حائل میں مصری ڈاکٹر مریض کے پیٹ میں قینچی بھول گیا

حائل :(اردو پوائنٹ تازہ ترین ،30نومبر 2016) سعودی عرب کے شہر حائل کے بڑے ہسپتال میں مصری ڈاکٹر آپریشن کے بعد مریض کے پیٹ میں قینچی بھول گیا۔تفصیلات کے مطابق مذکورہ ڈاکٹر کے پاس سعودی شہری کو لایا گیا جس کے پیٹ میں شدید درد تھا ۔ ڈاکٹر نے شہری کو فوری آپریشن کرنے کا کہا ۔ شہری کے خاندان والوں نے ڈاکٹر کے مشورے پر عمل کرتے ہوئے انہوں نے ڈاکٹر کو آپریشن کرنے کی اجازت دے دی ۔

ڈاکٹر کے آپریشن کرنے کے بعد مریض کو ہسپتال سے فارغ کردیا گیا۔

(جاری ہے)

لیکن تین دن بعد دوبار ہ پیٹ میں درد ہونے پر سعودی شہری کو ہسپتال لایا گیاجہاں مریض کا آپریشن کیا گیا ۔ ایکسر ے میں مریض کے پیٹ میں قینچی دیکھی گئی ۔ خاندانی ذرائع کا کہناہے کہ مریض کے پیٹ میں آپریشن کے بعد قینچی رہ گئی تھی جسے ایکسرے میں واضع دیکھا جا سکتاہے ۔ مریض کے اہلخانہ نے قینچی کو نکلوانے کے لیے دوسرے ہسپتال کا ر خ کیا ۔ نجی ہسپتال کے ڈاکٹروں نے آپریشن کرکے مریض کے پیٹ سے قینچ نکال دی ۔ اہلخانہ کا کہناہے کہ وہ اس ڈاکٹر کے خلاف قانونی کاروائی کریں گے ۔