہ تعالیٰ عنہ نے فرمایا ہے کہ خواب میں بارش کا دیکھنا بارہ وجہ پر ہے۔ اول ، رحمت ۔ دوم ، برکت ۔ سوم فریاد چاہنا ۔ چہارم ، رنج و بیماری ۔پنجم ، بلا ۔ ششم ، لڑائی ۔ ہفتم ، خون بہانا ۔ ہشتم ، فتنہ ۔ نہم ، قحط، دہم ، امان پانا ۔ یا زدہم ، کفر ۔ دواز دہم جھوٹ۔

Your Thoughts and Comments