Khawab Main Kheit Dekhna - Islamic Khawab ki Tabeer

Khawab Main Kheit Dekhna can carry various meanings. Scroll down to find out the most authentic Dream meaning of Khawab Main Kheit Dekhna in Urdu, based on the Islamic context. Find out more khawab ki tabeer and Dream Meaning in Urdu on UrduPoint.

Khawab Main Kheit Dekhna

خواب میں کھیت دیکھنا

حضرت ابن سیرین رحمۃ اﷲ علیہ نے فرمایا ہے کہ خواب میں بوئی ہوئی کھیتی کا اگنا جب کہ معلوم ہو اور کسی معلوم جگہ میں اپنے موسم پر دیکھے تو لوگوں کے فرزندوں پر دلیل ہے۔ اور اگر دیکھے کہ کھیت کو کاٹا ہے۔ دلیل ہے کہ لوگ لڑای میں مارے جائیں گے۔
حضرت دانیال علیہ السلام ے فرمایا ہے ۔ اگر دیکھے کہ معلوم کھیت میں ہے۔ دلیل ہے کہ دین و دنیا کی بہتری کا عمل کرے گا اور دیکھا کہ کھیت بویا اور کاٹا اور غلہ کو نکالا دلیل ہے کہ اس کی امید پوری ہو گی۔ اور اگر دیکھے کہ کھیت میں جا رہا ہے۔
دلیل ہے کہ غازیوں کے ساتھ ہو کر جہاد کرے گا۔ حضرت جابر مغربیؓ نے فرمایا ہے کہ خواب میں کھیت کا کاٹنا لڑائی اور جھگڑے پر دلیل ہے۔ اور بعض اہل تعبیر نے بیان کیا ہے ۔ اگر دیکھے کہ کھیت میں گیا ہے اور لوگوں نے سبز ہی کاٹا ہے۔
دلیل ہے کہ مصارف میں جائے گا اگر دیکھے کہ کھیت میں آگ لگی ہے اور سب جلا دیا ہے۔ دلیل ہے کہ اس ملک میں قحط پڑے گا۔ اور اگر دیکھے کہ اپنے کھیت کو پانی دیا ہ۔ دلیل ہے کہ اس کے ہاتھ سے ایسا کام ہو گا کہ جس سے دنیا اور آخرت میں منفعت ہو گی۔
اور اگر دیکھے کہ آگ آئی ہے اور اس نے کھیت کو جلا دیا ہے۔ دلیل ہے کہ اس کا بادشاہ سے نقصان ہو گا۔ اور اگر دیکھے کہ کھیت میں ایک بڑی نہر آئی ہے۔ دلیل ہے کہ ا س ملک میں قحط اور تنگی ہو گی۔ اور اگر دیکھے کہ گیہوں کے خوشوں سے زمین پر دانے گرے ہیں۔
دلیل ہے کہ اسی قدر کھیت والے کا نقصان ہو گا۔ اور اگر نہ جانے کہ وہ جگہ کسی کی ملکیت ہے دلیل ہے کہ اس کا نقصان صاحب خواب ہو گا۔ فرمان حق تعالیٰ ہے۔ نساو کم حرث لکم فاتو حرثکم انی شتم (تمہاری عورتیں تمہاری کھیت ہیں اپنے کھیت میں جیسے چاہو آؤ۔
اور اگر کھیت کو موسم میں سبز دیکھے۔ دلیل ہے کہ اس ملک میں نعمت فراخ ہو گی اور اگر زمین اس کی ملکیت ہے دلیل ہے کہ اس کی مراد پوری ہو گی۔ اور اگر وقت پر کھیت کو کاٹے اور خوشے گھر کو لے جائے تو مصیبت پر دلیل ہے۔ اور اگر دیکھے کہ کھیت میں دوستوں کے ساتھ گیا ہے۔
دلیل ہے کہ جہاد کو جائے گا۔ حضرت جعفر صادق علیہ السلام نے فرمایا ہے کہ خواب میں پکے ہوئے کھیت کا کاٹنا اس کے موسم پر بہتری اور منفعت پر دلیل ہے اور اگر کچا اور سبز ہے تو بیماری پر دلیل ہے۔ حضرت اسماعیل اشعث رحمۃ اﷲ علیہ نے فرمایا ہے کہ وقت پر کھیت کو کاٹنادلیل ہے کہ امر حق بجالائے گا۔
اور درویشوں کے حق میں خیرات کی توفیق پر دلیل ہے۔ فرمان حق تعالیٰ ہے۔ واتو حقہ یوم حصالہ (کاٹنے کے دن ا س کا حق اداکرو) اگر یہ چیز جو دیکھی ہے اور کاٹی ہے۔ دلیل ہے کہ اس کی عاقبت محمود ہو گی۔

Your Thoughts and Comments