عمان نے مسافروں کے ملک میں داخلے کی پابندیوں میں توسیع کردی

1. 18 سال سے زیادہ عمر کے تارکین وطن اور غیر ملکی شہریوں کے لیے ویکسی نیشن کی 2 خوراکیں لازمی ہوں گی۔

2. ملک میں داخل ہونے والے تمام مسافروں کے لیے ایک منفی پی سی آر ٹیسٹ سرٹیفکیٹ ضروری ہوگا ، جس کے لیے سفر پر روانہ ہونے سے 72 گھنٹے سے بھی کم وقت پہلے ٹیسٹ کیا جانا لازمی ہے۔

(جاری ہے)

3. قواعد میں توسیع سے پہلے اور آمد کی تاریخ میں توسیع کے 72 گھنٹے سے زیادہ نہ ہونے کی صورت میں آمد پر ٹیسٹ بک کروانے والوں کے لیے استثنیٰ کی اجازت ہوگی۔

خیال رہے کہ عمان کو عالمی وباء کورونا وائرس کے بدترین چیلنج کا سامنا ہے ، جہاں یومیہ کیسز کی تعداد ملکی تاریخ کے بلند ترین مقام پر پہنچ گئی ہے ، عمان میں وبائی مرض کے آغاز کے بعد سے منگل کے روز سب سے زیادہ یومیہ کووِڈ انفیکشنز ریکارڈ کیے گئے ، 1 فروری 2022ء کو عمان میں 2,828 یومیہ کیسز سامنے آئے ، گزشتہ سب سے زیادہ کیسز 21 جون 2021ء کو رپورٹ ہوئے تھے جب 2,529 انفیکشن رپورٹ ہوئے۔

ملک میں ڈیٹا تجزیہ کار اور سماجی کارکن ابراہیم المیمانی نے بتایا کہ 1,134 لوگ اس بیماری سے صحت یاب بھی ہوئے ہیں اور 97 لوگوں کو گزشتہ چوبیس گھنٹوں کے دوران ہسپتال میں داخل کیا گیا ، جہاں انتہائی نگہداشت میں 52 افراد بھی ہیں جب کہ 2 اموات ریکارڈ کی گئیں، جس سے کورونا وائرس سے مرنے والوں کی کل تعداد 4,148 ہوگئی جب کہ جنوری 2022ء کے دوران عمان میں روزانہ اوسطاً 1,073 نئے کیسز کے ساتھ 33,272 نئے کورونا انفیکشن رپورٹ ہوئے ، دسمبر اس وائرس سے 19,584 افراد متاثر ہوئے تھے ، اس عرصے کے دوران صحت یاب ہونے کی شرح 93 فیصد تک گر گئی ۔

مزید برآں اس سال کے پہلے مہینے کے دوران آئی سی یو میں داخل مریضوں اور لوگوں کی تعداد میں اضافہ ہوا ، ہسپتالوں میں داخلے میں نمایاں اضافہ ہوا جب کہ 2022ء کے آغاز میں ہسپتالوں میں صرف 14 افراد تھے تاہم جنوری مہینے کے آخر تک 320 افراد کا علاج کیا جا رہا تھا ، اسی طرح اس مدت کے دوران آئی سی یو کی تعداد صرف چار مریضوں سے بڑھ کر 52 مریضوں تک پہنچ گئی ، جنوری میں کورونا سے 30 افراد ہلاک ہوئے۔