Traffic Qawaneen Ki Pabandi
ٹریفک قوانین کی پابندی‘ حادثات سے بچاتی ہے
ایک اندازے کے مطابق زیادہ تر حادثات موٹر سائیکل سواروں اور سائیکل سواروں کو پیش آتے ہیں جو بڑی گاڑیوں، بسوں اور ٹرکوں سے ٹکرا جاتے ہیں تبھی خوفناک اور دلخراش حادثات آئے دن سڑکوں پر رونما ہوتے ہیں
ہفتہ 28 فروری 2015
پاکستان ایک کثیر آبادی والا مْلک ہے۔ اس کے مجموعی وسائل میں اس رفتار سے اضافہ نہیں ہو رہا ہے جس رفتار سے آبادی بڑھ رہی ہے جس کے باعث ملکی وسائل پر آبادی کا دباوٴ روز بروز بڑھا رہا ہے اور ملک میں افراطِ آبادی کا مسئلہ پیدا ہو گیا ہے۔ آبادی کے بڑھنے کے ساتھ ساتھ دیگر بہت سے مسائل جنم لینے لگتے ہیں جن کو دور اندیشی اور حکمت عملی سے حل کرنے کے لئے موثر اقدامات نہایت ضروری ہیں۔صحت، صفائی اور تعلیم کی سہولتوں میں کمی، بے روزگاری میں اضافہ، نئی بستیوں کا قیام، خوراک میں کمی، ٹریفک اور ٹرانسپورٹ کے نظام میں بد نظمی اور دیگر مسائل کا سامنا آج کل کی نسل کر رہی ہے۔ٹریفک اور ٹرانسپورٹ کے مسئلے کو ہی لے لیں، جس طرف نگاہ ڈالو سڑکوں پر بے ہنگم ٹریفک کی بھیڑ نظر آتی ہے اور اسی بے ہنگم ٹریفک اور بد نظمی کے باعث بہت سے ٹریفک حادثات جنم لے رہے ہیں کئی معصوم جانیں لْقمہ اَجل بن جاتی ہیں اور بہت سے لوگ عمر بھر کی معذوری کا شکار ہو کر دوسروں کے محتاج ہو جاتے ہیں۔
(جاری ہے)
اگر چہ موٹر سائیکل سواروں کے علاوہ سڑکوں پر دوسری ٹریفک لین تو ہیں مگر ان کی پابندی کرنا ڈرائیور کی ذمہ داری ہے تو دوسری طرف ٹریفک رولز پر عمل درآمد کروانا بھی ٹریفک پولیس کی ذمہ داری ہے مگر تاحال کوئی عملی اقدامات نظر نہیں آرہے مگر حادثات کی اسی رفتار کو دیکھتے ہوئے اب موجودہ وقت میں موٹر سائیکل لین کے قانون کی ضرورت در پیش ہے۔ ان حادثات کی شرح کو کم کرنے کے لئے اور لوگوں کی اس سستی سواری کو محفوظ بنانے کے لئے سڑکوں پر ان کی لین کے لئے قوانین پر عمل کروانے کی بھی ضرورت ہے۔ لاہور اور اس کے مضافاتی علاقوں میں تقریباََ ہر سڑک پر ہیوی لائٹ ٹریفک کے لئے سڑکوں پر نشانات بھی لگائے جاتے ہیں اور موٹر سائیکل سوارکے لئے علیحدہ لین پر سختی سے عمل درآمد کروانا بھی متعلقہ حکام کی ذمہ داری ہے۔
لین کے قانون پر عمل کر نے سے نہ صرف بڑے حادثات میں کمی واقع ہوگی بلکہ گاڑیوں اور موٹر سایئکلوں کے درمیان ہونے والے حادثات کی شرح بھی کم ہوتی جائے گی۔ اور اگر متعلقہ حکام میں کامیاب ہو جاتے ہیں تو صوبائی دارالحکومت کی بے ہنگم ٹریفک کے بہاوٴ اور نظام میں بھی واضح بہتری اور تبدیلی نظر آئے گی۔
متعلقہ حکام کو ٹریفک قوانین کے بارے میں اب سنجیدگی سے سوچنا ہوگا اور مستقبل میں معصوم زندگیوں کو ہولناک حادثات سے محفوظ بنانے کے لئے لائحہ عمل تیار کرنا ہوگا۔ تاکہ قانون کی خلاف ورزی نہ ہو اور انسانی جانیں بھی بچ جائیں۔
ممبئی کے مزید مضامین :
تقسیم ہند اور نئی اسلامی مملکت کے قیام کا منصوبہ
Taqseem e Hind Or Nayi Islami Mumlikat K Qayyam Ka Mansoba
یمن کی جنگ۔ مسلمانان عالم کیخلاف گہری سازش؟
Yemen Ki Jang Musalman e Alam K Khilaf Gehri Sazish
7سال بعد قومی پریڈ کی پْر جوش تقریب
7 Saal Baad Qoumi Parade Ki Purjosh Taqreeb
گوادر روٹ تبدیل کرنے پر احتجاج
Gwadar Rout Tabdeel Karne Per Ehtejaaj
بجلی کا بحران
Bijli Ka Bohran
ٹریفک قوانین کی پابندی‘ حادثات سے بچاتی ہے
Traffic Qawaneen Ki Pabandi
مزید بین الاقوامی مضامین
-
چین کا ڈریگن بوٹ فیسٹیول
-
سنگاپور کا کمال
-
برازیل کا فلاحی منصوبہ
-
عراق میں احتجاجی مظاہروں کی حقیقت!
-
زندہ باد جیسنڈا پائندہ باد نیوزی لینڈرز ۔۔۔۔!
-
افغان امن مذاکرات سبوتاژ کرنے کا منصوبہ۔۔تحریر:سمیع اللہ ملک
-
ہسپانوی سیستاہ
-
بھوکا پیاسا قحط زدہ تھر معصوم بچے سسک سسک کر دم توڑ رہے ہیں
-
ملک بھر میں میڈیا پر بڑھتے حملے
-
محکمہ خوراک کی عدم دلچسپی
-
انتخابی سیاست میں جوڑ توڑاور نئے موڑ
-
لیبیا جنگ!!