- Home
- International
- News
- ریڈیو پاکستان میں پنجابی، سندھی، بلوچی، سرائیکی اور پشتو اور دیگر علاقائی زبانوں میں نشر ہونے ..
ریڈیو پاکستان میں پنجابی، سندھی، بلوچی، سرائیکی اور پشتو اور دیگر علاقائی زبانوں میں نشر ہونے والے بلیٹن بند ، علاقائی خبروں کے شعبہ سے وابستہ 100 سے زائد ملازمین فارغ ، علاقائی خبریں لاہور، کراچی، کوئٹہ اور پشاور سے نشرکرنیکا فیصلہ،ریڈیو پاکستان کی انتظامیہ کے اچانک فیصلے سے ملازمین میں تشویش کی لہر دوڑ گئی ، شدید غم و غصے کا اظہار، متاثرہ ملازمین کا وفاقی وزیر اطلاعات و نشریات اور وزیراعظم سے مداخلت کر کے فیصلہ واپس لینے کامطالبہ
جمعرات 27 جون 2013 22:43
(جاری ہے)
اب اچانک ریڈیو پاکستان کی انتظامیہ کے اس فیصلے سے علاقائی خبروں سے منسلک تقریباً 100 سے زائد نیوز ٹرانسلیٹرز، نیوز ریڈرز اور ریسورس پرسنز بیروزگار ہو جائیں گے۔
اسلام آباد سے علاقائی خبریں نشر کرنے کا بنیادی مقصد قومی یکجہتی کو فروغ دینا تھا اور اس سلسلے میں تقریباً 20، 20 سال سے لوگ جز وقتی نیوز ریڈرز، ٹرانسلیٹرز اور ریسورس پرسنز کے طور پر فرائض انجام دے رہے تھے۔ ریڈیو پاکستان کے سابق ڈائریکٹر جنرل مرتضیٰ سولنگی نے بھی شعبہ نیوز کے ساتھ ناروا سلوک روا رکھا اور سابق حکومت نے مختلف اداروں میں ملازمین کو مستقل کئے جانے کے باوجود شعبہ نیوز اور بالخصوص علاقائی خبروں سے وابستہ ملازمین کو یکسر نظر انداز کر دیا گیا۔ علاقائی خبریں لاہور، کراچی، ملتان، پشاور اور کوئٹہ سے نشر کئے جانے کے فیصلے پر عملدرآمد انتظامیہ کیلئے بھی مشکلات کا باعث بنے گا کیونکہ وہاں پر خبروں کی ترسیل اور تقسیم کا کوئی معیاری نظام نہیں ہے جبکہ اس کے برعکس اسلام آباد میں مرکزیت کے باعث یہاں پر قومی اور علاقائی خبروں کی فراہمی اور انکی ترسیل زیادہ بہتر طریقے سے ہو رہی تھی۔ ریڈیو پاکستان کی انتظامیہ کے اس اچانک فیصلے سے ملازمین میں تشویش کی لہر دوڑ گئی ہے اور انہوں نے اس پر شدید غم و غصے کا اظہار کیا ہے۔ ریڈیو پاکستان کی انتظامیہ پنجابی، پشتو، سرائیکی، بلوچی اور سندھی کے بعد کشمیری، بلتی اور شینا زبان میں نشر ہونے والی خبریں بھی علاقائی ریڈیو سٹیشنز کو منتقل کرنے کا فیصلہ کیا گیا ہے۔ اس سلسلے میں یکم جولائی سے عملدرآمد کے احکامات جاری کئے گئے ہیں۔ اسلام آباد سے 5 سے 7 منٹ دورانیئے کے ان علاقائی نیوز بلیٹن کے منتقل ہونے سے ریڈیو پاکستان کے عارضی کنٹریکٹ اور ڈیلی ویجز ملازمین میں شدید بے چینی پائی جاتی ہے۔ ریڈیو پاکستان کی انتظامیہ نے گزشتہ پانچ سال سے علاقائی خبروں سے وابستہ ملازمین کے معاوضے میں بھی کوئی اضافہ نہیں کیا اور وہ صرف 450 روپے کے حساب سے اجرت حاصل کر رہے ہیں۔ اب اس نئے فیصلے سے ملازمین انتہائی پریشان ہیں اور ان کے سروں پر بیروزگاری کی تلوار لٹک رہی ہے۔ ریڈیو پاکستان کے علاقائی خبروں سے منسلک ملازمین نے وزیراعظم نوازشریف، وفاقی وزیر اطلاعات و نشریات پرویز رشید اور وفاقی وزیر داخلہ چوہدری نثار علی خان سے مطالبہ کیا ہے کہ انہیں بیروزگار ہونے سے بچایا جائے اور ریڈیو پاکستان کی انتظامیہ جو اس سے پہلے نیشنل براڈ کاسٹنگ سروس کے پروگرام بند کرنے کا فیصلہ بھی واپس لے چکی ہے اسے اس بات پر مجبور کیا جائے کہ وہ ملازمین کو بیروزگار کرنے کا یہ فیصلہ فوری طور پر واپس لے۔ انہوں نے کہا کہ ریڈیو پاکستان کی انتظامیہ کے اس فیصلے کا بنیادی مقصد مسلم لیگ (ن) کی حکومت کو بدنام کرنے کے مترادف ہے جو ملازمین کے حقوق کے تحفظ کیلئے پرعزم ہے اور ملک میں لوگوں کو بیروزگار کرنے کی بجائے روزگار کی فراہمی کیلئے کوشاں ہے۔متعلقہ عنوان :
تہران میں شائع ہونے والی مزید خبریں
ملاعبدالغنی کی سربراہی میں طالبان وفدکی ایرانی وزیر خارجہ سے ملاقات
ٹوئٹر نے ایرانی سپریم لیڈر کی برطانوی و امریکی ویکسین کیخلاف کی گئی ٹوئٹ ڈیلیٹ کردی
ایران کا اپنے ایٹمی پروگرام کے بانی کے قتل کا بدلہ لینے کا اعلان
ایران کے ایٹمی پروگرام کے بانی کو تہران میں قتل کردیا گیا
ایران کے دارالحکومت تہران میں دھماکہ، متعدد افراد ہلاک
ایران میں کورونا سے ہلاکتوں میں اضافے کے بعد دوبارہ لاک ڈاؤن کا امکان
ایران کا عید کے بعد تمام مذہبی اور مقدس مقامات کھولنے کا اعلان
ایران میں کورونا کیسز کی تعداد 1 لاکھ سے تجاوز کرگئی
پاسداران انقلاب ایران کے داعشی ہیں، تہران میں عوام کی نعرے بازی
ایران نے یوکرین کا مسافر طیارہ میزائل مار کر تباہ کیا، تصدیق کر دی گئی
ایران پر حملہ کرنے والے ملک کو میدان جنگ بنا دیں گے،جواد ظریف
امریکی مخالفت کے باوجود تیل بیچ کے دکھائیں گے، ایران کا اعلان
تازہ ترین انٹرنیشنل خبریں
-
پاکستان اور سعودی عرب ہر محاذ پر شانہ بشانہ کھڑے رہیں گے، وزیراعظم
-
یوم پاکستان کی مناسبت سے دبئی دنیا کی بلند ترین عمارت برج خلیفہ پر پاکستانی پرچم کی نمائش
-
سفارتخانہ پاکستان پیرس میں یوم پاکستان پر پرچم کشائی کی پُروقار تقریب
-
بابر اعظم کا نبی کریم ﷺ سے اظہار عقیدت ، مداحوں کے دل جیت لیے
-
"عمران خان کو رہا کرو"
-
سائفر کو امریکی سازش کہنے کا عمران خان کا الزام سراسر جھوٹ ہے
-
امریکی کانگریس کی کمیٹی میں پیشی، ڈونلڈ لو کے بیان پر "جھوٹ، جھوٹ" کے نعرے لگ گئے
-
87 ممالک کے شہریوں کیلئے یو اے ای میں ویزا آن ارائیول کی سہولت
-
مسجد الحرام میں اعتکاف کے لیے رجسٹریشن کا آغاز
-
رمضان کا پہلا ہفتہ؛ 50 لاکھ سے زائد زائرین کی مسجد نبوی ﷺ آمد
-
امارات میں شدید بارشیں، دبئی کی متعدد پروازیں منسوخ کردی گئیں
-
پاکستان میں کابینہ کی تشکیل کے بعد دوسرے اقتصادی جائزے کیلئے مشن بھیجنے کو تیارہیں، آئی ایم ایف