حائل:سعودی ڈاکٹر آپریشن کے دوران مریض کے پیٹ میں قینچی بھول گیا

ہفتہ 28 مئی 2016 12:57

حائل: (اُردو پوائنٹ تازہ ترین اخبار ۔28مئی 2016ء) : حائل کے کنگ خالد ہسپتا ل کا ڈاکٹر آپریشن کے دوران مریض کے پیٹ میں قینچی بھول گیا۔ تفصیلات کے مطابق تین ماہ قبل سعودی شہری محمد سلیمان الحاثی کو پیٹ درد کی شکایت ہوئی تو ڈاکٹر نے اسے آپریشن کا مشورہ دیا ۔ ڈاکٹر نے مقررہ تاریخ پر محمد سلیمان کا آپریشن کر دیا۔ لیکن دو ماہ بعد اسے پیٹ میں دوبارہ درد کی شکایت ہوئی۔

جس پر ڈاکٹر نے اس کا دوبارہ آپریشن کیا ۔

(جاری ہے)

مگر دو دن بعد اسکے پیٹ میں درد کی شدت زیادہ ہو گئی ،جس کی وجہ سے ڈاکٹر نے اس کا ایکسرے کیا جس میں اسکے پیٹ میں قینچی دکھائی دی۔ ایکسرے کے بعد ڈاکٹر نے کہا کہ ابھی ایک چھوٹا آپریشن اور کرنا پڑے گا جس سے اسکی درد ختم ہو جائے گی اور قینچی کو نکال لیا جائے گا ، ڈاکٹر نے سلیمان محمد اگلے آپرشن کےلیئےدستخط بھی کروالیئے ۔ ڈاکٹر گذشتہ بدھ کے روز اپنے آبائی ملک مصرچلا گیا ۔مریض سلیمان محمد نے ساری صورت حال ہسپتال کے ہیڈ ڈاکٹر فواز ال راشد کو بتائی جس نے اس کیس کی انکوائری کا حکم دے دیاہے۔