آرمی چیف کی جانب سے قطر کا اہم ترین دورہ

دوحہ پہنچنے کے بعد جنرل قمر باجوہ کی امیر قطر سے خصوصی ملاقات

محمد علی ہفتہ 30 جنوری 2021 00:46

دوحہ ( اُردو پوائنٹ اخبار تازہ ترین ۔ 29 جنوری 2021ء) آرمی چیف کی جانب سے قطر کا اہم ترین دورہ، پاک فوج کے شعبہ تعلقات عامہ آئی ایس پی آر کی جانب سے فراہم کردہ تفصیلات کے مطابق جمعہ کے روز آرمی چیف جنرل قمر جاوید باجوہ قطر کے اہم ترین دورے کیلئے روانہ ہوئے۔ آرمی چیف قطر کے 2 روزہ دورے کے سلسلے میں قطری دارالحکومت دوحہ پہنچے۔ دوحہ پہنچنے کے بعد جنرل قمر باجوہ کی امیر قطر شیخ تمیم بن حماد الثانی سے خصوصی ملاقات ہوئی۔

(جاری ہے)

ملاقات کے دوران باہمی دلچسپی، دفاع اورسیکیورٹی تعاون کے امور پر تبادلہ خیال کیا گیا اور علاقائی جیو پولیٹیکل صورتحال پر بھی بات چیت ہوئی۔ دونوں رہنماوں کی جانب سے باہمی تعاون کو وسعت دینےکی اہمیت پر زور دیا گیا جبکہ قطری قیادت نے اسٹریٹجک نوعیت کے تعلقات کو فروغ دینے کےعزم کا اعادہ بھی کیا۔ مسلح افواج کے مابین دفاعی تعاون اور تعلقات پر اظہار اطمینان کرتے ہوئے دفاعی تعاون کو مزید وسعت دینے پر بھی اتفاق کیا گیا۔ جبکہ دوحہ میں آرمی چیف جنرل قمرجاویدباجوہ نے قطر کے سرکاری دورہ پر احمدبن محمدملٹری کالج کا دورہ بھی کیا اور پاسنگ آؤٹ پریڈ کا مشاہدہ کرنے کے بعد پاس آؤٹ ہونےوالے کیڈٹس کےتربیتی معیارکی تعریف کی۔