کورونا وائرس 18فٹ تک جاسکتا ہے، ماہرین نے سماجی دوری کے گزشتہ فارمولے پر سوال اٹھادیا

ہوا اگر صرف 2میل فی گھنٹہ کی رفتار سے بھی چل رہی ہو تو یہ دھوئیں کی منتقلی کے لیے کافی ہے جبکہ لعاب دہن یا تھوک صرف پانچ سیکنڈ میں 18فٹ تک کا فاصلہ طے کرسکتا ہے جس سے وائرس منتقل ہوسکتا ہے: ماہرین

Usman Khadim Kamboh عثمان خادم کمبوہ جمعرات مئی 22:03

کورونا وائرس 18فٹ تک جاسکتا ہے، ماہرین نے سماجی دوری کے گزشتہ فارمولے ..
نکوسیا (اُردو پوائنٹ اخبارتازہ ترین ۔ 21 مئی2020ء) ماہرین نے سماجی دوری کے گزشتہ فارمولے پر سوال اٹھادیا ہے۔ ماہرین نے جاری کردہ رپورٹ میں کہا ہے کہ کورونا وائرس 18فٹ تک جا سکتا ہے۔ قبرص کی یونیورسٹی آف نکوسیا کی ایک تحقیقی ٹیم کی رپورٹ کے مطابق سماجی دوری کے حوالے سے جو فاصلہ بتایا گیا ہے وہ کورونا وائرس جیسی مہلک وبا کے پھیلائو کی روک تھام کے لیے موثر نہیں ہے، کورونا وائرس کی عالمی وبا کے آغاز سے ہی ہمیں بتایا جارہا ہے کہ کورونا وائرس کے پھیلائو کو روکنے کے لیے کسی اجنبی یا مشتبہ مریض سے سماجی دوری اختیار کی جائے اور اس کے لیے جو فاصلہ مقرر کیا گیا وہ چھ فٹ یا دو میٹر ہے۔

لیکن اب ایک نئی تحقیق میں بتایا گیا ہے کہ یہ فاصلہ یا سماجی دوری بیماری سے محفوظ رہنے کے لیے ہلکی ہوا میں بھی مناسب نہیں ہے، ہوا اگر صرف 2میل فی گھنٹہ کی رفتار سے بھی چل رہی ہو تو یہ دھوئیں کی منتقلی کے لیے کافی ہے جبکہ لعاب دہن یا تھوک صرف پانچ سیکنڈ میں 18فٹ تک کا فاصلہ طے کرسکتا ہے جس سے وائرس منتقل ہوسکتا ہے۔

(جاری ہے)

اس تحقیقی ٹیم نے لعاب دہن کے ہوا میں سفر کا باقاعدہ کمپیوٹر کے ذریعے سیمولیشن تیار کیا اور بتایا کہ کس طرح لعاب کے قطرے کسی شخص کے کھانسنے یا چھینکنے کے بعد کیسے ہوا میں سفر کرتے ہے۔

اس تجربے سے یہ معلوم ہوا ہے کہ سماجی دوری کے حوالے سے جو فاصلہ بتایا گیا ہے وہ کورونا وائرس جیسی مہلک وبا کے پھیلائو کی روک تھام کے لیے کافی نہیں ہے۔ دوسری جانب دنیا بھر میں کورونا وائرس کے مریضوں کی تعداد 50 لاکھ 58 ہزار سے بڑھ گئی ، وائرس سے اب تک 3 لاکھ 30 ہزار کے قریب افراد ہلاک ہوچکے ہیں تاہم 20 لاکھ سے زائد افراد وائرس کو شکست دیکر صحت یاب ہو چکے ہیں۔امریکہ میں کورونا وائرس سے متاثرہ مریضوں کی تعداد 15 لاکھ سے تجاوز کرگئی ہے ، ہلاکتوں کی تعدا 94 ہزار 941 تک پہنچ گئی ہے۔

نیکوسیا میں شائع ہونے والی مزید خبریں:

Your Thoughts and Comments